ನವದೆಹಲಿ, ಫೆಬ್ರುವರಿ 17: ಇಲ್ಲಿಯ ಭಾರತ್ ಮಂಟಪದಲ್ಲಿ ನಡೆಯುತ್ತಿರುವ ಎಐ ಇಂಪ್ಯಾಕ್ಟ್ ಸಮಿಟ್ (AI ಇಂಪ್ಯಾಕ್ಟ್ ಶೃಂಗಸಭೆ) ಇಡೀ ಜಗತ್ತಿನ ಗಮನ ಸೆಳೆಯುತ್ತಿದೆ. ಅದರಂತೆ ಕೆಲವರಿಗೆ ಕಹಿ ಅನುಭವವನ್ನೂ ನೀಡುತ್ತಿದೆ. ಬೆಂಗಳೂರಿನ ನಿಯೋಸೇಪಿಯೆನ್ (NeoSapien) ಎಂಬ ಕಂಪನಿಯ ಪೇಟೆಂಟ್ ಉತ್ಪನ್ನದ ಸ್ಯಾಂಪಲ್ ವೊಂದು ಎಕ್ಸ್ ಪೋ ವೇಳೆ ಕಳ್ಳತನವಾದ ಘಟನೆ ನಡೆದಿದೆ. ಕಂಪನಿಯ ಸಂಸ್ಥಾಪಕ ಮತ್ತು ಸಿಐಒ ಧನಂಜಯ್ ಯಾದವ್ (ಧನಂಜಯ್ ಯಾದವ್) ಈ ಘಟನೆಯನ್ನು ಎಕ್ಸ್ನಲ್ಲಿ ಹಂಚಿಕೊಂಡು ಬೇಸರ ವ್ಯಕ್ತಪಡಿಸಿದ್ದಾರೆ.
ಶೃಂಗಸಭೆಯ ಎಕ್ಸ್ಪೋ ಹಾಲ್ನಲ್ಲಿ ಬಿಗಿ ಭದ್ರತಾ ವ್ಯವಸ್ಥೆ ಇದ್ದಾಗ್ಯೂ ನಿಯೋಸೇಪಿಯನ ಈ ದಿರಿಸು ಕಳ್ಳತನ ಆಗಿರುವುದು ವಿಪರ್ಯಾಸ. ನಿನ್ನೆ ಸಮಾವೇಶದ ಮೊದಲ ದಿನವೇ (ಫೆ. 16) ಈ ದುರದೃಷ್ಟಕರ ಅನುಭವವಾಗಿದೆ. ಆ ಘಟನೆ ಹೇಗೆ ಎನ್ನುವುದನ್ನು ಯಾದವ್ ಹಂಚಿಕೊಂಡಿದ್ದು ಹೀಗೆ…
ಇದನ್ನೂ ಓದಿ: ಎಐ ಇಂಪ್ಯಾಕ್ಟ್ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಬಿಲ್ ಗೇಟ್ಸ್; ವಕ್ತಾರರಿಂದ ಸ್ಪಷ್ಟನೆ
‘ಎಐ ಇಂಪ್ಯಾಕ್ಟ್ ಸಮಿಟ್ನ ಮೊದಲ ದಿನವೇ ನಮಗೆ ನೋವಿನ ಅನುಭವ ಕೊಟ್ಟಿತು. ಭಾರತದಲ್ಲಿ ಈ ಸಮಿಟ್ ಮೊದಲ ಬಾರಿಗೆ ಯೋಜನೆಯಾಗಿದೆ. ಐ ಐಕೋಸಿಸ್ಟಂ ಹಾಗೂ ಸರ್ಕಾರದ ಕ್ರಮಗಳಿಗೆ ಬೆಂಬಲ ಕೊಡಲು ವೈಯಕ್ತಿಕವಾಗಿ ಈ ಶೋನಲ್ಲಿ ಭಾಗವಹಿಸಲು ಹೋಗಿದ್ದೆ. ಆದರೆ, ನಂತರ ನಡೆದದ್ದು ನಿಜವಾಗಿಯೂ ಒಳ್ಳೆಯದು.
‘ಮಧ್ಯಾಹ್ನ 2 ಗಂಟೆಗೆ ಪ್ರಧಾನಿ ಮೋದಿ ಬರಲಿರುವ ಜಾಗವನ್ನು ಸೂಚಿಸಲು 12 ಗಂಟೆಗೆ ಭದ್ರತಾ ಸಿಬ್ಬಂದಿ ಆಗಮಿಸಿದರು. ಪೇಟೆಂಟ್ ಪಡೆದ ಭಾರತದ ಮೊದಲ ಎಐ ದಿರಿಸನ್ನು (Neo AI wearable) ಸ್ಥಾಪಿಸಲು ವಿವರಿಸಿ, ಅದನ್ನು ಪ್ರದರ್ಶಿಸಲು ಅವಕಾಶ ಕೊಡಬೇಕೆಂದು ಕೇಳಿಕೊಂಡೆ. ಒಬ್ಬ ಅಧಿಕಾರಿಯು ನನಗೆ ಉಳಿಯಲು ಅವಕಾಶ ಕೊಡುವಂತೆ ಇತರರಿಗೆ. ನಂತರ ಭದ್ರತಾ ಸಿಬ್ಬಂದಿ ಹೊರಟಿತು.
‘ಆ ನಂತರ ಮತ್ತೊಂದು ಗುಂಪು ಬಂದು ಕೂಡಲೇ ಹೊರಹೋಗಬೇಕೆಂದು ನಮಗೆ ಸೂಚಿಸಿತು. ಭದ್ರತಾ ಸಿಬ್ಬಂದಿ ಮಧ್ಯೆಯೇ ತಾಳಮೇಳದ ಕೊರತೆ ಇದ್ದಂತೆ ಕಂಡಿತು. ನಮ್ಮ ಮಾತುಗಳನ್ನು ತೆಗೆದುಕೊಂಡು ಹೋಗಬೇಕಾ ಎಂದು ಕೇಳಿದೆ. ಲ್ಯಾಪ್ಟಾಪ್ಗಳನ್ನೇ ಬಿಟ್ಟು ಹೋಗುತ್ತಿದ್ದಾರೆ. ಸೆಕ್ಯೂರಿಟಿಯವರು ನೋಡಿಕೊಳ್ಳುತ್ತಾರೆ. ಅವರನ್ನು ನಂಬಿ ನಾನು ಅಲ್ಲಿಂದ ಹೊರಟೆ. ಎಐ ದಿರಿಸು ಸುರಕ್ಷಿತವಾಗಿರುತ್ತೆ ಮತ್ತು ಪ್ರಧಾನಿಗಳ ಗಮನ ಸೆಳೆಯುತ್ತೆ ಅನ್ನೋ ಭರವಸೆ ಇಟ್ಟುಕೊಂಡಿದ್ದೆ.
‘ಮಧ್ಯಾಹ್ನ 12ರಿಂದ ಸಂಜೆ 6ರವರೆಗೆ ಗೇಟ್ಗಳು ಬಂದ್ ಆದವು. ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಹೊತ್ತು ಮುಚ್ಚಿತ್ತು. ಒಳಗೆ ಹೋಗಿ ನೋಡಿದಾಗ ವೇರಬಲ್ಗಳು ಕಳುವಾಗಿದ್ದವು.
ಇದನ್ನೂ ಓದಿ: AI ಇಂಪ್ಯಾಕ್ಟ್ ಶೃಂಗಸಭೆ: ಜನಕಲ್ಯಾಣಕ್ಕೆ ಎಐ ಬಳಕೆ, ಇದು ಭಾರತಕ್ಕಿರುವ ಬದ್ಧತೆ: ಅಶ್ವಿನಿ ವೈಷ್ಣವ್
‘ಅಲ್ಲಿಗೆ ಭದ್ರತಾ ಸಿಬ್ಬಂದಿ ಮಾತ್ರವೇ ಪ್ರವೇಶಾವಕಾಶ ಹೊಂದಿದ್ದರು, ಈ ಕಳ್ಳತನ ಹೇಗಿತ್ತು? ಇದು ಬಹಳ ನಿರಾಸೆಯ ಘಟನೆ’ ಎಂದು ನಿಯೋ ಸೇಪಿಯನ್ ಸಿಇಒ ಧನಂಜಯ್ ಯಾದವ್ ಬೇಸರ ವ್ಯಕ್ತಪಡಿಸಿದ್ದಾರೆ.
ನಿಯೋಸೇಪಿಯನ್ ಸಿಇಒ ಅವರ ಟ್ವೀಟ್
AI ಇಂಪ್ಯಾಕ್ಟ್ ಶೃಂಗಸಭೆಯ 1 ನೇ ದಿನವು ನಮಗೆ ನೋವಿನ ಸಂಗತಿಯಾಗಿದೆ.
ನಾನು ಪ್ರಾಮಾಣಿಕವಾಗಿ ಉತ್ಸುಕನಾಗಿದ್ದೆ, ಭಾರತದಲ್ಲಿ ಮೊದಲ ಬಾರಿಗೆ ಶೃಂಗಸಭೆಯನ್ನು ಆಯೋಜಿಸಲಾಗುತ್ತಿದೆ ಮತ್ತು ಪರಿಸರ ವ್ಯವಸ್ಥೆ ಮತ್ತು ಸರ್ಕಾರದ ಪುಶ್ ಅನ್ನು ಬೆಂಬಲಿಸಲು ನಾನು ವೈಯಕ್ತಿಕವಾಗಿ ಕಾಣಿಸಿಕೊಳ್ಳಲು ಬಯಸುತ್ತೇನೆ.
ಆದರೆ ನಂತರ ನಡೆದದ್ದು ಆಘಾತಕಾರಿ.
12ಕ್ಕೆ… pic.twitter.com/9gVygparq0
— ಧನಂಜಯ್ ಯಾದವ್ (@imDhananjay) ಫೆಬ್ರವರಿ 16, 2026
ಯಾವುದಿದು ನಿಯೋಸೇಪಿಯನ್ ಎಐ ದಿರಿಸು?
ನಿಯೋಸೇಪಿಯನ್ ಕಂಪನಿಯು ನಿಯೋ1 ಎಂಬ ಎಐ ದಿರಿಸನ್ನು ಸ್ಥಾಪಿಸಿದೆ. ಇದು ಪೆಂಡೆಂಟ್ ರೀತಿ ಕೊರಳಿಗೆ ಧರಿಸಿಕೊಳ್ಳಬಹುದು. ನಮ್ಮ ಮಾತುಗಳನ್ನು ಆಲಿಸಿ, ದಿನದ ಸಾರಾಂಶವನ್ನು ಇದು ಹಿಡಿದಿಟ್ಟುಕೊಂಡು ನಮಗೆ ಉಪಯುಕ್ತ ಮಾಹಿತಿ, ಎಚ್ಚರಿಕೆಗಳನ್ನು ಇದು ನೀಡಬಲ್ಲದು. ಇದರ ಬೆಲೆ ಸುಮಾರು 11-15 ಸಾವಿರ ರೂ ಆಗಬಹುದು.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
