ಇವ್ರ ಎದುರು ಡೈಲಾಗೇ ಮರೆತುಹೋಗತ್ತೆ ಎಂದ ಸುನಿ: ಅಕ್ಕ-ತಮ್ಮ, ಆಂಟಿ ಲವರ್​ ಕಮೆಂಟ್ಸ್​ಗೆ ಹೇಳಿದ್ದೇನು?

ಅಮೃತಧಾರೆ ಧಾರಾವಾಹಿಯಲ್ಲಿ ಮಲ್ಲಿ ಮತ್ತು ಸುನಿ ನಿಶ್ಚಿತಾರ್ಥ ನಡೆದಿದೆ. ಆದರೆ ಮಲ್ಲಿ, ಜೈದೇವ್ ಪತ್ನಿ ಎಂಬ ಸತ್ಯ ಸುನಿಗೆ ತಿಳಿದು ಆಘಾತವಾಗಿದೆ. ಇದರ ನಡುವೆ, ತಮ್ಮಿಬ್ಬರ ವಯಸ್ಸಿನ ಅಂತರದ ಬಗ್ಗೆ ಟ್ರೋಲ್ ಮಾಡುವವರಿಗೆ ನಟರಾದ ಯಶು ಮತ್ತು ಅನ್ವಿತಾ ಸಾಗರ್ ಪ್ರತಿಕ್ರಿಯಿಸಿದ್ದಾರೆ.<img><p>ಅಮೃತಧಾರೆ ಸೀರಿಯಲ್​ (Amruthadhaare Serial)ನಲ್ಲಿ ಸದ್ಯ ಮಲ್ಲಿ ಮತ್ತು ಸಿಂಪಲ್​ ಸುನಿ ಮದುವೆಯ ಸಂಭ್ರಮ. ಎಂಗೇಜ್​ಮೆಂಟ್​ ಆಗಿದೆ. ಆದರೆ, ಇದೇ ವೇಳೆ ಮಲ್ಲಿ ಜೈದೇವನ ಪತ್ನಿ ಎನ್ನುವ ಸತ್ಯ ಭೂಮಿಕಾಳಿಂದ ತಿಳಿದು ಸುನಿಗೆ ನೆಲವೇ ಕುಸಿದ ಅನುಭವವಾಗಿದೆ.</p><img><p>ಅದೇ ಇನ್ನೊಂದೆಡೆ, ಎಂಗೇಜ್​ಮೆಂಟ್​ಗೆ ಬಂದ ಪಾರ್ಥನಿಗೆ ಸುನಿ, ಜೈದೇವ್​ ಕೈಕೆಳಗೆ ಕೆಲಸ ಮಾಡುವವನು ಎಂದು ತಿಳಿದ ಕಾರಣ ಬಂಡವಾಳ ಬಯಲಾಗುತ್ತೆ ಎಂದು ಹೆದರಿದ್ದ. ಆದರೆ ಜೈದೇವ್​ ಪಾರ್ಥನನ್ನು ಏನೋ ನೆಪ ಹೇಳಿ ಕರೆಸಿಕೊಂಡಿರುವುದಿಂದ ಪಾರ್ಥ ಮತ್ತು ಸುನಿ ಮುಖಾಮುಖಿಯಾಗಿಲ್ಲ.</p><img><p>ಜೈದೇವ ಹೇಳುವ ಮುನ್ನವೇ ಮಲ್ಲಿಯನ್ನು ಸುನಿ ಇಷ್ಟಪಡುತ್ತಿದ್ದರೂ, ಇದೀಗ ಮೋಸದ ಜಾಲದಲ್ಲಿ ಆಕೆಯನ್ನು ಸಿಲುಕಿಸುವ ಹಿನ್ನೆಲೆಯಲ್ಲಿ ಎಂಗೇಜ್​ಮೆಂಟ್​ ಆಗಿದ್ದಾನೆ. ಆದರೆ ವಿಷ್ಯ ತಿಳಿದು ಆತ ಮೋಸ ಮಾಡಲಾರ ಎನ್ನುವ ನಂಬಿಕೆ ವೀಕ್ಷಕದ್ದು.</p><img><p>ಇದರ ನಡುವೆಯೇ, ಇವರಿಬ್ಬರ ಲವ್​ಸ್ಟೋರಿ ನೋಡಿ ಸಿಕ್ಕಾಪಟ್ಟೆ ಟ್ರೋಲ್​ ಆಗುತ್ತಿದೆ. ಅಕ್ಕ-ತಮ್ಮನ ರೀತಿ ಇದ್ದಾರೆ. ಸುನಿ ಆಂಟಿ ಲವರ್​ ಎಂದೆಲ್ಲಾ ಹೇಳುತ್ತಿರುವ ಬಗ್ಗೆ ಇದೀಗ ಸುನಿ ಪಾತ್ರಧಾರಿ ಯಶು ಅವರು ತಮ್ಮ ಯುಟ್ಯೂಬ್​ ಚಾನೆಲ್​ನಲ್ಲಿ ಇದರ ಬಗ್ಗೆ ಹೇಳಿದ್ದಾರೆ. ಪಾತ್ರ ಆ ರೀತಿ ಮಾಡಿದ್ದಾರೆ ಅಷ್ಟೇ. ಮಲ್ಲಿ ಅವರೇನು ದೊಡ್ಡವರ ಹಾಗೆ ಕಾಣಿಸುವುದಿಲ್ಲ. ತುಂಬಾ ಕ್ಯೂಟ್​ ಆಗಿದ್ದಾರೆ. ಅವರು ಎದುರು ಬಂದಾಗ ನಾನು ಡೈಲಾಗನ್ನೇ ಮರೆತುಬಿಡುತ್ತೇನೆ ಎಂದಿದ್ದಾರೆ.</p><img><p>ಅದಕ್ಕೆ ಮಲ್ಲಿ ಪಾತ್ರಧಾರಿ ಅನ್ವಿತಾ ಸಾಗರ್​ (Malli role Anvita Sagar) ಅವರು ಸೀರಿಯಲ್​ನಲ್ಲಿ ನಮ್ಮಿಬ್ಬರ ವಯಸ್ಸು ಸುಮಾರು ಐದು ವರ್ಷ ವ್ಯತ್ಯಾಸವಿದೆ. ಹಾಗೆ ನೋಡಿದರೆ ನಾನು ಸೀರಿಯಲ್​ನಲ್ಲಿ 27-28 ವರ್ಷದವಳು. ಇದೇನು ಆಂಟಿ ಅನ್ನೋ ವಯಸ್ಸಲ್ಲ. ಆದರೆ ಮೊದಲೇ ಮದುವೆಯಾಗಿರುವ ಕಾರಣ ಮತ್ತು ನಾನು ತೂಕ ಹೆಚ್ಚಿಸಿಕೊಂಡಿರೋ ಕಾರಣ, ಆಂಟಿ ರೀತಿ ಕಾಣಿಸುತ್ತೇನೆ ಎಂದಿದ್ದಾರೆ.</p><img><p>ಕಮೆಂಟ್ಸ್​ ನೋಡಿದಾಗ ನನಗೂ ಆರಂಭದಲ್ಲಿ ತುಂಬಾ ನೋವಾಗ್ತಿತ್ತು. ಈಗ ರೂಢಿಯಾಗಿದೆ. ನಮ್ಮ ಪಾತ್ರವನ್ನು ನಾವು ನಿಭಾಯಿಸುತ್ತಿದ್ದೇವೆ ಅಷ್ಟೇ. ಏನೂ ಮಾಡಲು ಆಗಲ್ಲ ಎಂದಿದ್ದಾರೆ.</p>



Source link