Bigg Bossನಲ್ಲಿ ಊಹಿಸದ ತಿರುವು; ತಬ್ಬಿ ಭಾವುಕರಾದ ಹಾವು-ಮುಂಗುಸಿ! ಗಿಲ್ಲಿಗೆ ಅಶ್ವಿನಿ ಬಹು ಪರಾಕ್​

<p>ಬಿಗ್‌ಬಾಸ್ ಗ್ರ್ಯಾಂಡ್ ಫಿನಾಲೆ ಹತ್ತಿರವಾಗುತ್ತಿದ್ದಂತೆ, ಸದಾ ಹಾವು-ಮುಂಗುಸಿಯಂತಿದ್ದ ಅಶ್ವಿನಿ ಗೌಡ ಮತ್ತು ಗಿಲ್ಲಿ ನಟ ಒಂದಾಗಿದ್ದಾರೆ. ಏಕವಚನದಲ್ಲಿ ಮಾತನಾಡಿದ್ದಕ್ಕೆ ಗಿಲ್ಲಿ ನಟ ಅಶ್ವಿನಿಯವರ ಕ್ಷಮೆ ಕೇಳಿದರೆ, &nbsp;ಅಶ್ವಿನಿ ಧನ್ಯವಾದ ತಿಳಿಸಿದ್ದಾರೆ. ಆಗಿದ್ದೇನು?</p><img><p>ಬಿಗ್​ಬಾಸ್​​ನಲ್ಲಿ (Bigg Boss 12) ಇನ್ನೇನು ಕೆಲವೇ ದಿನಗಳಲ್ಲಿ ಗ್ರ್ಯಾಂಡ್​ ಫಿನಾಲೆ ನಡೆಯಲಿದೆ. ಇದಾಗಲೇ ಟಾಸ್ಕ್​ ಭರಾಟೆಗಳೂ ಜೋರಾಗಿದ್ದು, ಗೆಲ್ಲುವವರು ಯಾರು ಎನ್ನುವ ಬಗ್ಗೆ ಭಾರಿ ಮಟ್ಟದ ಚರ್ಚೆ ನಡೆಯುತ್ತಲೇ ಇದೆ.</p><img><p>ಇದರ ನಡುವೆಯೇ ಇದೀಗ ಅಚ್ಚರಿಯ ಬೆಳವಣಿಗೆಯೊಂದು ನಡೆದಿದೆ. ಅದೇನೆಂದರೆ ಬಿಗ್​ಬಾಸ್​ ಮನೆಯಲ್ಲಿ ಸದಾ ಹಾವು-ಮುಂಗುಸಿ ರೀತಿಯಲ್ಲಿ ಇದ್ದವರು ಅಶ್ವಿನಿ ಗೌಡ ಮತ್ತು ಗಿಲ್ಲಿ ನಟ (Bigg Boss Ashwini Gowda and Gilli Nata). ಇವರಿಬ್ಬರ ನಡುವೆ ಗೆಲ್ಲುವವರು ಯಾರು ಎನ್ನುವ ಬಗ್ಗೆಯೂ ಚರ್ಚೆ ಬಲು ಜೋರಾಗಿಯೇ ನಡೆದಿದೆ.</p><img><p>ಸದಾ ಕಾಲು ಕೆದರಿಕೊಂಡು ಜಗಳ ಮಾಡುತ್ತಿದ್ದ ಇವರಿಬ್ಬರೂ ಇದೀಗ ಫಿನಾಲೆ ಹೊತ್ತಿನಲ್ಲಿಯೇ ಒಂದಾಗಿದ್ದಾರೆ. ಅಷ್ಟಕ್ಕೂ ಬಿಗ್​ಬಾಸ್​​ ಮನೆಯಲ್ಲಿ ಜಗಳ, ಕಾದಾಟ, ಹಾರಾಟ ಎಲ್ಲವೂ ಗೆಲ್ಲುವುದಕ್ಕಾಗಿಯೇ ಇರುವಂಥದ್ದು. ಅವರಲ್ಲಿ ವೈಯಕ್ತಿಕ ದ್ವೇಷ ಏನೂ ಇರುವುದಿಲ್ಲ ಎನ್ನಿ. ಅದೇ ರೀತಿ ಇದೀಗ ಅಶ್ವಿನಿ ಮತ್ತು ಗಿಲ್ಲಿ ಒಂದಾಗಿದ್ದಾರೆ.</p><img><p>ಅನೇಕ ಸಂದರ್ಭಗಳಲ್ಲಿ ನಾನು ನಿಮಗೆ ಹೋಗೇ ಬಾರೇ ಎಂದು ಏಕವಚನದಲ್ಲಿ ಕರೆದೆ. ನೀವು ನನಗಿಂತ ತುಂಬಾ ದೊಡ್ಡವರು, ಆ ರೀತಿ ಮಾತನಾಡಿ ತುಂಬಾ ತಪ್ಪು ಮಾಡಿದೆ ಕ್ಷಮಿಸಿಬಿಡಿ ಎಂದು ಗಿಲ್ಲಿ ನಟ ಅಶ್ವಿನಿ ಗೌಡ ಅವರಿಗೆ ಕೇಳಿದ್ದಾರೆ.</p><img><p>ಅದಕ್ಕೆ ಅಶ್ವಿನಿ ಗೌಡ ಕೂಡ, ಜೀವನವನ್ನು ನಿನ್ನ ರೀತಿ ತುಂಬಾ ಲೈಟ್​ ಆಗಿಯೂ ತೆಗೆದುಕೊಂಡು ಎಂಜಾಯ್​ ಕೂಡ ಮಾಡಬಹುದು, ಎಲ್ಲವೂ ಸೀರಿಯಲ್​ ಆಗಿಯೇ ತೆಗೆದುಕೊಂಡು ಮಾಡಬೇಕೆಂದೇನೂ ಇಲ್ಲ ಎಂದು ತಿಳಿಸಿದ್ದಿಯಾ. ಈ ವೇದಿಕೆಯಲ್ಲಿ ನಾನು ನಿನಗೆ ಥ್ಯಾಂಕ್ಸ್​ ಕೂಡ ಹೇಳ್ತೇನೆ. ನಿನ್ನಿಂದ ಪಾಠ ಕಲಿತೆ ಎಂದಿದ್ದಾರೆ. ಕೊನೆಗೆ ಇಬ್ಬರೂ ಸೇರಿ ದ್ವೇಷವನ್ನು ಬೆಂಕಿಯಲ್ಲಿ ಸುಟ್ಟಿದ್ದಾರೆ.&nbsp;</p>



Source link