ಜೋಡಿ ಹಕ್ಕಿ ಧಾರಾವಾಹಿಯಿಂದ ಅಕ್ಷರಾ ಔಟ್… ನಾಯಕಿಯಾಗಿ ಎಂಟ್ರಿ ಕೊಟ್ಟ ಪಾರು ಸೀರಿಯಲ್ ನಟಿ

<p>ಜೀ ಪವರ್ ನಲ್ಲಿ ಇತ್ತೀಚೆಗೆ ಶುರುವಾದ ಜೋಡಿ ಹಕ್ಕಿ ಧಾರಾವಾಹಿಯಿಂದ ನಾಯಕಿ ಅಕ್ಷರಾ ಹೊರ ಬಂದಿದ್ದಾರೆ. ಈ ಪಾತ್ರದಲ್ಲಿ ಇನ್ನು ಮುಂದೆ ಮಾನ್ಸಿ ಜೋಶಿ ನಟಿಸಲಿದ್ದಾರೆ. ಈಗಾಗಲೇ ಮಾನ್ಸಿ ಧಾರಾವಾಹಿಯಲ್ಲಿ ಕಾಣಿಸಿಕೊಂಡಿದ್ದಾರೆ.</p><img><p>ಜೀ ಪವರ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಧಾರಾವಾಹಿಗಳು ಪ್ರೇಕ್ಷಕರನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಅವುಗಳಲ್ಲಿ ಒಂದಾದ ಜೋಡಿ ಹಕ್ಕಿ ಧಾರಾವಾಹಿಯಲ್ಲಿ ನಟಿ ಅಕ್ಷರಾ ಅವರು ಅಕ್ಷರಾ ಪಾತ್ರದಲ್ಲಿ ನಟಿಸುತ್ತಿದ್ದು, ಇದೀಗ ಧಾರಾವಾಹಿಯಿಂದ ಹೊರ ಬಂದಿದ್ದಾರೆ.</p><img><p>ಅಕ್ಷರಾ ಅವರು ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಸಹನಾ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯಕ್ಕೆ ಆ ಧಾರಾವಾಹಿಯ ನಾಯಕಿ ಸಹನಾ ಅಂತಾನೆ ಹೇಳಬಹುದು. ಜೀ ಪವರ್ ಆರಂಭವಾದ ಮೇಲೆ ಹೊಸ ಧಾರಾವಾಹಿ ಜೋಡಿ ಹಕ್ಕಿಗೂ ಅಕ್ಷರಾ ನಾಯಕಿಯಾಗಿದ್ದರು.</p><img><p>ಜೋಡಿ ಹಕ್ಕಿ ಧಾರಾವಾಹಿಯಲ್ಲಿ ಅಕ್ಷರಾ ಟೀಚರ್ ಅಕ್ಷರಾ ಪಾತ್ರಕ್ಕೆ ಜೀವ ತುಂಬಿದ್ದರು. ಈ ಹಿಂದಿನ ಜೋಡಿ ಹಕ್ಕಿ ಧಾರಾವಾಹಿ ರೀತಿನೇ ಕಥೆಯನ್ನು ಹೊಂದಿರುವ ಈ ಹೊಸ ಧಾರಾವಾಹಿಯಲ್ಲಿ, ಅಕ್ಷರಾ ಪಾತ್ರವನ್ನು ಜನ ಇಷ್ಟಪಟ್ಟಿದ್ದರು. ಇದೀಗ ದಿಢೀರ್ ಆಗಿ ಪಾತ್ರದಿಂದ ಹೊರಬಂದಿದ್ದಾರೆ.</p><img><p>ಅಕ್ಷರಾ ಹೀಗೆ ದಿಢೀರ್ ಆಗಿ ಜೋಡಿ ಹಕ್ಕಿ ಧಾರಾವಾಹಿಯಿಂದ ಹೊರ ಬಂದಿದ್ದು, ಯಾಕೆ ಎಂದು ತಿಳಿದಿಲ್ಲ. ಅವರು ಕೂಡ ಕಾರಣ ನೀಡಿಲ್ಲ. ಈಗ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ನಟಿಸುವರೇ ಎನ್ನುವ ಪ್ರಶ್ನೆ ಮೂಡಿದೆ.</p><img><p>ಇದೀಗ ಜೋಡಿ ಹಕ್ಕಿ ಧಾರಾವಾಹಿಯ ಅಕ್ಷರಾ ಪಾತ್ರಕ್ಕೆ ಮಾನ್ಸಿ ಜೋಶಿಯವರು ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಮಾನ್ಸಿ ಜೋಶಿ ಸೀರಿಯಲ್ ನಲ್ಲಿ ನಟಿಸಿದ್ದು, ಇವರು ಇರುವ ಪ್ರೊಮೋ ಕೂಡ ರಿಲೀಸ್ ಆಗಿದೆ.</p><img><p>ಮಾನ್ಸಿ ಜೋಶಿ ಕನ್ನಡದಲ್ಲಿ ಹಲವಾರು ಧಾರಾವಾಹಿಯಲ್ಲಿ ಸಣ್ಣ ಪುಟ್ಟ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಆದರೆ ಇವರು ನಟಿಸಿದ ಪಾರು ಧಾರಾವಾಹಿಯ ಅನುಷ್ಕಾ ಎನ್ನುವ ನೆಗೆಟಿವ್ ಪಾತ್ರ ಜನಮನ ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ಮಾನ್ಸಿ ಜೋಶಿಯನ್ನು ಮತ್ತೆ ತೆರೆ ಮೇಲೆ ನೋಡಿ ಅಭಿಮಾನಿಗಳು ಸಂಭ್ರಮಿಸಿದ್ದಾರೆ.</p><img><p>ಇನ್ನು ಮಾನ್ಸಿ ಜೋಶಿಯವರು ಮಲಯಾಲಂ ಧಾರಾವಾಹಿಯಲ್ಲಿ ನಾಯಕಿಯಾಗಿ ನಟಿಸಿದ್ದರು. ಈ ಧಾರಾವಾಹಿ ಸಿಕ್ಕಾಪಟ್ಟೆ ಯಶಸ್ಸು ಪಡೆದುಕೊಂಡಿತ್ತು. ಕೆಲ ತಿಂಗಳ ಹಿಂದೆ ಧಾರಾವಾಹಿ ಕೊನೆಯಾಗಿತ್ತು. ಇದೀಗ ಮತ್ತೆ ಹೊಸ ಅವಕಾಶ ಸಿಕ್ಕಿದೆ.</p>



Source link