Annayya Serial ಜಿಮ್​ ಸೀನನಿಂದ ಹಲ್ಲೆ: ಮಗನ ವಿರುದ್ಧ ಅಪ್ಪನ ದೂರು- ಪೊಲೀಸರಿಂದ ಅರೆಸ್ಟ್​

<p>’ಅಣ್ಣಯ್ಯ’ ಧಾರಾವಾಹಿ ಜಿಮ್ ಸೀನ ತನ್ನ ಪತ್ನಿ ಮೇಲೆ ಹಲ್ಲೆ ಮಾಡಿದ್ದಾನೆ. ಈ ಅನ್ಯಾಯವನ್ನು ಸಹಿಸದ ಸೀನನ ತಂದೆ ಸ್ವಂತ ಮಗನ ವಿರುದ್ಧವೇ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿ ಆತನನ್ನು ಬಂಧಿಸಿದ್ದಾರೆ. ಸೊಸೆಯನ್ನು ಮಗಳಂತೆ ಕಾಣಬೇಕು ಎಂದಿದ್ದಾನೆ ಅಪ್ಪ. ಆಗಿದ್ದೇನು ನೋಡಿ.&nbsp;</p><img><p>ಅಣ್ಣಯ್ಯ ಸೀರಿಯಲ್​ನಲ್ಲಿ ಗುಂಡಮ್ಮನ ಮೇಲೆ ಜಿಮ್​ ಸೀನ ಹಲ್ಲೆ ಮಾಡಿದ್ದಾನೆ. ಇಷ್ಟವಿಲ್ಲದ ಮದುವೆ ಜೊತೆಗೆ ಪ್ರೇಮಿಯೊಬ್ಬಳ ಪ್ರೇಮಪಾಶದಲ್ಲಿ ಸಿಲುಕಿರೋ ಸೀನಾ ಇದೀಗ ಪತ್ನಿ ಮೇಲೆ ಹಲ್ಲೆ ಮಾಡಿದ್ದಾನೆ.</p><img><p>ತನ್ನ ಸೊಸೆಗೆ ಆಗಿರುವ ಅನ್ಯಾಯವನ್ನು ನೋಡಲಾಗದೇ ಖುದ್ದು ಅಪ್ಪ ಮಾದಪ್ಪನೇ ಈಗ ಮಗನನ್ನು ಅರೆಸ್ಟ್​ ಮಾಡಿಸಿದ್ದಾನೆ. ಮಗನ ವಿರುದ್ಧ ಪೊಲೀಸರಿಗೆ ದೂರು ಕೊಟ್ಟಿದ್ದಾನೆ.</p><img><p>ಪೊಲೀಸರು ಬಂದು ಜಿಮ್​ ಸೀನನನ್ನು ಅರೆಸ್ಟ್ ಮಾಡಿಕೊಂಡು ಹೋಗಿದ್ದಾರೆ. ಸ್ವಂತ ಮಗ ಆದರೆ ಏನಾಯ್ತು? ಹೆಣ್ಣನ್ನು ಗೌರವಿಸಬೇಕು. ಹೆಣ್ಣು ಹೆತ್ತು ಗಂಡನ ಮನೆಗೆ ಕಳುಹಿಸಿರುವ ಪೋಷಕರಿಗೆ ನಾವು ಕಾವಲಾಗಿರಬೇಕು ಎಂದಿದ್ದಾನೆ ಮಾದಪ್ಪ.</p><img><p>ಅತ್ತೆ- ಮಾವನಾದವರು ಸೊಸೆಗೆ ಅಪ್ಪ-ಅಮ್ಮ ಆಗಿರಬೇಕು. ಆಕೆ ನಮಗೆ ಮಗಳಾಗಬೇಕು ಎಂದಿರುವ ಮಾದಪ್ಪನ ಮಾತಿಗೆ ವೀಕ್ಷಕರು ಭಾರಿ ಮೆಚ್ಚುಗೆ ಸೂಸಿದ್ದಾರೆ.</p><img><p>ಈ ಘಟನೆಯ ಬಗ್ಗೆ ಸೀರಿಯಲ್​ನ ಮಾರಿಗುಡಿ ವಾಣಿಯಲ್ಲಿ ಪ್ರಕಟ ಆಗಿರೋ ಈ ಸುದ್ದಿಯನ್ನು ಜೀ ಕನ್ನಡ ವಾಹಿನಿ ಶೇರ್​ ಮಾಡಿಕೊಂಡಿದೆ.</p><img><p>ಸೊಸೆ ಮೇಲೆ ಹಲ್ಲೆ, ಸ್ವಂತ ಮಗನ ಮೇಲೆ ದೂರು ನೀಡಿದ ತಂದೆ. ಮಾರಿಗುಡಿ ಮಾದಪ್ಪನ ಮಾದರಿ ನಿರ್ಧಾರ, ಜಿಮ್​ ಸೀನನ ಬಂಧನ ಎಂದು ಹೆಡ್ಡಿಂಗ್​ ಕೊಡಲಾಗಿದೆ.</p>



Source link