'ಏನ್​ ಬ್ರೋ' ಅಂತೀರಾ? Bro ಅರ್ಥ ತಿಳಿದ್ರೆ ಅಪ್ಪಿತಪ್ಪಿಯೂ ನೀವೂ ಹೇಳಲ್ಲ ಎಂದ ನಟಿ ಅನು ಜನಾರ್ದನ!

<p>’ಸತ್ಯ’ ಸೀರಿಯಲ್ ಖ್ಯಾತಿಯ ನಟಿ ಅನು ಜನಾರ್ದನ್ ಅವರು ‘ಬ್ರೋ’ ಪದದ ಬಳಕೆಯನ್ನು ಏಕೆ ನಿಲ್ಲಿಸಿದರು ಎಂಬುದನ್ನು ವಿವರಿಸಿದ್ದಾರೆ. ಸಹನಟ ಒಬ್ಬರು ‘ಬ್ರೋ’ ಶಬ್ದದ ಅರ್ಥ ಹೇಳಿದ ಮೇಲೆ ಅಲ್ಲಿಂದ ಎಂದಿಗೂ ಬಳಲಿಲ್ಲ ಎಂದಿದ್ದಾರೆ. ಹಾಗಿದ್ರೆ ಏನದು ಅರ್ಥ?&nbsp;</p><img><p>ಈಗಂತೂ ಬಿಡಿ. ಜೆನ್​ ಜೀ ಗಳು ಮಾತನಾಡುವ ಇಂಗ್ಲಿಷ್​ ಭಾಷೆಗೆ ಅರ್ಥನೇ ಇರಲ್ಲ. ಅದರಲ್ಲಿಯೂ ಬೆಂಗಳೂರಿನಂಥ ಮಹಾನಗರಗಳಲ್ಲಿ ಅವರು ಆಡುವ ಇಂಗ್ಲಿಷ್​ ಪದಗಳೋ ದೇವರಿಗೇ ಪ್ರೀತಿ. ಕನ್ನಡ ಮಾತನಾಡಲು ಹಿಂಜರಿಕೆ, ಇಂಗ್ಲಿಷೇ ಗ್ರೇಟ್​ ಎನ್ನೋ ನಂಬಿಕೆ. ಇದೇ ಕಾರಣಕ್ಕೆ ಅದೆಷ್ಟೋ ಪದಗಳು ಕನ್ನಡ ಮತ್ತು ಇಂಗ್ಲಿಷ್​ ಅರ್ಥಾತ್ ಕಂಗ್ಲಿಷ್​ ಆಗಿಬಿಟ್ಟಿವೆ. ಇನ್ನು ಕೆಲವು ಪದಗಳಿಗಂತೂ ಹುಡುಕಿದ್ರೂ ಅರ್ಥ ಸಿಗಲ್ಲ.</p><img><p>ಆದರೆ ಅದನ್ನು ಮಾತನಾಡುವವರಿಗೆ ಮಾತ್ರ ಅದು ಗೊತ್ತಿರುತ್ತದೆ. ಬ್ರೋ ಎಂದ್ರೆ ಸಾಮಾನ್ಯವಾಗಿ ಬ್ರದರ್​ ಎನ್ನುವ ಶಬ್ದದ ಷಾರ್ಟ್​ಫಾರ್ಮ್​ ಎಂದು ಹೇಳಲಾಗುತ್ತಿತ್ತು. ಆದರೆ ಇದೀಗ ಹುಡುಗಿಯರ ನಡುವಿನ ಸಂಭಾಷಣೆಯಲ್ಲಿಯೂ ಬ್ರೋ ನೂರೆಂಟು ಬಾರಿ ಬರತ್ತೆ, ಲವರ್ಸ್​ ನಡುವಿನ ಸಂಭಾಷಣೆಯಲ್ಲೂ ಬರತ್ತೆ. ಹಾಗಿದ್ರೆ ಏನಿ ಬ್ರೋ ಅರ್ಥ? ಇದನ್ನು ಕಿರುತೆರೆಯ ಖ್ಯಾತ ನಟಿ ಅನು ಜನಾರ್ದನ ವಿವರಿಸಿದ್ದಾರೆ. ತಮ್ಮ ಅನುಭವವನ್ನು ಅವರು ಹೀಗೆ ಹೇಳಿದ್ದಾರೆ!</p><img><p>ಅಂದಹಾಗೆ ಅನು ಜನಾರ್ದನ ಅವರು ಇದಾಗಲೇ ಹಲವು ಸೀರಿಯಲ್​ಗಳಲ್ಲಿ ನಟಿಸಿದ್ದಾರೆ. ಅದರಲ್ಲಿಯೂ ಸತ್ಯ ಸೀರಿಯಲ್​ ನೆಗೆಟಿವ್​ ಶೇಡ್​ನಲ್ಲಿ ಸಕತ್​ ಮಿಂಚಿದ್ದರು. ಕೀರ್ತನಾ ಎಂದೇ ಫೇಮಸ್​ ಆಗಿದ್ದರು. ಸದ್ಯ ನಟನೆಯಿಂದ ದೂರ ಸರಿದಂತಿದ್ದು, ಸೋಷಿಯಲ್​ ಮೀಡಿಯಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಅವರ ಹಳೆಯ ವಿಡಿಯೋ ಒಂದು ಮತ್ತೆ ವೈರಲ್​ ಆಗ್ತಿದೆ.</p><img><p>ಇದರಲ್ಲಿ ಅವರು ಬ್ರೋ ಶಬ್ದದ ಬಗ್ಗೆ ತಮಗೆ ಆಗಿರುವ ಅನುಭವವನ್ನು ಹೇಳಿಕೊಂಡಿದ್ದಾರೆ. ನಾನು ಕೂಡ ಇಂದಿನ ಹೆಚ್ಚಿನವರಂತೆ ಎಲ್ಲರಿಗೂ ಬ್ರೋ ಎಂದೇ ಕರೆಯುತ್ತಿದ್ದೆ. ಇದು ಸತ್ಯ ಸೀರಿಯಲ್​ ಶೂಟಿಂಗ್​ ಸಮಯದಲ್ಲಿ ನಡೆದ ಘಟನೆ. ಒಂದು ದಿನ ನಟ ಸೀರುಂಡೆ ರಘು ಅವರು ( ಸತ್ಯ ಧಾರಾವಾಹಿಯಲ್ಲಿಯ ಮೈದುನನ ಪಾತ್ರ ಮಾಡಿದ್ದಾರೆ) ಬ್ರೋ ಅನ್ನೋ ಶಬ್ದದ ಅರ್ಥ ಹೇಳಿದ್ಮೇಲೆ ತಾವು ಹಾಗೆ ಕರೆಯೋದನ್ನೇ ಬಿಟ್​ಬಿಟ್ಟೆ ಎಂದಿದ್ದಾರೆ ಅನು.</p><img><p>ಅಷ್ಟಕ್ಕೂ ಸೀರುಂಡೆ ರಘು ಅವರು ಹೇಳಿದ ಅರ್ಥ ಏನೆಂದರೆ ಬ್ರೋ ಎಂದರೆ, ‘ಬಾರೋ ರಾಜಾ… ಓಡಿ ಹೋಗೋಣ’ (BROh) ಅಂತ ಹೇಳಿದ್ದರಂತೆ. ಇದನ್ನು ಕೇಳಿ ನನಗೆ ಶಾಕ್​ ಆಗಿ ಆವತ್ತಿನಿಂದ ಯಾರಿಗೂ ಬ್ರೋ ಅಂತ ಕರೆಯಲ್ಲ ಎಂದು ಹೇಳಿದ್ದರು ಅನು.</p><img><p>ಬ್ರೋ ಶಬ್ದದ ಅರ್ಥ ಕೇಳಿದ್ಮೇಲೆ ಬಹುಶಃ ಯಾರೂ ಹಾಗೆ ಮಾತನಾಡಲಿಕ್ಕಿಲ್ಲ ಎನ್ನುವುದು ಅನು ಅವರ ಅಭಿಮತ. ಹಾಗೆಂದು ಜೆನ್​ ಜಿಗಳು ಇದನ್ನೆಲ್ಲಾ ಕೇಳಿಸಿಕೊಳ್ತಾರಾ? ಅವರಾಯ್ತು, ಅವರ ಮಾತಾಯ್ತು. ಶಬ್ದ ಏನಾದರೇನಂತೆ. ಎದುರಿಗೆ ಇದ್ದವರಿಗೆ ತಿಳಿದರೆ ಸಾಕಲ್ವಾ ಎನ್ನೋದು ಅವರ ಮಾತು.</p>



Source link