Trump: ಟ್ರಂಪ್‌ರ 'ಬೋರ್ಡ್ ಆಫ್ ಪೀಸ್'ಗೆ ಹಣದ ಹೊಳೆ! 700 ಕೋಟಿ ಡಾಲರ್ ನೀಡಿದ 9 ದೇಶಗಳು

<p><strong>ವಾಷಿಂಗ್ಟನ್:</strong> ಜಾಗತಿಕವಾಗಿ ಶಾಂತಿ ಸ್ಥಾಪಿಸಲು ಮತ್ತು ಗಾಝಾದ ಮರುನಿರ್ಮಾಣಕ್ಕಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಒಂದು ಹೊಸ ಅಂತರಾಷ್ಟ್ರೀಯ ಸಂಸ್ಥೆಯನ್ನು ಹುಟ್ಟುಹಾಕಿದ್ದಾರೆ. ‘ಬೋರ್ಡ್ ಆಫ್ ಪೀಸ್’ ಹೆಸರಿನ ಈ ಯೋಜನೆಗೆ ಇದುವರೆಗೆ ಒಂಬತ್ತು ದೇಶಗಳು ಬರೋಬ್ಬರಿ 700 ಕೋಟಿ ಡಾಲರ್ ನೀಡುವುದಾಗಿ ಮುಂದೆ ಬಂದಿವೆ. ವಾಷಿಂಗ್ಟನ್‌ನಲ್ಲಿ ನಡೆದ ‘ಬೋರ್ಡ್ ಆಫ್ ಪೀಸ್’ನ ಮೊದಲ ಸಭೆಯಲ್ಲಿ ಸ್ವತಃ ಡೊನಾಲ್ಡ್ ಟ್ರಂಪ್ ಈ ವಿಷಯವನ್ನು ತಿಳಿಸಿದ್ದಾರೆ.</p><p>ಈ ಯೋಜನೆಯನ್ನು ಮೊದಲು ಗಾಝಾದ ಪುನರ್ನಿರ್ಮಾಣಕ್ಕಾಗಿ ಅಂತಾನೇ ಶುರು ಮಾಡಲಾಗಿತ್ತು. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಘೋಷಣೆ ಪ್ರಕಾರ, ಇಂಡೋನೇಷ್ಯಾ, ಮೊರಾಕ್ಕೊ, ಕಝಕಿಸ್ತಾನ್, ಕೊಸೊವೊ ಮತ್ತು ಅಲ್ಬೇನಿಯಾ ದೇಶಗಳು 700 ಕೋಟಿ ಡಾಲರ್ ನೀಡಲು ಒಪ್ಪಿಗೆ ಸೂಚಿಸಿವೆ.</p><p>ಗಾಝಾ ಪುನರ್ನಿರ್ಮಾಣಕ್ಕಾಗಿ ತಾವು ಮುಂದಾಳತ್ವ ವಹಿಸುವುದಾಗಿ ಮತ್ತು ಅಂತರಾಷ್ಟ್ರೀಯ ಶಾಂತಿ ಪಾಲನಾ ಪಡೆಯ ಭಾಗವಾಗುವುದಾಗಿ ಈ ಐದು ದೇಶಗಳು ಸಭೆಯಲ್ಲಿ ತಿಳಿಸಿವೆ. ದಕ್ಷಿಣ ಗಾಝಾದ ರಫಾದಲ್ಲಿ ಈ ಶಾಂತಿ ಪಾಲನಾ ಪಡೆಯನ್ನು ನಿಯೋಜಿಸಲಾಗುತ್ತದೆ. ಈಜಿಪ್ಟ್ ಮತ್ತು ಜೋರ್ಡಾನ್ ದೇಶಗಳು ಈ ಪಡೆಗೆ ತರಬೇತಿ ನೀಡಲಿವೆ.</p><p>ಆರಂಭದಲ್ಲಿ ಗಾಝಾದ ಪುನರ್ನಿರ್ಮಾಣಕ್ಕಾಗಿ ಘೋಷಣೆಯಾದ ‘ಬೋರ್ಡ್ ಆಫ್ ಪೀಸ್’ ಯೋಜನೆ, ನಂತರ ವಿಶ್ವಸಂಸ್ಥೆಗೆ ಪರ್ಯಾಯ ಎಂಬಂತೆ ಬಿಂಬಿತವಾಯಿತು. ಇದೇ ಕಾರಣಕ್ಕೆ ಹಲವು ದೇಶಗಳು ಟ್ರಂಪ್ ಅವರ ಈ ಯೋಜನೆಗೆ ಸೇರಲು ನಿರಾಕರಿಸಿದವು.</p><p></p>



Source link