Bigg Bossನ್ನ ವಿಶ್ವ ಮಟ್ಟದಲ್ಲಿ ಮಿಂಚಿಸೋ ತಾಕತ್​ ನಂಗಿದೆ, ಸುದೀಪ್​ ಕಂಡೆಮ್​ ಮಾಡಿದ್ರು- ​ ಡಾಗ್​ ಸತೀಶ್​ ಚಾಲೆಂಜ್​ ಹಾಕಿದ್ದೇನು?

<p>ನೂರಾರು ಕೋಟಿ ಮೌಲ್ಯದ ನಾಯಿಗಳಿಂದ ಖ್ಯಾತರಾದ ಡಾಗ್ ಸತೀಶ್, ಬಿಗ್ ಬಾಸ್ ಮನೆಯಲ್ಲಿ ತಮಗಾದ ಕಹಿ ಅನುಭವವನ್ನು ಹಂಚಿಕೊಂಡಿದ್ದಾರೆ. ನಿರೂಪಕ ಸುದೀಪ್ ಅವರೊಂದಿಗಿನ ಸಂಭಾಷಣೆಯಲ್ಲಿ ತಮ್ಮನ್ನು ತುಳಿಯಲಾಗುತ್ತಿದೆ ಎಂದು ಆರೋಪಿಸಿದ ಅವರು, ತಮ್ಮ 100 ಕೋಟಿಯ ನಾಯಿಯ ಪ್ರೊಮೋ ಕತ್ತರಿಸಲಾಗಿದೆ ಎಂದು ಬೇಸರಿಸಿದ್ದಾರೆ</p><img><p>ನೂರಾರು ಕೋಟಿ ರೂಪಾಯಿಗಳ ನಾಯಿಗಳಿಂದ ಡಾಗ್​ ಸತೀಶ್ ಎಂದೇ ಫೇಮಸ್​ ಆಗಿರೋ ಸತೀಶ್​ ಅವರು ಈಗ Bigg Boss ಸತೀಶ್​ ಆಗಿರುವ ಕಾರಣದಿಂದ ಸಕತ್​ ಡಿಮಾಂಡ್​ ಕುದುರಿಸಿಕೊಂಡಿದ್ದಾರೆ. ತಮ್ಮನ್ನು ತಾವು ಹ್ಯಾಂಡ್​ಸಮ್​, ನನಗೆ ವಯಸ್ಸಾಗಲ್ಲ, ವಯಸ್ಸು ಕಡಿಮೆಯಾಗುತ್ತಾ ಹೋಗುತ್ತದೆ, ಈಗಲೂ ನನ್ನ ಸೌಂದರ್ಯ ನೋಡಿ ಹೆಣ್ಣುಮಕ್ಕಳು ಬೀಳುತ್ತಾರೆ ಎನ್ನುತ್ತಲೇ ಮಾತನಾಡುವ ಡಾಗ್​ ಸತೀಶ್​ ಅವರಿಗೆ ತಮ್ಮ ರೂಪ ಮತ್ತು ಘನತೆಯ ಮೇಲೆ ಅತಿ ಹೆಚ್ಚು ಪ್ರೀತಿ ಇದೆ.</p><img><p>ಇದೀಗ ಅವರು, ಬಿಗ್​ಬಾಸ್​ನಲ್ಲಿ ತಮಗಾಗಿರುವ ಒಂದು ಕಹಿ ಘಟನೆಯನ್ನು ಬಾಸ್​ ಚಾನೆಲ್​ನಲ್ಲಿ ಹೇಳಿಕೊಂಡಿದ್ದಾರೆ. ​ಅದು ವರ್ಲ್ಡ್​ ನ್ಯೂಸ್​ ಮಾಡ್ತಾ ಇದ್ದೆ ಎಂದೋರು ಮೂರನೇ ವಾರಕ್ಕೇ ಹೊರಕ್ಕೆ ಹೋಗ್ತಾ ಇದ್ದೀರಿ ಎಂದು ಕಂಡೆಮ್​ ರೀತಿಯಲ್ಲಿ ಸುದೀಪ್​ ಅವರು ನನಗೆ ಹೇಳಿದ್ರು. ಅದಕ್ಕೆ ನಾನು ಒಂದೇ ನೈಟ್​ನಲ್ಲಿ ವರ್ಲ್ಡ್​ ನ್ಯೂಸ್​ ಮಾಡ್ತಾ ಇದ್ದೆ ಸರ್​ ಎಂದು ಹೇಳಿದೆ. ಅದಕ್ಕೆ ಸುದೀಪ್​ ಅವರು, ಹಾಗಿದ್ರೆ ನಮ್ಮ ಬಿಗ್​ಬಾಸ್​ ವೇಸ್ಟಾ, ನೀನೇನು ಕಿಲಾಡಿನಾ ಎನ್ನೋ ಅರ್ಥದಲ್ಲಿ ಕೇಳಿದ್ರು ಎಂದಿದ್ದಾರೆ.</p><img><p>ಬಿಗ್​ಬಾಸ್​ ತುಂಬಾ ದೊಡ್ಡ ವೇದಿಕೆ. ಒಂದು ನೈಟ್​ನಲ್ಲಿ ವರ್ಲ್ಡ್​ ಲೆವೆಲ್​ನಲ್ಲಿ ತಗೊಂಡು ಹೋಗ್ತಾ ಇದ್ದೆ ನಾನು. ಅದು ನಿಮಗೂ ಒಳ್ಳೆಯದು, ನನಗೂ ಒಳ್ಳೆಯದು ಆಗುತ್ತಿತ್ತು ಎಂದೆ. ಆದರೆ ಇಲ್ಲಿ ತುಳಿಯುತ್ತಾರೆ, ಬೆಳೆಸಲು ಬಿಡುವುದಿಲ್ಲ ಎಂದು ಸುದೀಪ್​ ಅವರಿಗೆ ಹೇಳಿದೆ ಎಂದೆ.</p><img><p>ಇದಕ್ಕೇ ಚಾಲೆಂಜಿಂಗ್​ ಆಗಿ ನವೆಂಬರ್​ 5ನೇ ತಾರೀಖು, ಒಂದು ದೊಡ್ಡ ವೇದಿಕೆಯಲ್ಲಿ ಸಿಎಂ, ಡಿಸಿಎಂ ಮುಂದೆನೇ ಲಾಂಚ್​ ಮಾಡುತ್ತಿದ್ದೇನೆ ಎಂದು ಅಲ್ಲಿಯೇ ಹೇಳಿದ್ದೇನೆ ಎಂದು ಸತೀಶ್​ ಹೇಳಿದ್ದಾರೆ.</p><img><p>ಅಲ್ಲಿ ಇದನ್ನು ಹೇಳಿದ್ದೇನೆ. ನನ್ನ ಮಾತನ್ನು ಕಟ್​ ಮಾಡದೇ ಹಾಕಿದ್ದರೆ ಗೊತ್ತಾಗತ್ತೆ. ಆದರೆ ನನ್ನ ಮಾತನ್ನು ಕಟ್​ ಮಾಡುತ್ತಾರೋ ಗೊತ್ತಿಲ್ಲ ಎಂದಿರುವ ಸತೀಶ್​​, ಬಿಗ್​ಬಾಸ್​​ಗೆ ಎಂಟ್ರಿ ಕೊಡುವ ಸಮಯದಲ್ಲಿ ತೋರಿಸಿರುವ ಪ್ರೊಮೋದಲ್ಲಿ ಮಹತ್ವದ ವಿಷಯವನ್ನೇ ಕಟ್​ ಮಾಡಿರುವುದಾಗಿ ಬೇಸರ ವ್ಯಕ್ತಪಡಿಸಿದ್ದಾರೆ.</p><img><p>ನಾನು, ಮಗ ಮತ್ತು ಹೊಸ ನಾಯಿಯದ್ದು ಪ್ರೊಮೋ ಶೂಟ್​ನಲ್ಲಿ ವಿಡಿಯೋ ಆಗಿತ್ತು. ಪೋಸ್ಟರ್​ ರೆಡಿ ಮಾಡಿದ್ದೆ. ಪ್ರೊಮೋ ಶೂಟ್​ನಲ್ಲಿ ಬರುತ್ತಿದ್ದಂತೆಯೇ, ಬಿಗ್​ಬಾಸ್​​ನಲ್ಲಿ ಕಾಲು ಇಡುತ್ತಿದ್ದಂತೆಯೇ ನ್ಯೂಸ್​ ಚಾನೆಲ್​ಗೆ ಕಳಿಸಿಬಿಡು ಎಂದು ಮಗನಿಗೆ ಹೇಳಿದ್ದೆ. ಜಗತ್ತಿನಾದ್ಯಂತ ಸುಮಾರು 300 ಚಾನೆಲ್​ಗಳವರು ನನಗೆ ಗೊತ್ತಿದ್ದಾರೆ. ಗ್ರೂಪ್​ನಲ್ಲಿ ಹಾಕು ಎಂದಿದ್ದೆ. 100 ಕೋಟಿಯ ನಾಯಿ ಅದಾಗಿತ್ತು. ಆದರೆ ಪ್ರೊಮೋದಲ್ಲಿ ಅದನ್ನು ತೋರಿಸಲೇ ಇಲ್ಲ ಎಂದಿದ್ದಾರೆ.</p><p>ಅವರ ಸಂದರ್ಶನಕ್ಕಾಗಿ ಇಲ್ಲಿ ಕ್ಲಿಕ್​ &nbsp;ಮಾಡಿ</p>



Source link