ನಟಿ ಮಂಜು ಭಾಷಿಣಿ ಫ್ಯಾನ್ಸ್​ ಕಣ್ಣಿಗೆ ಕಾಣಿಸಿದ್ರೆ ಕಥೆ ಗೋವಿಂದ: Bigg Boss ಡಾಗ್​ ಸತೀಶ್​ಗೆ ಯಾಕಿಂತ ಎಚ್ಚರಿಕೆ? | Bigg Boss Dog Satish About Manju Bhashini Fans Reacts Suc

ಬಿಗ್​ಬಾಸ್​ (Bigg Boss)ನಿಂದ ಬಂದ ಮೇಲೆ ಡಾಗ್​ ಸತೀಶ್​ ಸಂದರ್ಶನಗಳು ಹೆಚ್ಚಾಗಿವೆ. ವಯಸ್ಸಿಗೆ ಬಂದ ಮಗ ಇದ್ದರೂ ತಮ್ಮನ್ನು ತಾವು ಸುರಸುಂದರಾಂಗ, ಎಲ್ಲ ಹುಡುಗಿಯರೂ ನನ್ನ ಹಿಂದೆನೇ ಬೀಳ್ತಾರೆ ಎಂದು ವಿವಿಧ ಮೀಡಿಯಾಗಳಲ್ಲಿ ಹೇಳುತ್ತಿರುವ ಡಾಗ್​ ಸತೀಶ್​, ಬಾಯಿ ಬಿಟ್ಟರೆ ನೂರಾರು ಕೋಟಿಯಲ್ಲಿಯೇ ಮಾತನಾಡುತ್ತಾರೆ.

ಕಾಲೇಜು ದಿನಗಳಲ್ಲಿ ಹುಡುಗಿಯರು ನನ್ನ ಹಿಂದೆನೇ ಇರ್ತಿದ್ರು, ನನ್ನನ್ನು ಆಮೀರ್​ ಖಾನ್​ ಎನ್ನುತ್ತಿದ್ದರು ಎಂದೆಲ್ಲಾ ಹೇಳುವ ಡಾಗ್​ ಸತೀಶ್​ ಅವರ ಹಳೆಯ ಫೋಟೋಗಳನ್ನು ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿ ಸಾಕಷ್ಟು ಮಂದಿ ಟ್ರೋಲ್​ ಕೂಡ ಮಾಡುತ್ತಿದ್ದಾರೆ. ಆದರೆ ಇವ್ಯಾವುದಕ್ಕೂ ಸತೀಶ್​ ಅವರು ಡೋಂಟ್​ ಕೇರ್​.

ಇದೀಗ, gjkannada ಎನ್ನುವ ಚಾನೆಲ್​ಗೆ ನೀಡಿರುವ ಸಂದರ್ಶನದಲ್ಲಿ ಡಾಗ್​ ಸತೀಶ್​ ಅವರು ಪುಟ್ಟಕ್ಕನ ಮಕ್ಕಳು ಬಂಗಾರಮ್ಮ ಖ್ಯಾತಿಯ ಬಿಗ್​ಬಾಸ್​ ಸ್ಪರ್ಧಿ ಮಂಜು ಭಾಷಿಣಿ (Bigg Boss Manju Bhashini) ಬಗ್ಗೆ ಮಾತನಾಡಿದ್ದಾರೆ.

ಬಿಗ್​ಬಾಸ್​ ಒಳಗೆ ಇರುವಾಗ ನಾನು ಯಾರು, ನಾನು ಎಷ್ಟು ಫೇಮಸ್​ ಎನ್ನೋದು ಅವರಿಗೆ ಗೊತ್ತಿರಲಿಲ್ಲ. ನನ್ನ ವಿರುದ್ಧ ಮಾತನಾಡುತ್ತಿದ್ದರು. ಆದರೆ ಹೊರಗೆ ಬಂದಾಗ ಗೂಗಲ್​ ಸರ್ಚ್​ ಮಾಡಿ ನೋಡಿದಾಗ ನನ್ನ ಬಗ್ಗೆ ಅವರಿಗೆ ತಿಳಿದು, ಏನ್​ ಸಾರ್​ ನೀವು ಇಷ್ಟು ಫೇಮಸ್​ ಅನ್ನೋದೇ ಗೊತ್ತಿರಲಿಲ್ಲ ಎಂದರು ಎಂದಿದ್ದಾರೆ ಡಾಗ್​ ಸತೀಶ್​.

ಬಿಗ್​ಬಾಸ್​​ ಮನೆಯಲ್ಲಿ ಇರುವಾಗ ಅವರು ಬಾಸ್​ ರೀತಿ ಆಡಿದ್ರು, ಹೊರಕ್ಕೆ ಬಂದ ಮೇಲೆ ನಾನೇ ಅವರಿಗೆ ಬಾಸ್​ ಆದೆ. ಮಾಲ್​ ಒಂದರಲ್ಲಿ ನಾನು ಇಂಟರ್​ವ್ಯೂ ಕೊಡುತ್ತಿದ್ದಾಗ, ನನಗಾಗಿ ಕಾದು ನಾನು ಬಂದ ಮೇಲೆ ನನ್ನ ಹಿಂದೆ ಮುಂದೆನೇ ಮಂಜು ಭಾಷಿಣಿ ಓಡಾಡಿದ್ರು ಎಂದಿದ್ದಾರೆ.

ನಾನು ಕೆಳಗೆ ಹೋದ್ರೆ ಕೆಳಗೆ ಬರ್ತಿದ್ರು, ಮೇಲೆ ಹೋದ್ರೆ ಮೇಲೆ ಬರ್ತಿದ್ರು. ನನ್ನ ಘನತೆ ಅಂಥದ್ದು, ನಾನ್ಯಾರು ಎಂದು ಬಿಗ್​ಬಾಸ್ ಮನೆಯಲ್ಲಿ ಇರುವಾಗ ಯಾರಿಗೂ ಗೊತ್ತಾಗಿಲ್ಲ. ಹೊರಗೆ ಬಂದ ಮೇಲೆ ನನ್ನ ಖ್ಯಾತಿಯ ಬಗ್ಗೆ ತಿಳಿಯುತ್ತಿದೆ ಎಂದಿದ್ದಾರೆ.

ಇದನ್ನು ಕೇಳಿ ಮಂಜು ಭಾಷಿಣಿ ಅವರ ಅಭಿಮಾನಿಗಳು ಫುಲ್​ ಗರಂ ಆಗಿದ್ದಾರೆ. ಅವರೇನಾದರೂ ಈ ವಿಡಿಯೋ ನೋಡಿದ್ರೆ ನಿಮ್​ ಕಥೆ ಅಷ್ಟೇ ಎನ್ನುತ್ತಿದ್ದಾರೆ. ಮಾತನಾಡುವ ಭರಾಟೆಯಲ್ಲಿ ಅತಿಯಾಗಿ ಮಾತನಾಡಬೇಡಿ ಎಂದು ಕೆಲವರು ಕ್ಲಾಸ್​ ತೆಗೆದುಕೊಂಡಿದ್ದಾರೆ.ಇನ್ನು ಸ್ವಲ್ಪ ದಿನ ನಟಿಯ ಫ್ಯಾನ್ಸ್​ ಕಣ್ಣಿಗೆ ಕಾಣಿಸದಂತೆ ಎಚ್ಚರಿಕೆ ನೀಡಿದ್ದಾರೆ. ಒಂದು ವೇಳೆ ಕಾಣಿಸಿಕೊಂಡರೆ ಅಷ್ಟೇ ಕಥೆ ಎನ್ನುತ್ತಿದ್ದಾರೆ.