<p>ಆ್ಯಪಲ್ನಿಂದ ಕ್ರಿಯೆಟರ್ ಸ್ಟುಡಿಯೋ ಲಾಂಚ್, ಆ್ಯಪಲ್ ಆರಂಭಿಸಿದ ಹೊಸ ಕ್ರಿಯೇಟರ್ ಸ್ಟುಡಿಯೋ ಏನು? ಎಲ್ಲಾ ಕಡೆ ಒಂದೇ ಫೀಚರ್ ಲಭ್ಯವಾಗುವಂತೆ ಮಾಡಿರುವ ಆ್ಯಪಲ್ ಕ್ರಿಯೆಟರ್ ಸ್ಟುಡಿಯೋ ಸಬ್ಸ್ಕ್ರಿಪ್ಶನ್ ಬೆಲೆ ಎಷ್ಟು?</p><img><p>ಟೆಕ್ ದೈತ್ಯ ಆ್ಯಪಲ್, ವಿಶ್ವಾದ್ಯಂತ ಕ್ರಿಯೇಟರ್ಗಳಿಗಾಗಿ ‘ಆ್ಯಪಲ್ ಕ್ರಿಯೇಟರ್ ಸ್ಟುಡಿಯೋ’ ಎಂಬ ಹೊಸ ಸಬ್ಸ್ಕ್ರಿಪ್ಷನ್ ಪರಿಚಯಿಸಿದೆ. ವೀಡಿಯೊ ಎಡಿಟಿಂಗ್, ಸಂಗೀತ, ಡಿಸೈನ್ಗೆ ಬೇಕಾದ ಪ್ರೊ-ಲೆವೆಲ್ ಟೂಲ್ಗಳು ಒಂದೇ ಕಡೆ ಲಭ್ಯವಾಗುವಂತೆ ಮಾಡಲಾಗಿದೆ. </p><img><p>ಆ್ಯಪಲ್ ಕ್ರಿಯೇಟರ್ ಸ್ಟುಡಿಯೋ ಸಬ್ಸ್ಕ್ರಿಪ್ಷನ್ನಲ್ಲಿ ಆ್ಯಪಲ್ನ ಅತ್ಯಂತ ಶಕ್ತಿಶಾಲಿ ಆ್ಯಪ್ಗಳು ಸೇರಿವೆ:</p><p>• ಫೈನಲ್ ಕಟ್ ಪ್ರೊ: ಮ್ಯಾಕ್ ಮತ್ತು ಐಪ್ಯಾಡ್ ಸಾಧನಗಳಿಗೆ.</p><p>• ಲಾಜಿಕ್ ಪ್ರೊ: ಮ್ಯಾಕ್ ಮತ್ತು ಐಪ್ಯಾಡ್ ಸಾಧನಗಳಿಗೆ.</p><p>• ಪಿಕ್ಸೆಲ್ಮೇಟರ್ ಪ್ರೊ: ಮೊದಲ ಬಾರಿಗೆ ಐಪ್ಯಾಡ್ನಲ್ಲಿ ಪರಿಚಯ, ಮ್ಯಾಕ್ನಲ್ಲೂ ಲಭ್ಯ.</p><p>• ಮೋಷನ್, ಕಂಪ್ರೆಸರ್ ಮತ್ತು ಮೇನ್ಸ್ಟೇಜ್: ಮ್ಯಾಕ್ ಬಳಕೆದಾರರಿಗೆ.</p><p>• ಪ್ರೊಡಕ್ಟಿವಿಟಿ ಆ್ಯಪ್ಸ್: ಕೀನೋಟ್, ಪೇಜಸ್, ನಂಬರ್ಸ್ ಮತ್ತು ಫ್ರೀಫಾರ್ಮ್ಗಾಗಿ ಪ್ರೀಮಿಯಂ ಟೆಂಪ್ಲೇಟ್ಗಳು.</p><p>ಪ್ರತ್ಯೇಕವಾಗಿ ಆ್ಯಪ್ಸ್ ಖರೀದಿಸುವ ಆಯ್ಕೆಯೂ ಇದೆ, ಸಬ್ಸ್ಕ್ರಿಪ್ಷನ್ ಕಡ್ಡಾಯವಲ್ಲ.</p><img><p>ಫೈನಲ್ ಕಟ್ ಪ್ರೊ ಈಗ AI ತಂತ್ರಜ್ಞಾನದೊಂದಿಗೆ ಅಪ್ಡೇಟ್ ಆಗಿದೆ. ‘ವಿಶುವಲ್ ಸರ್ಚ್’ ಮೂಲಕ ವೀಡಿಯೊದಲ್ಲಿನ ವಸ್ತುಗಳನ್ನು ಹುಡುಕಬಹುದು. ‘ಬೀಟ್ ಡಿಟೆಕ್ಷನ್’ ಫೀಚರ್ ಸಂಗೀತದ ತಾಳಕ್ಕೆ ತಕ್ಕಂತೆ ಟೈಮ್ಲೈನ್ ಸಿಂಕ್ ಮಾಡುತ್ತದೆ.</p><img><p>ಸಂಗೀತ ನಿರ್ಮಾಪಕರಿಗಾಗಿ ಲಾಜಿಕ್ ಪ್ರೊದಲ್ಲಿ ಹೊಸ ‘ಸಿಂಥ್ ಪ್ಲೇಯರ್’ ಪರಿಚಯಿಸಲಾಗಿದೆ. ಇದು AI ಸಂಗೀತಗಾರನಂತೆ ಕೆಲಸ ಮಾಡಿ ಸಂಗೀತ ರಚಿಸುತ್ತದೆ. ‘ಕಾರ್ಡ್ ಐಡಿ’ ಫೀಚರ್ ನಿಮ್ಮ ರೆಕಾರ್ಡಿಂಗ್ ಕೇಳಿ ತಾನಾಗಿಯೇ ಕಾರ್ಡ್ಗಳನ್ನು ಪತ್ತೆ ಮಾಡುತ್ತದೆ.</p><img><p>ಮೊದಲ ಬಾರಿಗೆ, ಜನಪ್ರಿಯ ಫೋಟೋ ಎಡಿಟಿಂಗ್ ಆ್ಯಪ್ ಆದ ಪಿಕ್ಸೆಲ್ಮೇಟರ್ ಪ್ರೊ ಐಪ್ಯಾಡ್ನಲ್ಲಿ ಪರಿಚಯವಾಗುತ್ತಿದೆ. ಇದು ಆ್ಯಪಲ್ ಪೆನ್ಸಿಲ್ ಸಪೋರ್ಟ್, ಲೇಯರ್ಗಳು, ಸ್ಮಾರ್ಟ್ ಸೆಲೆಕ್ಷನ್ ಮತ್ತು ಸೂಪರ್ ರೆಸಲ್ಯೂಶನ್ನಂತಹ AI ಟೂಲ್ಗಳನ್ನು ಹೊಂದಿದೆ.</p><img><p>ಕೀನೋಟ್, ಪೇಜಸ್ ಮತ್ತು ನಂಬರ್ಸ್ನಂತಹ ಆ್ಯಪ್ಗಳು OpenAI ತಂತ್ರಜ್ಞಾನದ ಸಹಾಯದಿಂದ ಚಿತ್ರಗಳನ್ನು ರಚಿಸುವ ಸಾಮರ್ಥ್ಯವನ್ನು ಪಡೆಯುತ್ತವೆ. ಕೀನೋಟ್ ಆ್ಯಪ್ ಕೇವಲ ಟೆಕ್ಸ್ಟ್ ನೋಟ್ಸ್ ಬಳಸಿ ಸಂಪೂರ್ಣ ಪ್ರೆಸೆಂಟೇಶನ್ ರಚಿಸಬಲ್ಲದು.</p><img><p>ಆ್ಯಪಲ್ ಕ್ರಿಯೇಟರ್ ಸ್ಟುಡಿಯೋ ಜನವರಿ 28, 2026 ರಿಂದ ಲಭ್ಯವಾಗಲಿದೆ.</p><p>• ಮಾಸಿಕ ಚಂದಾ: $12.99 (ಸುಮಾರು ರೂ. 1,000)</p><p>• ವಾರ್ಷಿಕ ಚಂದಾ: $129 (ಸುಮಾರು ರೂ. 10,000)</p><p>• ವಿದ್ಯಾರ್ಥಿ ಕೊಡುಗೆ: ತಿಂಗಳಿಗೆ $2.99.</p><p>• ಫ್ಯಾಮಿಲಿ ಶೇರಿಂಗ್: 6 ಜನರವರೆಗೆ ಬಳಸಬಹುದು.</p><p>ಹೊಸ ಮ್ಯಾಕ್ ಅಥವಾ ಅರ್ಹ ಐಪ್ಯಾಡ್ ಖರೀದಿಸುವವರಿಗೆ 3 ತಿಂಗಳು ಉಚಿತವಾಗಿ ಸಿಗಲಿದೆ.</p>
Source link
ಆ್ಯಪಲ್ನಿಂದ ಕ್ರಿಯೆಟರ್ ಸ್ಟುಡಿಯೋ ಲಾಂಚ್, ಒಂದೇ ಕಡೆ ಎಲ್ಲಾ ಫೀಚರ್ಸ್
