ಅಲ್ಲು ಅರ್ಜುನ್ (Allu Arjun), ಪ್ಯಾನ್ ಇಂಡಿಯಾ ಸ್ಟಾರ್ ನಟ. ಇದೀಗ ಅವರು ಅಟ್ಲಿ ನಿರ್ದೇಶನದ ಹಾಲಿವುಡ್ ಲೆವೆಲ್ ನ ಸಿನಿಮಾ ಒಂದರಲ್ಲಿ ನಟಿಸುತ್ತಿದ್ದಾರೆ. ಅಲ್ಲ ಅರ್ಜುನ್ ಕರ್ನಾಟಕಕ್ಕೂ ಬಹಳ ಆಪ್ತ ಬಂಧವೇನಿಲ್ಲ. ಪುನೀತ್ ರಾಜ್ ಕುಮಾರ್ ಅವರೊಟ್ಟಿಗೆ ಒಳ್ಳೆಯ ಗೆಳೆತನ ಹೊಂದಿದ್ದ ಅಲ್ಲು ಅರ್ಜುನ್ ಕರ್ನಾಟಕಕ್ಕೆ ಬರುವುದು ತೀರ ಅಪರೂಪ. ಇದೀಗ ಅಲ್ಲು ಅರ್ಜುನ್ ಅವರ ಅಚಾನಕ್ಕಾಗಿ ತಮ್ಮ ಟ್ವೀಟ್ ನಲ್ಲಿ ಕನ್ನಡ ಭಾಷೆ ಬಳಸಿದ್ದಾರೆ. ಅಲ್ಲು ಅರ್ಜುನ್ ಟ್ವೀಟ್ನಲ್ಲಿ ಕನ್ನಡ ಬಳಸಲು ವಿಶೇಷ ಕಾರಣವೂ ಇದೆ.
ಅಲ್ಲು ಅರ್ಜುನ್ ಅವರು ಚಿತ್ರದಿಂದ ಬಿಡುವು ಪಡೆದು ಕುಟುಂಬದೊಟ್ಟಿಗೆ ಜಪಾನ್ ಪ್ರವಾಸ ಮಾಡಿ ಬಂದಿದ್ದಾರೆ. ಜಪಾನ್ ಪ್ರವಾಸದಿಂದ ಬಂದ ಕೂಡಲೇ ತಮ್ಮ ಮಾವ, ನೆಚ್ಚಿನ ನಟರೂ ಆಗಿರುವ ಚಿರಂಜೀವಿ ನಟನೆಯ ‘ಮನ ಶಂಕರ ವರ ಪ್ರಸಾದ್ ಗಾರು’ ಸಿನಿಮಾ ವೀಕ್ಷಿಸಿದ್ದಾರೆ ಅಲ್ಲು ಅರ್ಜುನ್. ಸಿನಿಮಾ ಬಗ್ಗೆ ಟ್ವೀಟ್ ಮಾಡಿರುವ ಸ್ಟೈಲಿಶ್ ಸ್ಟಾರ್ ತಮ್ಮ ಟ್ವೀಟ್ ನಲ್ಲಿ ಕನ್ನಡ ವಾಕ್ಯ ಬಳಸಿದ್ದಾರೆ.
ಇದನ್ನೂ ಓದಿ:ಜಪಾನ್ ನಲ್ಲಿ ಅಭಿಮಾನಿಗಳ ಪ್ರೀತಿಗೆ ಮನಸೋತ ಅಲ್ಲು ಅರ್ಜುನ್
‘ಮನ ಶಂಕರ ವರ ಪ್ರಸಾದ್ ಗಾರು’ ಸಿನಿಮಾವನ್ನು ಹೊಗಳುತ್ತಾ ಅಲ್ಲು ಅರ್ಜುನ್ ಮಾಡಿರುವ ಟ್ವೀಟ್ ನಲ್ಲಿ, ‘ತುಂಬಾ ಚೆನ್ನಾಗಿ ಮಾಡಿದಿರಾ’ ಎಂಬ ವಾಕ್ಯವನ್ನು ಅರ್ಜುನ್ ಬಳಸಿದ್ದಾರೆ. ಅದೂ ಮೆಗಾಸ್ಟಾರ್ ವೀರಂಜೀವಿ ಅವರ ಹೊಗಳಲು ಅಲ್ಲ, ಬದಲಾಗಿ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿರುವ ವೆಂಕಟೇಶ್ ಅವರ ಹೊಗಳಲು. ಏಕೆಂದರೆ ‘ಮನ ಶಂಕರ ವರ ಪ್ರಸಾದ್ ಗಾರು’ ಸಿನಿಮಾದಲ್ಲಿ ವೆಂಕಟೇಶ್ ಅವರು ಕನ್ನಡಿಗನ ಪಾತ್ರದಲ್ಲಿ ನಟಿಸಿದ್ದಾರೆ. ಅವರ ಪಾತ್ರದ ಹೆಸರು ದಾವಣಗೆರೆಯ ವೆಂಕಿ ಗೌಡ. ಸಿನಿಮಾದಲ್ಲಿ ವೆಂಕಟೇಶ್ ಅವರ ಆರಂಭದ ಕೆಲವು ಸಂಭಾಷಣೆಗಳು ಕನ್ನಡದಲ್ಲೇ ಇವೆ. ಚಿರಂಜೀವಿ ಸಹ ವೆಂಕಿ ಅವರೊಟ್ಟಿಗೆ ಕನ್ನಡದಲ್ಲಿ ಮಾತನಾಡುವ ದೃಶ್ಯಗಳು ಇವೆ. ಇದೇ ಕಾರಣಕ್ಕೆ ಅಲ್ಲು ಅರ್ಜುನ್ ಅವರು ವೆಂಕಟೇಶ್ ಅವರ ಪಾತ್ರವನ್ನು ಹೊಗಳುತ್ತಾ ಕನ್ನಡದ ವಾಕ್ಯ ಬಳಸಿದ್ದಾರೆ.
ನ ಇಡೀ ತಂಡಕ್ಕೆ ಅಭಿನಂದನೆಗಳು #ಮನಶಂಕರ ವರಪ್ರಸಾದರು
ಬಾಸ್ ಹಿಂತಿರುಗಿದ್ದಾರೆ ❤️🔥 L – I – T 🔥 ನಮ್ಮ ಮೆಗಾಸ್ಟಾರ್ ಅನ್ನು ನೋಡಲು ಸಂತೋಷವಾಗಿದೆ @KChiruTweets ಗಾರು ಮತ್ತೆ ತೆರೆಗಳನ್ನು ಬೆಳಗಿಸಿ 🔥ಪೂರ್ಣ #ವಿಂಟೇಜ್ ವೈಬ್ಸ್
⁰@ವೆಂಕಿಮಾಮ ಗಾರು ಕಾರ್ಯಕ್ರಮವನ್ನು ರಾಕ್ ಮಾಡಿದರು. #ವೆಂಕಿಗೌಡ ತುಂಬಾ ಚೆನ್ನಾಗಿ ಮಾಡಿದಿರಾ (ತುಂಬ… pic.twitter.com/SI8CF7r9VO— ಅಲ್ಲು ಅರ್ಜುನ್ (@alluarjun) ಜನವರಿ 20, 2026
‘ಬಾಸ್ ಈಸ್ ಬ್ಯಾಕ್’ ಎಂದಿರುವ ಅಲ್ಲು ಅರ್ಜುನ್, ‘ಮೆಗಾಸ್ಟಾರ್ ಚಿರಂಜೀವಿ ಅವರ ಪರದೆಯ ಮೇಲೆ ಮಿಂಚಿದ್ದನ್ನು ನೋಡಲು ಖುಷಿಯಾಗುತ್ತದೆ. ಸಿನಿಮಾದಲ್ಲಿ ಸಖತ್ ಹುಕ್ ಸ್ಟೆಪ್ಪುಗಳು, ಆಕ್ಷನ್, ಕಾಮಿಡಿ ಎಲ್ಲವೂ ಅದ್ಭುತವಾಗಿದೆ. ನಯನತಾರಾ ಹಾಗೂ ಕ್ಯಾತರಿನ್ ಅವರು ಒಳ್ಳೆಯ ಗ್ಲಾಮರ್ ತಂದಿದ್ದಾರೆ. ಅನಿಲ್ ರವಿಪುಡಿ, ಸಂಕ್ರಾಂತಿ ಬ್ಲಾಕ್ ಬಸ್ಟರ್ ಮಷೀನ್ ಎನಿಸಿಕೊಂಡಿದೆ, ಒಟ್ಟಾರೆ ‘ಮನ ಶಂಕರ ವರ ಪ್ರಸಾದ್ ಗಾರು’ ಸಿನಿಮಾ ಸಂಕ್ರಾಂತಿಯ ‘ಬಾಸ್ ಬಸ್ಟರ್’ ಆಗಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
