ಬೆಂಗಳೂರು, ಅಕ್ಟೋಬರ್ 17: ಆಟೋ ಚಾಲಕರ ಕಾರ್ಯ, ಪ್ರಾಮಾಣಿಕತೆಗೆ ಸಂಬಂಧಿಸಿದ ಮಾನವೀಯ ಸುದ್ದಿಗಳು ಕೇಳಿ ಬರುತ್ತಿರುತ್ತವೆ. ಕೈಯಲ್ಲಿ ದುಡ್ಡಿಲ್ಲ ಮನೆಗೆ ಬಿಡಬಹುದಾ ಎಂದು ಕೇಳಿದರೆ ಹಿಂದೆ ಮುಂದೆ ನೋಡದೇ ಸಹಾಯ ಮಾಡುವ ಆಟೋ ಚಾಲಕರು ಇದ್ದಾರೆ. ಹೀಗಿರುವಾಗ ಬೆಂಗಳೂರು (ಬೆಂಗಳೂರು) ಮೂಲದ ಉದ್ಯಮಿ ಮತ್ತು ಲೇಖಕರಿಂದ ಮಹಿಳಾ ಆಟೋ ಚಾಲಕರು (ಬೆಂಗಳೂರು)ಮಹಿಳಾ ಆಟೋ ಚಾಲಕಿ) ತಡರಾತ್ರಿ ಮಾಡಿದ ಸಹಾಯವನ್ನು ನೆನಪಿಸಿಕೊಂಡಿದ್ದಾರೆ. ಈ ಬಗ್ಗೆ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿ ತಡರಾತ್ರಿ ನಡೆದ ಘಟನೆಯ ಬಗ್ಗೆ ವಿವರಿಸಲಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಆಟೋ ಚಾಲಕ ಒಳ್ಳೆತನವನ್ನು ನೆಟ್ಟಿಗರು ಕೊಂಡಾಡಿದ್ದಾರೆ.
ವರುಣ್ ಅಗರ್ವಾಲ್ (ವರುಣ್ ಅಗರ್ವಾಲ್) ತಮ್ಮ ಎಕ್ಸ್ ಖಾತೆಯಲ್ಲಿ ಬೆಂಗಳೂರಿನಲ್ಲಿ ತಡರಾತ್ರಿ ಆದ ಅನುಭವ ಹಂಚಿಕೊಂಡಿದ್ದಾರೆ. ಹಲವಾರು ಆಟೋ ಚಾಲಕರು ಸ್ವತಃ ಕೋರಮಂಗಲಕ್ಕೆ ಹೋಗಲು ನಿರಾಕರಿಸಿದ ನಂತರ ಇಂದಿರಾನಗರದಲ್ಲಿ ಸಿಲುಕಿದರು. ಕೋರಮಂಗಲಕ್ಕೆ ಹೋಗಲು ಯಾವುದೇ ಆಟೋ ಸಿದ್ಧರಿರಲಿಲ್ಲ. ಎಲ್ಲಾ ಆಟೋ ಚಾಲಕರು ಆಗಲ್ಲ ಎಂದಿದ್ದರು. ಆದರೆ ರಸ್ತೆಯ ಪಕ್ಕದಲ್ಲಿ ನಿಲ್ಲಿಸಿದ್ದ ಮಹಿಳಾ ಚಾಲಕಿಯನ್ನು ಗಮನಿಸುವ ಮೊದಲು ನಾನು ಸುಮಾರು ಒಂದು ಕಿಲೋಮೀಟರ್ ನಡೆದು ಬಂದಿದ್ದೇನೆ ಎಂದು ಹೇಳಿದರು.
ಇದನ್ನೂ ಓದಿ
ಪೋಸ್ಟ್ ವೈರಲ್ ಇಲ್ಲಿದೆ ನೋಡಿ
ಹಾಗಾಗಿ ಕ್ಯಾಬ್ ಇಲ್ಲದೇ ಇಂದಿರಾನಗರದಲ್ಲಿ ಸಿಲುಕಿಕೊಂಡಿದ್ದೆ. ಯಾವ ಆಟೋವೂ ಕೋರಮಂಗಲಕ್ಕೆ ಹೋಗಲು ಸಿದ್ಧರಿಲ್ಲ ಮತ್ತು ಪ್ರತಿ ಆಟೋದವರೂ ನನಗೆ ಬೇಡ ಎಂದರು.
ಈ ಲೇಡಿ ಆಟೋ ಡ್ರೈವರ್ ರಸ್ತೆಯ ಬದಿಯಲ್ಲಿ ನಿಲ್ಲಿಸಿದ್ದನ್ನು ಕಂಡು ನಾನು ಸುಮಾರು ಒಂದು ಕಿಲೋಮೀಟರ್ ನಡೆದಿರಬೇಕು.
ತಡವಾಯಿತು ಮನೆಗೆ ಹೋಗುತ್ತಿದ್ದೇನೆ ಎಂದಳು. ನಾನು ಹಾಗೆ…
— ವರುಣ್ ಅಗರ್ವಾಲ್ (@varun067) ಅಕ್ಟೋಬರ್ 16, 2025
ನಾನು ಆ ಮಹಿಳಾ ಆಟೋ ಚಾಲಕಿ ಬಳಿ ಕೇಳಿದಾಗ ತಡವಾಗಿದೆ. ಮನೆಗೆ ಹೋಗುತ್ತಿದ್ದೇನೆ ಎಂದು ಹೇಳಿದಳು. ನಾನು ಹೊರಟು ನಿಂತಾಗ ಅವಳು ನನ್ನನ್ನು ಕರೆದು ನನ್ನನ್ನು ಮನೆಗೆ ಬಿಡುವುದಾಗಿ ಹೇಳಿದಳು. ರಾತ್ರಿ ಕೋರಮಂಗಲಕ್ಕೆ ಒಪ್ಪಿಕೊಂಡಳು. ಉಬರ್ ಪ್ರಯಾಣ ದರ ಸುಮಾರು 300 ರೂ ಆಗಿದ್ದರೂ, ಪ್ರಯಾಣಕ್ಕೆ ಆಕೆ ಕೇವಲ 200 ರೂ ಶುಲ್ಕ ವಿಧಿಸಿದ್ದಾಳೆ. ನಾನು ಅವಳಿಗೆ ಅದು ತುಂಬಾ ಕಡಿಮೆ ಎಂದು ಹೇಳಿದೆ. ಕೊನೆಗೆ ನಾನು 300 ರೂ ಪಾವತಿಸಲು ಒತ್ತಾಯಿಸಿದೆ. ಇದು ಅತ್ಯುತ್ತಮ ಆಟೋ ಅನುಭವಗಳಲ್ಲಿ. ನಮಗೆ ಹೆಚ್ಚಿನ ಮಹಿಳಾ ಆಟೋ ಚಾಲಕರು ಬೇಕು ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ:ವೈರಲ್: ಕೋಟಿಗಟ್ಟಲೆ ಬೆಲೆಬಾಳುವ ಮನೆ, ತಿಂಗಳಿಗೆ 3 ಲಕ್ಷ ರೂ ಆದಾಯ, ಆದ್ರೂ ಬೆಂಗಳೂರಿನಲ್ಲಿ ಆಟೋ ಓಡಿಸುವ ವ್ಯಕ್ತಿ
ಅಕ್ಟೋಬರ್ 16 ರಂದು ಹಂಚಿಕೊಳ್ಳಲಾದ ಈ ಪೋಸ್ಟ್ ಮೂರು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಹೊಂದಿದೆ. ಬಳಕೆದಾರರೊಬ್ಬ ತಾಯಿಯ ಹೃದಯವುಳ್ಳ ಆಟೋ ಚಾಲಕಿ. ಮತ್ತೊಬ್ಬರು ಆಟೋ ಚಾಲಕರು ನಿಮ್ಮಲ್ಲಿರುವ ಅಸಹಾಯಕತೆಯನ್ನು ಕಂಡಳು. ತಾಯಿಯ ಹೃದಯ ಮಾತ್ರ ಆ ನೋವನ್ನು ನಿಜವಾಗಿಯೂ ಅನುಭವಿಸಬಲ್ಲದು. ಅವಳು ಏಕೆ ಸಹಾಯ ಮಾಡಿದಳು ಎಂದು ನಮಗೆ ತಿಳಿದಿಲ್ಲ. ಅವಳು ಯಾವುದೋ ಒಂದು ಕಾರಣಕ್ಕಾಗಿ ಪ್ರೀತಿಪಾತ್ರರನ್ನು ಕಳೆದುಕೊಂಡಿರುವ ಸಾಧ್ಯತೆಯಿದೆ. ನಮ್ಮ ಪ್ರೀತಿಪಾತ್ರರು ಪ್ರತಿದಿನ ನಮಗಾಗಿ ಪ್ರಾರ್ಥಿಸುವುದರಿಂದ ಒಳ್ಳೆಯ ವ್ಯಕ್ತಿಗಳನ್ನು ನಮಗೆ ಕಳುಹಿಸಲಾಗಿದೆ. ಎಲ್ಲಾ ಸಮಯದಲ್ಲೂ ಕೃತರಾಗಿರಿ ಎಂದು ಕಾಮೆಂಟ್ ಮಾಡಿದ್ದಾರೆ. ಸ್ವಾರ್ಥದ ನಡುವೆ ಒಳ್ಳೆಯ ವ್ಯಕ್ತಿಗಳು ಕಂಡಾಗ ನಿಜಕ್ಕೂ ಖುಷಿಯಾಗುತ್ತದೆ. ಆಟೋ ಚಾಲಕ ಮಾಡಿದ ಸಹಾಯವನ್ನು ಸದಾ ನೆನಪಿಸುತ್ತ ಇರಿ ಎಂದು ಹೇಳಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
