ಅಮೃತಧಾರೆ ಬಳಿಕ ನಾಪತ್ತೆಯಾಗಿದ್ದ ಸಾರಾ ಅಣ್ಣಯ್ಯ… ಈಗ ರೋಮ್ಯಾಂಟಿಕ್ ಸೀರೀಸ್ ನಾಯಕಿ

<p>ಅಮೃತಧಾರೆ ಧಾರಾವಾಹಿಯಲ್ಲಿ ಮಹಿಮಾ ಪಾತ್ರದಲ್ಲಿ ನಟಿಸುತ್ತಿದ್ದ ಸಾರಾ ಅಣ್ಣಯ್ಯ ಇದ್ದಕ್ಕಿದ್ದಂತೆ ಸೀರಿಯಲ್ ನಿಂದ ಹೊರ ನಡೆದಿದ್ದರು. ಬಳಿಕ ನಟನೆಯಿಂದಲೇ ದೂರ ಉಳಿದಿದ್ದ ನಟಿ ಇದೀಗ ಸೀರೀಸ್ ಒಂದರಲ್ಲಿ ನಟ ಅಭಿಷೇಕ್ ಶ್ರೀಕಾಂತ್ ಜೊತೆ ರೊಮ್ಯಾನ್ಸ್ ಮಾಡಿದ್ದಾರೆ.</p><img><p>ಜೀ ಕನ್ನಡ ವಾಹಿನಿಯ ಜನಪ್ರಿಯ ಅಮೃತಧಾರೆ ಧಾರಾವಾಹಿಯಲ್ಲಿ ಮಹಿಮಾ ಪಾತ್ರದಲ್ಲಿ ನಟಿಸಿದ್ದ ಸಾರಾ ಅಣ್ಣಯ್ಯ (Sara Annaiah), ಇದ್ದಕ್ಕಿದ್ದಂತೆ ಸೀರಿಯಲ್ ನಿಂದ ಹೊರ ನಡೆದಿದ್ದರು. ನಂತರ ನಟನೆಯಿಂದಲೇ ದೂರ ಉಳಿದಿದ್ದ ಸಾರಾ ಇದೀಗ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.</p><img><p>ಸಾರಾ ಅಣ್ಣಯ್ಯ ಇಷ್ಟು ದಿನ ತೆರೆ ಮೇಲಿನಿಂದಲೇ ನಾಪತ್ತೆಯಾಗಿದ್ದರು. ಇದೀಗ ನಟಿ ಮತ್ತೆ ಸ್ಕ್ರೀನ್ ಮೇಲೆ ಕಾಣಿಸಿಕೊಂಡಿದ್ದಾರೆ. ಆದರೆ ಈ ಬಾರಿ ಯಾವುದೇ ಸೀರಿಯಲ್ ಸಿನಿಮಾ ಮೂಲಕ ಅಲ್ಲ, ಮಿನಿ ಸೀರೀಸ್ (mini serieis) ನಲ್ಲಿ ನಟಿಸಿದ್ದಾರೆ ಸಾರಾ ಅಣ್ಣಯ್ಯ.</p><img><p>ಇದು ಮಿನಿ ಸೀರೀಸ್ ಗಳ ಯುಗ. ಜನರು ಹೆಚ್ಚಾಗಿ ಮೊಬೈಲ್ ಅವಲಂಭಿಸಿರೋದರಿಂದ ಇತ್ತೀಚಿನ ದಿನಗಳಲ್ಲಿ ಕನ್ನಡದಲ್ಲೂ ಹಲವಾರು ಮಿನಿ ಸೀರೀಸ್ ಗಳು ಬರುತ್ತಿದೆ. ಅದರಲ್ಲಿ ಒಂದು ಸೀರೀಸ್ ಲವ್ ಮಿ ಇಫ್ ಯೂ ಡೇರ್. ಕುಕು ಎಫ್ ಎಂ ನಲ್ಲಿ ಪ್ರಸಾರವಾಗುತ್ತಿದೆ.</p><img><p>ಸೀರಿಯಲ್ ಗಳಲ್ಲಿ ಖಳನಾಯಕಿ ಶೇಡ್ ಇರುವ ಅಥವಾ ಸೈಡ್ ರೋಲ್ ನಲ್ಲಿ ಮಿಂಚುತ್ತಿದ್ದ ಸಾರಾ ಅಣ್ಣಯ್ಯ ಇದೀಗ ‘ಲವ್ ಮಿ ಇಫ್ ಯೂ ಡೇರ್’ (love me if you dare) ಸೀರೀಸ್ ನಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ರೋಮ್ಯಾಂಟಿಕ್ ದೃಶ್ಯಗಳಲ್ಲೂ ಕಾಣಿಸಿಕೊಂಡಿದ್ದಾರೆ.</p><img><p>ಲಕ್ಷಣ ಸೀರಿಯಲ್ ನಲ್ಲಿ ವಿಲನ್ ಆಗಿ, ಸದ್ಯ ಸಿನಿಮಾಗಳಲ್ಲಿ ನಟಿಸುತ್ತಿರುವ ಅಭಿಷೇಕ್ ಶ್ರೀಕಾಂತ್ ಗೆ (Abhishek Sreekanth)ನಾಯಕಿಯಾಗಿ ಸಾರಾ ನಟಿಸಿದ್ದಾರೆ. ಮುಂಗೋಪಿ ನವಮಿಯಾಗಿ ಸಾರಾ ಹಾಗೂ ಅಹಂ ತುಂಬಿದ ಅಭಿನವ್ ಆಗಿ ಅಭಿಷೇಕ್ ನಟಿಸಿದ್ದಾರೆ.</p><img><p>ಸಾರಾ ಅಣ್ಣಯ್ಯ ಅವರದ್ದು ಈ ಸೀರೀಸ್ ನಲ್ಲಿ ಮುಂಗೋಪ ಜಾಸ್ತಿ ಇರುವ ಬೋಲ್ಡ್ ಹುಡುಗಿ, ಆದರೆ ಕೆಟ್ಟವಳು ಅಲ್ಲ. ಈ ಸೀರೀಸ್ ನಲ್ಲಿ ಅಭಿಷೇಕ್ ಜೊತೆ ಸಾರಾ ರೊಮ್ಯಾನ್ಸ್ ಕೂಡ ಮಾಡಿದ್ದಾರೆ. ಕಿರುತೆರೆ ನಟ ಅಥರ್ವ ಕೂಡ ಇದರಲ್ಲಿ ನಟಿಸಿದ್ದಾರೆ.</p><img><p>ಸಾರಾ ಅಣ್ಣಯ್ಯ ನಟನೆಗೆ ಎಂಟ್ರಿ ಕೊಟ್ಟದ್ದು, ಜನಪ್ರಿಯ ಧಾರಾವಾಹಿ ಕನ್ನಡತಿ (Kannadati serial) ಮೂಲಕ. ಈ ಧಾರಾವಾಹಿಯಲ್ಲಿ ವರೂಧಿನಿಯಾಗಿ, ಭುವಿಯ ಬೆಸ್ಟ್ ಫ್ರೆಂಡ್, ಹರ್ಷನನ್ನು ಲವ್ ಮಾಡುವ ಹುಡುಗಿಯ ಪಾತ್ರದಲ್ಲಿ ನಟಿಸಿದ್ದರು. ಆ ಪಾತ್ರವನ್ನು ಜನ ಸಿಕ್ಕಾಪಟ್ಟೆ ಇಷ್ಟ ಪಟ್ಟಿದ್ದರು.</p>



Source link