ಬದಲಾಯ್ತು Bhagyalakshmi ಗೆಟಪ್​: ಇದೇನಿದು, ಆದಿಗೆ ಕೈಕೊಟ್ಟು ತಾಂಡವ್​ ಜೊತೆ ಹೋಗಿಬಿಟ್ಟಳಾ?

ಶ್ರೇಷ್ಠಾಳ ನಿಜ ಬಣ್ಣ ಬಯಲಾಗುತ್ತಿದ್ದಂತೆ ತಾಂಡವ್ ಭಾಗ್ಯಳಲ್ಲಿ ಕ್ಷಮೆ ಕೋರಿದ್ದಾನೆ. ಇನ್ನೊಂದೆಡೆ ಅತ್ತೆ ಕುಸುಮಾ, ಆದಿ ಜೊತೆ ಭಾಗ್ಯಳ ಮದುವೆಗೆ ಮುಂದಾಗಿದ್ದು, ಈ ನಡುವೆ ತಾಂಡವ್ ಜೊತೆಗಿನ ಭಾಗ್ಯಳ ವಿಡಿಯೋವೊಂದು ವೈರಲ್ ಆಗಿ ವೀಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.<img><p>ಸದ್ಯ ಭಾಗ್ಯಲಕ್ಷ್ಮಿ ಸೀರಿಯಲ್​ ಮುಗಿಯುವ ಹಂತಕ್ಕೆ ಬಂದಂತೆ ಕಾಣಿಸುತ್ತಿದ್ದರೂ ಇದರ ಅಂತ್ಯವನ್ನು ಊಹಿಸಿಕೊಳ್ಳುವುದೂ ಕಷ್ಟವಾಗಿದೆ.</p><img><p>ತಾಂಡವ್​ಗೆ ಶ್ರೇಷ್ಠಾಳ ದುಷ್ಟಬುದ್ಧಿ ತಿಳಿದಿದೆ. ಇದೇ ಕಾರಣಕ್ಕೆ, ಆತ ಭಾಗ್ಯಳ ಕಾಲುಬಿದ್ದು ಕ್ಷಮೆ ಕೋರುತ್ತಿದ್ದಾನೆ. ಅದೇ ಇನ್ನೊಂದೆಡೆ ಆದಿ ಭಾಗ್ಯಳ ಮೇಲೆ ಅಪಾರ ಪ್ರೀತಿಯನ್ನೇ ಇಟ್ಟುಕೊಂಡಿದ್ದಾನೆ. ಭಾಗ್ಯಂಗೆ ಕೂಡ ಆದಿಯ ಮೇಲೆ ಪ್ರೀತಿ ಹುಟ್ಟಿದರೂ, ಈ ವಯಸ್ಸಿನಲ್ಲಿ 2ನೇ ಮದ್ವೆಯಾದ್ರೆ ಯಾರು ಏನು ಹೇಳ್ತಾರೆ ಎನ್ನುವ ಚಿಂತೆ.</p><img><p>ತಾಂಡವ್​ ಎಷ್ಟೇ ನೀಚನಾದರೂ, ಆತನ ಜೊತೆ ಸಂಸಾರ ಮಾಡಿಕೊಂಡು ಹೋಗುವುದು ಭಾಗ್ಯಳ ಕರ್ತವ್ಯ ಎನ್ನುವುದು ಹಲವು ತಾಯಂದಿರ ರೀತಿಯಲ್ಲಿ ಭಾಗ್ಯಳ ಅಮ್ಮ ಸುನಂದಾ ಯೋಚಿಸುತ್ತಿದ್ದರೆ, ಆದಿಯ ಜೊತೆ ಭಾಗ್ಯಳ ಮದುವೆ ಮಾಡಿಸಲು ಅತ್ತೆ ಕುಸುಮಾ ಮುಂದಾಗಿದ್ದಾಳೆ.</p><img><p>ಮುಂದೆ ಏನಾಗುತ್ತದೆಯೋ ಎನ್ನುವ ಕುತೂಹಲವಿದೆ. ಭಾಗ್ಯ ತಾಂಡವ್​ನನ್ನು ಆಯ್ಕೆ ಮಾಡಿಕೊಳ್ಳಬಾರದು. ಆದಿನೇ ಬೆಸ್ಟ್​ ಎಂದು ವೀಕ್ಷಕರು ಹೇಳುತ್ತಿದ್ದಾರೆ.</p><img><p>ಇದರ ನಡುವೆಯೇ, ಭಾಗ್ಯಳ ವಿಡಿಯೋ ಒಂದು ವೈರಲ್​ ಆಗಿದೆ. ಇದರಲ್ಲಿ ಆಕೆ ತಾಂಡವ್​ ಜೊತೆ ಜಾಲಿಮೂಡ್​ನಲ್ಲಿ ಇರುವಂತೆ ಕಾಣಿಸುತ್ತಿದೆ.</p><img><p>ಅಷ್ಟಕ್ಕೂ ಇದೇನು ಸೀರಿಯಲ್​ ವಿಷಯವಲ್ಲ. ಬದಲಿಗೆ ಭಾಗ್ಯಲಕ್ಷ್ಮಿ ಪಾತ್ರಧಾರಿ ಸುಷ್ಮಾ ಕೆ. ರಾವ್​ ಅವರು ತಾಂಡವ್​ ಪಾತ್ರಧಾರಿ ಸುದರ್ಶನ್​ ರಂಗಪ್ರಸಾದ್​ ಅವರ ಜೊತೆ ಶೂಟಿಂಗ್​ ಬಿಡುವಿನ ಸಮಯದಲ್ಲಿ ಮಾಡುತ್ತಿರುವ ತಮಾಷೆಯಷ್ಟೇ. ಇದರ ವಿಡಿಯೋ ವೈರಲ್​ ಆಗುತ್ತಲೇ, ಆದಿಯನ್ನು ಬಿಡಬೇಡಿ ಪ್ಲೀಸ್​ ಎಂದು ನೆಟ್ಟಿಗರು ಕಮೆಂಟ್​ ಹಾಕುತ್ತಿದ್ದಾರೆ.</p>



Source link