ಬೆಂಗಳೂರು ಟ್ರಾಫಿಕ್ (ಸಾಂದರ್ಭಿಕ ಚಿತ್ರ)
ಬೆಂಗಳೂರು, ಡಿಸೆಂಬರ್ 11: ಬೆಂಗಳೂರು (ಬೆಂಗಳೂರು) ಎಂದ ತಕ್ಷಣ ನೆನಪಾಗುವುದು ಟ್ರಾಫಿಕ್. ಯಾವುದೇ ದಿಕ್ಕಿಗೆ ಹೋದರೂ ವಾಹನಗಳ ಭರಾಟೆ ಇದ್ದೇ ಇರುತ್ತದೆ. ಈ ಕಾರಣಕ್ಕೆ ಹಲವು ಬಾರಿ ನಗರದ ಟ್ರಾಫಿಕ್ (ಬೆಂಗಳೂರು ಸಂಚಾರ)ಅಂತಾರಾಷ್ಟ್ರೀಯ ಮಟ್ಟದ ಚರ್ಚಾ ವಿಷಯವೂ ಆಗಿದೆ. ಈಗ ಮತ್ತೊಂದು ಶಾಕಿಂಗ್ ವಿಚಾರ ಹೊರಬಿದ್ದಿದೆ. ಇದೇ ರೀತಿ ಪರಿಸ್ಥಿತಿ ಮುಂದುವರೆದರೆ ಟ್ರಾಫಿಕ್ ಸ್ಥಿತಿ ಈಗ ತಲುಪುತ್ತದೆಯೋ ಎಂಬ ಆತಂಕ ಶುರುವಾಗಿದೆ. ಕಳೆದ ಕೆಲ ತಿಂಗಳಿನಿಂದ ವಾಹನ ಖರೀದಿ ನಿಯಂತ್ರಣ ಕಳೆದಕೊಂಡಂತೆ ಕಾಣುತ್ತಿದೆ. ದಾಖಲೆ ಪ್ರಮಾಣದಲ್ಲಿ ಖಾಸಗಿ ವಾಹನಗಳು ಖರೀದಿಯಾಗುತ್ತಿವೆ.
6 ತಿಂಗಳ 4 ಲಕ್ಷ ಖಾಸಗಿ ವಾಹನ ನೋಂದಣಿ
ಅಕ್ಟೋಬರ್ ನಿಂದ ಅಕ್ಟೋಬರ್ ಅಂತ್ಯದ ವೇಳೆಗೆ, ಬೆಂಗಳೂರಿನಲ್ಲಿ ನಾಲ್ಕು ಲಕ್ಷದಷ್ಟು ಖಾಸಗಿ ವಾಹನಗಳು ನೊಂದಣಿಯಾಗಿವೆ. ಹಿಂದಿನ ವರ್ಷಗಳಿಗೆ ಹೋಲಿಕೆ ಮಾಡಿದ್ರೆ ಶೇ.10%ರಷ್ಟು ಏರಿಕೆ ಕಂಡಿದೆ. ಖಾಸಗಿ ವಾಹನಗಳು ಅತಿ ಹೆಚ್ಚು ದ್ವಿಚಕ್ರ ವಾಹನಗಳು ನೊಂದಣಿಯಾಗಿದ್ದರೆ, ಕಾರುಗಳ ನೋಂದಣಿ ಎರಡನೇ ಸ್ಥಾನದಲ್ಲಿದೆ.
ಖಾಸಗಿ ವಾಹನಗಳ ಬಳಕೆ ಅಧಿಕ
2025ರ ಡಿಸೆಂಬರ್ ವರೆಗೆ ಬೆಂಗಳೂರಿನಲ್ಲಿ 1.28 ಕೋಟಿ ಖಾಸಗಿ ವಾಹನಗಳು ನೊಂದಣಿಯಾಗಿವೆ. ಇದನ್ನು ಪಾರ್ಶ್ವವಾಯು ವಾಣಿಜ್ಯ ವಾಹನಗಳು ಕೂಡ ಓಡಾಟ ನಡೆಸುವುದು, ಸಮೂಹ ಸಾರಿಗೆ ಬದಲಾಗಿ ಖಾಸಗಿ ವಾಹನಗಳ ಬಳಕೆ ಹೆಚ್ಚಾಗಲಿದೆ. ರಾಜ್ಯದಲ್ಲಿ ಒಟ್ಟು 3.6ಕೋಟಿ ಖಾಸಗಿ ವಾಹನಗಳಿದ್ದರೆ, ಈ ಮೇಲಿನ ಬೆಂಗಳೂರು ಒಂದರಲ್ಲಿ 1.28 ಕೋಟಿ ವಾಹನಗಳು ನೊಂದಣಿಯಾಗಿವೆ. ಇದರ ಜೊತೆಗೆ ಅಕ್ಕಪಕ್ಕದ ಜಿಲ್ಲೆಗಳು, ಹೊರರಾಜ್ಯದ ಹಲವು ವಾಹನಗಳು ಇಲ್ಲಿದ್ದು, ಸುಮಾರು 1.5 ಕೋಟಿ ವಾಹನಗಳು ಬೆಂಗಳೂರಿನಲ್ಲಿವೆ.
ವಾಹನ ಖರೀದಿಗೆ ಕಾರಣ ಏನು?
ಕಳೆದೆರಡು ತಿಂಗಳಿನಿಂದ ಜಿಎಸ್ಟಿ ಇಳಿಕೆ ಪರಿಣಾಮ ಪ್ರತಿದಿನ 5 ಸಾವಿರ ಹೊಸ ವಾಹನಗಳು ರಸ್ತೆಗಿಳಿಯುತ್ತಿವೆ. ರಾಜಧಾನಿಯಲ್ಲಿ ಪ್ರತಿದಿನ ಎರಡು ಸಾವಿರಕ್ಕೂ ಹೆಚ್ಚು ಹೊಸ ವಾಹನಗಳು ನೋಂದಣಿಯಾಗುತ್ತಿವೆ. ವಾಣಿಜ್ಯ ವಾಹನಗಳ ಬದಲಾಗಿ ಖಾಸಗಿ ವಾಹನಗಳ ಖರೀದಿ ಹೆಚ್ಚಾದರೆ ಸಂಚಾರ ದಟ್ಟಣೆ ಇನ್ನಷ್ಟು ಹೆಚ್ಚಾಗಲಿದೆ ಎಂದು ಟ್ಯಾಕ್ಸಿ ಅಸೋಸಿಯೇಷನ್ ಅಧ್ಯಕ್ಷ ರಾಧಾಕೃಷ್ಣ ಹೊಳ್ಳ ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಈ ವರ್ಷ ಎಂಜಿ ರೋಡ್ನಲ್ಲಿ ಹೊಸ ವರ್ಷಾಚರಣೆಗೆ ಅವಕಾಶ ಅನುಮಾನ: ಕಾರಣ ಏನು ಗೊತ್ತಾ?
ಒಟ್ಟಿನಲ್ಲಿ ಹೆಚ್ಚಿನ ದಿನದಿಂದ ದಿನಕ್ಕೆ ವಾಹನಗಳ ಸಂಖ್ಯೆ ಹೆಚ್ಚಾಗುತ್ತಿದೆ, ಪರಿಸ್ಥಿತಿ ಹೀಗೆಯೇ ಮುಂದುವರಿದರೆ ಮುಂದೆ ದಿನಗಟ್ಟಲೆ ಟ್ರಾಫಿಕ್ ನಲ್ಲಿ ಕಾಯಬೇಕಾದ ಸ್ಥಿತಿ ಬಂದರೂ ಆಶ್ಚರ್ಯ ಪಡಬೇಕಿಲ್ಲ.
ಕರ್ನಾಟಕದ ಹೆಚ್ಚಿನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
