2010 ರಲ್ಲಿ ಪಾಕಿಸ್ತಾನ್ ಆಟಗಾರರು ಆಡಿದ ಕಳ್ಳಾಟವು ಹೊಸ ಸಂಚಲನ ಸೃಷ್ಟಿಸಿತ್ತು. ಈ ಸಂಚಲನಕ್ಕೆ ಕಾರಣವಾಗಿದ್ದು ಅಂದಿನ ಪಾಕ್ ತಂಡದ ನಾಯಕ ಸಲ್ಮಾನ್ ಬಟ್, ಮೊಹಮ್ಮದ್ ಅಮೀರ್ ಹಾಗೂ ಮೊಹಮ್ಮದ್ ಆಸಿಫ್. ಈ ಮೂವರು ಸೇರಿ ಲಾಾರ್ಡ್ಸ್ ಮೈದಾನದಲ್ಲಿ ಸ್ಪಾಟ್ ಫಿಕ್ಸಿಂಗ್ ನಡೆಸಿದ್ದರು. ಈ ಫಿಕ್ಸಿಂಗ್ ಪ್ರಕರಣ ಬೆಳಕಿಗೆ ಬಂದಿದ್ದು ಹೇಗೆ ಎಂಬ ಸ್ಫೋಟಕ ಮಾಹಿತಿ ಪಾಕಿಸ್ತಾನದ ಮಾಜಿ ಆಲ್ರೌಂಡರ್ ಅಬ್ದುಲ್ ರಝಾಕ್ ಬಹಿರಂಗ ಪಡಿಸಿದ್ದಾರೆ.
ಆಗಸ್ಟ್ 26, 2010 ರಂದು ಲಾಾರ್ಡ್ಸ್ ಮೈದಾನದಲ್ಲಿ ಇಂಗ್ಲೆಂಡ್ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾದವು. ಈ ಮ್ಯಾಚ್ನಲ್ಲಿ ಸ್ಪಾಟ್ ಫಿಕ್ಸಿಂಗ್ ನಡೆಸಲು ಪಾಕಿಸ್ತಾನ್ ತಂಡದ ನಾಯಕ ಸಲ್ಮಾನ್ ಬಟ್ ನಿರ್ಧರಿಸಿದ್ದರು. ಇದಕ್ಕಾಗಿ ಬುಕ್ಕಿ ಮಜರ್ ಮಜೀದ್ ಭರ್ಜರಿ ಆಫರ್ ನೀಡಿದ್ದರು.
ಇದಕ್ಕೆ ಒಪ್ಪಿದ್ದ ಸಲ್ಮಾನ್ ಬಟ್ ತನ್ನ ಸಹ ಆಟಗಾರರಾದ ಮೊಹಮ್ಮದ್ ಆಸಿಫ್ ಹಾಗೂ ಮೊಹಮ್ಮದ್ ಅಮೀರ್ ಅವರ ಮನವೊಲಿಸಿದ್ದರು. ಅದರಂತೆ ಪಂದ್ಯದ ನಡುವೆ ಸ್ಪಾಟ್ ಫಿಕ್ಸಿಂಗ್ ನಡೆಸಲಾಯಿತು. ಇದಾಗ್ಯೂ ಫೀಕ್ಸಿಂಗ್ ನಡೆಯುತ್ತಿದೆ ಎಂಬ ವಿಚಾರ ಯಾರಿಗೂ ಗೊತ್ತಾಗಲಿಲ್ಲ.
ಇದರ ನಡುವೆ ಬುಕ್ಕಿ ಮಜರ್ ಮಜೀದ್ ಅವರ ಫೋನ್ನಲ್ಲಿ ಸಮಸ್ಯೆ ಕಾಣಿಸಿಕೊಂಡಿದೆ. ಹೀಗಾಗಿ ಅವರು ಲಂಡನ್ನಲ್ಲಿರುವ ಮೊಬೈಲ್ ಶಾಪ್ನಲ್ಲಿ ರಿಪೇರಿಗೆ ನೀಡಿದ್ದಾರೆ. ಇದೇ ಪಾಕಿಸ್ತಾನ್ ಶಾಪ್ನಲ್ಲಿ ಆಲ್ರೌಂಡರ್ ಅಬ್ದುಲ್ ರಜಾಕ್ ಅವರ ಸ್ನೇಹಿತ ಮೊಬೈಲ್ ಕೆಲಸ ಮಾಡುತ್ತಿದ್ದರು.
ಇತ್ತ ಮೊಬೈಲ್ ರಿಪೇರಿ ವೇಳೆ ಮಜರ್ ಮಜೀದ್ ಅವರ ಫೋನ್ ಗೆ ಮೆಸೇಜ್ ಗಳು ಬಂದಿವೆ. ಈ ಮೆಸೇಜ್ಗಳು ಪಾಕಿಸ್ತಾನ ಕ್ರಿಕೆಟ್ಗೆ ಸಂಬಂಧಿಸಿದ್ದಾಗಿತ್ತು. ಅದರಲ್ಲಿ ಫಿಕ್ಸಿಂಗ್ ಹೇಗೆ ಮಾಡಬೇಕೆಂದು ತಿಳಿಸಲಾಗಿದೆ. ಈ ವಿಚಾರವನ್ನು ಮೊಬೈಲ್ ಶಾಪ್ನಲ್ಲಿದ್ದ ಸ್ನೇಹಿತ ಅಬ್ದುಲ್ ರಜಾಕ್ಗೆ.
ತಕ್ಷಣವೇ ಅಬ್ದುಲ್ ರಝಾಕ್ ಈ ವಿಷಯವನ್ನು ತಂಡದಲ್ಲಿದ್ದ ಹಿರಿಯ ಆಟಗಾರ ಶಾಹಿದ್ ಅಫ್ರಿದಿ ಗಮನಕ್ಕೆ ತಂದಿದ್ದಾರೆ. ಕೂಡಲೇ ಅಫ್ರಿದಿ, ಮೊಹಮ್ಮದ್ ಅಮೀರನನ್ನು ಕರೆದು ಈ ಕುರಿತು ವಿಚಾರಿಸಿದ್ದಾರೆ.
ಎಷ್ಟು ಕೇಳಿದರೂ ಮೊಹಮ್ಮದ್ ಅಮೀರ್ ಬಾಯಿ ಬಿಡಲು. ಇದರಿಂದ ಕೋಪಗೊಂಡ ಶಾಹಿದ್ ಅಫ್ರಿದಿ ಮೊಹಮ್ಮದ್ ಅಮೀರ್ಗೆ ಕೆನ್ನೆಗೆ ಬಾರಿಸಿದ್ದಾರೆ. ಏಟು ಬೀಳುತ್ತಲೇ ಅಮೀರ್ ಅಳುತ್ತಾ ಸತ್ಯ ಒಪ್ಪಿಕೊಂಡರು ಎಂಬ ವಿಚಾರವನ್ನು ಅಬ್ದುಲ್ ರಝಾಕ್ ಬಹಿರಂಗಪಡಿಸಿದ್ದಾರೆ.
ಅಂದರೆ ಮ್ಯಾಚ್ ಫಿಕ್ಸಿಂಗ್ ಬುಕ್ಕಿ ಮಜರ್ ಮಜೀದ್ ಅವರ ಮೊಬೈಲ್ ಫೋನ್ ಅಬ್ದುಲ್ ರಝಾಕ್ ಅವರ ಗೆಳೆಯನಿಗೆ ರಿಪೇರಿಗೆ ನೀಡಿದ್ದ ಪಾಕ್ ಆಟಗಾರರ ಈ ಕಳ್ಳಾಟ ಬಹಿರಂಗವಾಗಿತ್ತು.
ಇನ್ನು ಈ ಹಗರಣದ ಹಿಂದಿನ ಮಾಸ್ಟರ್ ಮೈಂಡ್ ನಾಯಕ ಸಲ್ಮಾನ್ ಬಟ್ ಎಂದು ರಜಾಕ್ ಆರೋಪಿಸಿದ್ದಾರೆ. ಸಲ್ಮಾನ್ ಬಟ್ ಸೂಚನೆಯ ಅಮೀರ್ ಮತ್ತು ಮೊಹಮ್ಮದ್ ಆಸಿಫ್ ನೋ-ಬಾಲ್ ಎಸೆದಿದ್ದರು ಎಂಬುದು ಸಾಬೀತಾಗಿತ್ತು.
ಇದನ್ನೂ ಓದಿ: ವೈಯುಕ್ತಿಕ ದಾಖಲೆಗಾಗಿ ಆಡುವುದನ್ನು ನಿಲ್ಲಿಸಿ… ಗಂಭೀರ್ ಖಡಕ್ ಸೂಚನೆ
ಈ ಘಟನೆಯ ನಂತರ ಮೊಹಮ್ಮದ್ ಅಮಿರ್ಗೆ 5 ವರ್ಷಗಳ ನಿಷೇಧ ಹೇರಲಾಗಿದೆ. ಇನ್ನು ಸಲ್ಮಾನ್ ಬ್ಯಾಟ್ಗೆ 10 ವರ್ಷ ಹಾಗೂ ಮೊಹಮ್ಮದ್ ಆಸಿಫ್ಗೆ 7 ವರ್ಷದ ಬ್ಯಾನ್ ಹೇರಲಾಗಿದೆ. ಇದಾದ ಬಳಿಕ 2016 ರಲ್ಲಿ ಮೊಹಮ್ಮದ್ ಅಮಿರ್ ಕಂಬ್ಯಾಕ್ ಮಾಡಿದರೂ, ಸಲ್ಮಾನ್ ಬಟ್ ಹಾಗೂ ಮೊಹಮ್ಮದ್ ಆಸಿಫ್ ಅವರ ಕ್ರಿಕೆಟ್ ಕೆರಿಯರ್ ಈ ಬ್ಯಾನ್ನೊಂದಿಗೆ ಅಂತ್ಯವಾಗಿತ್ತು.
