ಬೆಂಗಳೂರಿಗರಿಗೆ ಗುಡ್‌ನ್ಯೂಸ್: ಹೊಸ ಮೆಟ್ರೋ ಪಿಂಕ್ ಲೈನ್ ಟ್ರಯಲ್ ರನ್ ಶುರು: ಮುಗಿಯಲಿದೆ ಟ್ರಾಫಿಕ್ ಗೋಳು!

<p><strong>ಬೆಂಗಳೂರು (ಜ.20)</strong>: ನಗರದ ಸಂಚಾರ ವ್ಯವಸ್ಥೆಯಲ್ಲಿ ಮಹತ್ತರ ಬದಲಾವಣೆ ತರಲಿರುವ ‘ಪಿಂಕ್ ಲೈನ್’ ಮಾರ್ಗದ ಕಾಮಗಾರಿ ಬಹುತೇಕ ಮುಕ್ತಾಯ ಹಂತಕ್ಕೆ ತಲುಪಿದೆ. ಈ ಮಾರ್ಗದ ಅಂದವನ್ನು ಸಾರುವ ಮನಮೋಹಕ ‘ಡ್ರೋಣ್ ವಿಡಿಯೋ’ ನೋಡಿ ಬೆಂಗಳೂರಿಗರು ವಾವ್ ಎನ್ನುತ್ತಿದ್ದಾರೆ. ವಿಡಿಯೋದಲ್ಲಿ ಮೇಲಿನಿಂದ ನೋಡಲು ಮೆಟ್ರೋ ಹಳಿಗಳು ಮತ್ತು ನಿಲ್ದಾಣಗಳು ಅದ್ಭುತವಾಗಿ ಕಾಣಿಸುತ್ತಿವೆ.</p><h2>ಮೂರೇ ತಿಂಗಳಲ್ಲಿ ಸಂಚಾರ ಮುಕ್ತ?</h2><p>ಬೆಂಗಳೂರು ಮೆಟ್ರೋ ರೈಲು ನಿಗಮ (BMRCL) ನೀಡಿರುವ ಸುಳಿವುಗಳ ಪ್ರಕಾರ, ಮುಂದಿನ ಮೂರರಿಂದ ನಾಲ್ಕು ತಿಂಗಳ ಅವಧಿಯಲ್ಲಿ ಈ ಮಾರ್ಗವು ಸಾರ್ವಜನಿಕರ ಸಂಚಾರಕ್ಕೆ ಮುಕ್ತವಾಗುವ ಸಾಧ್ಯತೆ ಇದೆ. ಇದರಿಂದ ದಕ್ಷಿಣ ಬೆಂಗಳೂರಿನ ಜನತೆಗೆ ನಗರದ ಇತರ ಭಾಗಗಳಿಗೆ ಸಂಪರ್ಕ ಕಲ್ಪಿಸುವುದು ಅತ್ಯಂತ ಸುಲಭವಾಗಲಿದೆ.</p><h3>ಎರಡು ಹಂತಗಳಲ್ಲಿ ಸಂಚಾರ ಆರಂಭ</h3><p>ಪಿಂಕ್ ಲೈನ್ ಮಾರ್ಗವನ್ನು ಒಟ್ಟಾರೆಯಾಗಿ ಆರಂಭಿಸುವ ಬದಲು, ಪ್ರಯಾಣಿಕರ ಅನುಕೂಲಕ್ಕಾಗಿ ಎರಡು ಹಂತಗಳಲ್ಲಿ ಸಂಚಾರ ಆರಂಭಿಸಲು ಯೋಜನೆ ರೂಪಿಸಲಾಗಿದೆ. ಈ ಮೂಲಕ ಕಾಮಗಾರಿ ಮುಗಿದ ಮಾರ್ಗಗಳನ್ನು ಶೀಘ್ರವಾಗಿ ಕಾರ್ಯಗತಗೊಳಿಸಲು ಬಿಎಂಆರ್‌ಸಿಎಲ್ ಮುಂದಾಗಿದೆ.</p><p><strong>ಮೊದಲ ಹಂತದ ಟ್ರಯಲ್ ರನ್ ಶುರು</strong></p><p>ಕಾಳೇನಾ ಅಗ್ರಹಾರದಿಂದ ತಾವರೆಕೆರೆವರೆಗಿನ ಮೊದಲ ಹಂತದ ಕಾಮಗಾರಿಗಳು ಈಗಾಗಲೇ ಪೂರ್ಣಗೊಂಡಿವೆ. ಈ ಮಾರ್ಗದಲ್ಲಿ ರೈಲುಗಳ ಓಡಾಟದ ತಾಂತ್ರಿಕ ಪರೀಕ್ಷೆ ಅಥವಾ ‘ಟ್ರಯಲ್ ರನ್’ ಪ್ರಕ್ರಿಯೆ ಕೂಡ ಆರಂಭವಾಗಿದೆ. ಈ ಭಾಗದ ಡ್ರೋಣ್ ವಿಡಿಯೋಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.</p>



Source link