ಮೊದಲ ಬಾರಿಗೆ ಮಗನ ಜೊತೆ ಇನ್​ಸ್ಟಾದಲ್ಲಿ ಕಾಣಿಸಿಕೊಂಡ Sushma K. Rao: ಫ್ಯಾನ್ಸ್​ ಖುಷ್​

ಭಾಗ್ಯಲಕ್ಷ್ಮಿ ಧಾರಾವಾಹಿಯ ಭಾಗ್ಯ ಪಾತ್ರದ ಮೂಲಕ ಮನೆಮಾತಾಗಿರುವ ನಟಿ ಸುಷ್ಮಾ ಕೆ. ರಾವ್, ಇತ್ತೀಚೆಗೆ ತಮ್ಮ ಪತಿ ಮತ್ತು ಮಗನನ್ನು ಪರಿಚಯಿಸಿ ಅಚ್ಚರಿ ಮೂಡಿಸಿದ್ದರು. ಇದೀಗ ಮೊದಲ ಬಾರಿಗೆ ತಮ್ಮ ಮಗನ ಫೋಟೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು, ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.<img><p>ಸುಷ್ಮಾ ಕೆ. ರಾವ್ (Sushma K. Rao) ಅಂದರೆ ಕೆಲವರಿಗೆ ತಿಳಿಯದೇ ಹೋಗಬಹುದು. ಆದರೆ ಕಲರ್ಸ್​ ಕನ್ನಡದ ಭಾಗ್ಯ ಎಂದರೆ ಅಸಂಖ್ಯ ವೀಕ್ಷಕರು ಅದರಲ್ಲಿಯೂ ಮಹಿಳೆಯರಂತೂ ತುಂಬಾ ಖುಷಿಪಟ್ಟುಕೊಳ್ಳುವುದು ಉಂಟು. ಜೀವನದಲ್ಲಿ ಎಂಥದ್ದೇ ಕಷ್ಟ ಬಂದರೂ ಅದನ್ನು ಮೆಟ್ಟಿನಿಲ್ಲುವ ಛಾತಿ ಇರುವ ಹೆಣ್ಣಾಗಿ ಭಾಗ್ಯ ಕಾಣಿಸಿಕೊಳ್ಳುತ್ತಾಳೆ. ಸೀರಿಯಲ್​ನಲ್ಲಿ ಏನು ಬಿಡಿ, ಏನು ಬೇಕಾದ್ರೂ ಆಗತ್ತೆ ಎಂದುಕೊಂಡರೂ, ಧಾರಾವಾಹಿಗಳು ಇಂದು ಲಕ್ಷಾಂತರ ಜನರ ಜೀವನಾಡಿಯೇ ಆಗಿರುವ ಕಾರಣ, ಅದರಲ್ಲಿ ಇರುವ ಕೆಡುಕಿನಂತೆಯೇ, ಒಳ್ಳೆಯತನವನ್ನೂ ರೂಢಿಸಿಕೊಳ್ಳುವ ಬಗ್ಗೆ ಇದಾಗಲೇ ಹಲವಾರು ಉದಾಹರಣೆಗಳು ಕಾಣುವುದು ಉಂಟು.</p><img><p>ಅದೇ ರೀತಿ ಭಾಗ್ಯಲಕ್ಷ್ಮಿ ಸೀರಿಯಲ್​ನಲ್ಲಿ ಪ್ರೇರೇಪಿತರಾಗಿರುವ ಮಹಿಳೆಯರು ಹಲವರು. ಇನ್ನು ಈ ಪಾತ್ರಕ್ಕೆ ಜೀವ ತುಂಬುತ್ತಿರುವವರು ಸುಷ್ಮಾ ಕೆ. ರಾವ್. ಆದರೆ ಅವರು ತುಂಬಾ ಸದ್ದು ಮಾಡಿದ್ದು, ಈಚೆಗೆ ನಡೆದ ಅವಾರ್ಡ್​ ಫಂಕ್ಷನ್​ನಲ್ಲಿ ಪತಿ ಮತ್ತು ಮಗನನ್ನು ಪರಿಚಯ ಮಾಡಿಸಿದಾಗ.</p><img><p>ಮೊದಲ ಪತಿಯಿಂದ ಡಿವೋರ್ಸ್​ ಪಡೆದ ಬಳಿಕ, ನಟಿ ಎಲ್ಲಿಯೂ ಎರಡನೆಯ ಮದುವೆ ಮತ್ತು ಮಗನ ಬಗ್ಗೆ ಹೇಳಿಕೊಂಡಿದ್ದಿಲ್ಲ. ಅದು ಅವರ ವೈಯಕ್ತಿಕ ವಿಷಯ. ತಮ್ಮ ಪತಿ ಮತ್ತು ಮಗನಿಗೆ ಸೋಷಿಯಲ್​ ಮೀಡಿಯಾದಲ್ಲಿ ಫೋಟೋಗಳೆಲ್ಲಾ ಇಷ್ಟ ಆಗುವುದಿಲ್ಲ ಎಂದಿದ್ದರು. ಅದೇ ಕಾರಣಕ್ಕೆ ಅವರಿಗೆ ಮಗ ಇರುವ ವಿಷಯ ಅವರ ಆಪ್ತರಿಗೆ ಬಿಟ್ಟು ಬೇರೆಯವರಿಗೆ ತಿಳಿದಿರಲಿಲ್ಲ.</p><img><p>ಅವರು ಪತಿ ಮತ್ತು ಮಗನನ್ನು ಪರಿಚಯಿಸಿದಾಗ ಅದು ದೊಡ್ಡ ಮಟ್ಟದಲ್ಲಿ ಸುದ್ದಿ ಮಾಡಿತು. ಸೆಲೆಬ್ರಿಟಿಗಳ ಲೈಫ್​ ಅಂದ್ರೆ ಹಾಗೇ ಅಲ್ವಾ? ಅವರ ವೈಯಕ್ತಿಕ ಜೀವನ ತಮಗೂ ತಿಳಿಯಬೇಕು ಎಂದು ಬಯಸುವವರೇ ಹೆಚ್ಚು. ಅದರಲ್ಲಿಯೂ ಮಗ ಇರುವ ಸುದ್ದಿ ಕೂಡ ತಿಳಿದಿರಲಿಲ್ಲ ಎಂದರೆ ಅದು ತುಂಬಾ ಅಚ್ಚರಿ ಉಂಟು ಮಾಡಿತ್ತು.</p><img><p>ಇದೀಗ ಮೊದಲ ಬಾರಿಗೆ ಸುಷ್ಮಾ ಅವರು ತಮ್ಮ ಮುದ್ದಾದ ಮಗನ ಫೋಟೋ ಅನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್​ ಮಾಡಿದ್ದಾರೆ. ಅಮ್ಮನಂತೆಯೇ ಮಗ ಎಂದು ಹಲವರು ಕಮೆಂಟ್​ ಮೂಲಕ ತಿಳಿಸುತ್ತಿದ್ದಾರೆ.</p><img><p>ಭಾಗ್ಯಲಕ್ಷ್ಮಿ ಸೀರಿಯಲ್​ನಲ್ಲಿ ಕಾಲೇಜಿಗೆ ಹೋಗುವ ಮಗಳು ತನ್ವಿ ಮತ್ತು ಮಗ ಗುಂಡಣ್ಣ ಜೊತೆ ಹಲವಾರು ಬಾರಿ ರೀಲ್ಸ್​ ಮಾಡುವ ಸುಷ್ಮಾ ಅವರು ರಿಯಲ್​ ಮಗನ ಜೊತೆಯೂ ಆಗಾಗ್ಗೆ ರೀಲ್ಸ್​ ಮಾಡುತ್ತಿರಲಿ ಎನ್ನುವುದು ಅವರ ಅಭಿಮಾನಿಗಳ ಆಶಯ.</p>



Source link