Bigg Boss ಗಿಲ್ಲಿ ನಟನ ಮದುವೆ ಯಾವಾಗ? ಓಪನ್​ ಆಗಿಯೇ ಎಲ್ಲವನ್ನೂ ಹೇಳಿದ ಗಿಲ್ಲಿ- ಅವ್ರು ಹೇಳಿದ್ದೇನು? | Bigg Boss Gilli Nata About Marriage Says After 2 To 3 Years Suc

ಬಿಗ್​ಬಾಸ್​ (Bigg Boss) ಮೂಲಕ ಹವಾ ಸೃಷ್ಟಿಸುತ್ತಿರುವವರು ಒಬ್ಬರು ಗಿಲ್ಲಿ ನಟ. ಅವರೇ ಬಿಗ್​ಬಾಸ್​ 12 ವಿನ್ನರ್​ ಎಂದು ಇದಾಗಲೇ ಹಲವಾರು ಅಭಿಮಾನಿಗಳು ಘೋಷಿಸಿದ್ದಾರೆ. ಹೊರಗಡೆ ಬಂದಿರುವ ಸ್ಪರ್ಧಿಗಳೂ ಅವರದ್ದೇ ಹೆಸರು ಹೇಳುತ್ತಿದ್ದಾರೆ.

ಕಾಮಿಡಿ ಮೂಲಕವೇ ರಂಜಿಸುವ ಗಿಲ್ಲಿ ನಟ, ಕೆಲವೊಮ್ಮೆ ಸೀರಿಯಸ್​ ಟೈಮ್​ನಲ್ಲಿಯೂ ಕಾಮಿಡಿ ಮಾಡಿ ಹಲವರ ಕೆಂಗಣ್ಣಿಗೆ ಗುರಿಯಾಗಿರುವುದೂ ಇದೆ. ಇದೇ ವೇಳೆ ಗಿಲ್ಲಿ ನಟ ಹೋದ ರಿಯಾಲಿಟಿ ಷೋಗಳಲ್ಲಿ ಹೆಣ್ಣುಮಕ್ಕಳಿಗೆ ಗಾಳ ಹಾಕುವ ಕಾಮಿಡಿ ಇದ್ದೇ ಇರುತ್ತದೆ.

ಇದೀಗ ಬಿಗ್​ಬಾಸ್​​ನಲ್ಲಿ ಕೂಡ ಕಾವ್ಯಾ ಶೈವ (Kavya Shaiva) ಅವರನ್ನು ಲವ್​ ಮಾಡುವುದಾಗಿ ತಮಾಷೆ ಮಾಡುತ್ತಲೇ ಇದ್ದಾರೆ. ಆದ್ದರಿಂದ ಹೋದಲ್ಲಿ ಬಂದಲ್ಲಿ ಹೆಣ್ಣುಮಕ್ಕಳಿಗೆ ಕಾಳು ಹಾಕುವ ಗಿಲ್ಲಿ ಎಂದೇ ಫೇಮಸ್​ ಆಗಿರೋ ಗಿಲ್ಲಿ ನಟನ ರಿಯಲ್​ ಮದುವೆ ಯಾವಾಗ ಎನ್ನುವ ಪ್ರಶ್ನೆ ಹಲವರನ್ನು ಕಾಡುತ್ತಿದೆ.

ಬಾಸ್​ ಟಿವಿಗೆ ನೀಡಿದ್ದ ಸಂದರ್ಶನದಲ್ಲಿ ಗಿಲ್ಲಿ ನಟ ಮದುವೆ (Bigg Biss gilli Natas marriage) ಬಗ್ಗೆ ಮಾತನಾಡಿದ್ದಾರೆ. ಕೆಲ ತಿಂಗಳ ಹಿಂದೆ ಮಾಡಿರುವ ಈ ವಿಡಿಯೋ ಇದೀಗ ಮತ್ತೆ ಶೇರ್​ ಮಾಡಲಾಗಿದೆ.

ಮದುವೆಯ ಬಗ್ಗೆ ಗಿಲ್ಲಿ ನಟನನ್ನು ಪ್ರಶ್ನಿಸಿದಾಗ ಅವರು, ಸದ್ಯದ ಯಾವ ಪ್ಲ್ಯಾನೂ ಇಲ್ಲಪ್ಪ. ಇನ್ನು 2-3 ವರ್ಷ ಆಗಲಿ, ಆಮೇಲೆ ನೋಡೋಣ ಎಂದಿದ್ದಾರೆ. ಸದ್ಯದ ಸ್ಥಿತಿಯಲ್ಲಿ ನನ್ನನ್ನು ನಾನು ನೋಡಿಕೊಳ್ಳುವಷ್ಟು ದುಡಿಯುತ್ತಾ ಇದ್ದೇನೆ. ಮದುವೆ ಎಂದರೆ ಅಲ್ಲಿ ಕಮಿಟ್​ಮೆಂಟ್​ ಹೆಚ್ಚು. ಹೆಂಡತಿ, ಮಕ್ಕಳು, ಸಂಸಾರ ಇವೆಲ್ಲಾ ನಿಭಾಯಿಸುವುದು ಸದ್ಯದ ಪರಿಸ್ಥಿತಿಯಲ್ಲಿ ಕಷ್ಟ ಎಂದಿದ್ದಾರೆ.

ಮೊದಲು ನಾನು ಸರಿಯಾಗಿ ದುಡಿಯಬೇಕು. ಸಂಸಾರದ ಜವಾಬ್ದಾರಿ ತೆಗೆದುಕೊಳ್ಳಲು ರೆಡಿಯಾಗಬೇಕು. ಆಮೇಲೆ ಮದುವೆ, ಮಕ್ಕಳ ಯೋಚನೆ. ಅದಕ್ಕೆ ಏನಿದ್ರೂ ಕನಿಷ್ಠ 2-3 ವರ್ಷಗಳಾದರೂ ಬೇಕು ಎಂದಿದ್ದಾರೆ.

ಸದ್ಯ ನನ್ನ ಬಳಿ ಕೆಲವು ಸಿನಿಮಾ, ರಿಯಾಲಿಟಿ ಷೋಗಳು ಇವೆ. ಸದ್ಯದ ಪರಿಸ್ಥಿತಿಯಲ್ಲಿ ಬಿಜಿ ಇದ್ದೇನೆ. ಮುಂದೆ ಏನೋ ಹೇಗೋ ಗೊತ್ತಿಲ್ಲ. ಇದು ಎಲ್ಲಿಯವರೆಗೆ ಕರೆದುಕೊಂಡು ಹೋಗುತ್ತದೆಯೋ ಗೊತ್ತಿಲ್ಲ. ಆದ್ದರಿಂದ ಎಲ್ಲವೂ ಸರಿಯಾಗಿ ಸೆಟ್ಲ್​ ಆದ್ಮೇಲೆ ಮದುವೆಯ ಬಗ್ಗೆ ಯೋಚಿಸುವೆ ಎಂದು ಹೇಳಿದ್ದಾರೆ.