ರಹಸ್ಯ ಅಣು ಪರೀಕ್ಷೆ : ಟ್ರಂಪ್‌ ಹೇಳಿಕೆಗೆ ಪಾಕ್‌ ನಕಾರ

<p><strong>ಇಸ್ಲಾಮಾಬಾದ್</strong>: ‘ಪಾಕಿಸ್ತಾನವು ರಹಸ್ಯವಾಗಿ ಪರಮಾಣು ಶಸ್ತ್ರಾಸ್ತ್ರಗಳನ್ನು ಪರೀಕ್ಷಿಸುತ್ತಿದೆ’ ಎಂಬ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹೇಳಿಕೆಯನ್ನು ಪಾಕಿಸ್ತಾನ ತಳ್ಳಿಹಾಕಿದೆ. ‘ಪಾಕಿಸ್ತಾನವು ಪರಮಾಣು ಪರೀಕ್ಷೆಗಳನ್ನು ಮೊದಲು ಪ್ರಾರಂಭಿಸುವ ದೇಶವಲ್ಲ’ ಎಂದಿದೆ.</p><h2>ಅಮೆರಿಕದ ಸಿಬಿಎಸ್ ನ್ಯೂಸ್ ಜೊತೆ ಮಾತನಾಡಿದ ಪಾಕಿಸ್ತಾನಿ ಅಧಿಕಾರಿ</h2><p>ಅಮೆರಿಕದ ಸಿಬಿಎಸ್ ನ್ಯೂಸ್ ಜೊತೆ ಮಾತನಾಡಿದ ಪಾಕಿಸ್ತಾನಿ ಅಧಿಕಾರಿಯೊಬ್ಬರು, ‘ಪಾಕಿಸ್ತಾನ ಯಾವತ್ತೂ ಪರಮಾಣು ಪರೀಕ್ಷೆಗಳನ್ನು ನಡೆಸಿದ ಮೊದಲ ದೇಶವಲ್ಲ. ಅಲ್ಲದೆ, ಪರಮಾಣು ಪರೀಕ್ಷೆಗಳನ್ನು ಪುನಾರಂಭಕ್ಕೆ ಮುಂದಾಗುವ ಮೊದಲಿಗರೂ ನಾವಲ್ಲ’ ಎಂದು ಹೇಳಿದರು.</p><h3>ನಾವೂ 33 ವರ್ಷ ಬಳಿಕ ಪರೀಕ್ಷೆಗೆ ಮುಂದಾಗಿದ್ದೇವೆ’</h3><p>ಟ್ರಂಪ್‌ ಸೋಮವಾರ ಮಾತನಾಡಿ, ‘ಪಾಕ್‌, ಚೀನಾ, ರಷ್ಯಾ ಸೇರಿ ಅನೇಕ ದೇಶಗಳು ರಹಸ್ಯವಾಗಿ ಅಣ್ವಸ್ತ್ರ ಪ್ರಯೋಗ ನಡೆಸುತ್ತಿವೆ. ಹೀಗಾಗಿಯೇ ನಾವೂ 33 ವರ್ಷ ಬಳಿಕ ಪರೀಕ್ಷೆಗೆ ಮುಂದಾಗಿದ್ದೇವೆ’ ಎಂದಿದ್ದರು.</p><p>ಚೀನಾ ಕೂಡ ಸೋಮವಾರ ಟ್ರಂಪ್‌ ಹೇಳಿಕೆ ತಳ್ಳಿಹಾಕಿತ್ತು.</p>



Source link