Bigg Boss ಮನೆಯಲ್ಲಿ ಮದ್ವೆ! ಲೇಡೀಸ್​ ಮೇಕಪ್​ರೂಮ್​ಗೆ ನುಗ್ಗಿ ಹೀಗೆಲ್ಲಾ ಸೀಕ್ರೇಟ್​ ರಿವೀಲ್​ ಮಾಡೋದಾ ಗಿಲ್ಲಿ ನಟ? | Bigg Boss Gilli Nata Reveals Secret About Ladies Makeup During Marriage Suc

ಬಿಗ್​ಬಾಸ್​ (Bigg Boss) ಮನೆಯಲ್ಲಿ ಗಿಲ್ಲಿ ನಟನ ಕಾಮಿಡಿ ಬಲು ಜೋರಾಗಿಯೇ ನಡೆಯುತ್ತಿದೆ. ಕೆಲವೊಮ್ಮೆ ಸೀರಿಯಸ್​​ ಸಂದರ್ಭಗಳಲ್ಲಿಯೂ ತಮಾಷೆ ಮಾಡಿ ಕೆಲವು ಸಹ ಸ್ಪರ್ಧಿಗಳ ಅಸಮಾಧಾನಕ್ಕೆ ಕಾರಣವಾಗುವುದೂ ಇದ್ದರೆ, ಇವರ ಕಾಮಿಡಿಯಿಂದ ಬಿಗ್​ಬಾಸ್​​ ಮನೆ ಅಷ್ಟೇ ಖುಷಿಯಾಗಿರುವುದೂ ಉಂಟು.

ಒಟ್ಟಿನಲ್ಲಿ ಕಾಮಿಡಿಯಿಂದಲೇ ಎಲ್ಲರನ್ನೂ ರಂಜಿಸುತ್ತಾ, ಬಿಗ್​ಬಾಸ್​ ವೀಕ್ಷಕರ ಮನಸ್ಸಿನಲ್ಲಿ ಇವರೇ ವಿನ್ನರ್​ ಎನ್ನುವಷ್ಟರ ಮಟ್ಟಿಗೆ ಗಿಲ್ಲಿ ನಟ (Bigg Boss 12 Winner) ಎನ್ನುವಷ್ಟರ ಮಟ್ಟಗೆ ಛಾಪು ಮೂಡಿಸಿದ್ದಾರೆ.

ಇದೀಗ ಅದೇ ತಮಾಷೆಯ ತುಣುಕೊಂದನ್ನು ಕಲರ್ಸ್​ ವಾಹಿನಿ ಶೇರ್ ಮಾಡಿಕೊಂಡಿದೆ. ಇದರಲ್ಲಿ ಮದುವೆ ಮನೆಗೆ ಹುಡುಗಿಯರು ರೆಡಿ ಆಗ್ತಿರುವಂತೆ ಸೀನ್​ ಕ್ರೀಯೇಟ್​ ಮಾಡಿದ್ದಾರೆ ಗಿಲ್ಲಿ ನಟ.

ಹುಡುಗಿಯರ ಮೇಕಪ್​ ರೂಮ್​ಗೆ ಎಂಟ್ರಿ ಕೊಟ್ಟಿರೋ ಗಿಲ್ಲಿ, ಸಾಕು ಮಾಡಿ ಮೇಕಪ್​. ಮದುವೆಯ ಧಾರೆಗೆ ಟೈಮ್​ ಆಗ್ತಿದೆ. ಇನ್ನೂ ಮೇಕಪ್​ ಮುಗಿದಿಲ್ವಾ ಎಂದಿದ್ದಾರೆ.

ಸೋದರತ್ತೆಗೆ ಇಷ್ಟೆಲ್ಲಾ ಮೇಕಪ್ ಯಾಕೆ ಎಂದು ತಮಾಷೆ ಮಾಡಿದ್ದಾರೆ. ಅದಕ್ಕೆ ಸ್ಪಂದನಾ ನಾನೇ ಕಳಶ ಹಿಡಿಯೋದಲ್ವಾ ಅದಕ್ಕೆ ಎಂದಿದ್ದಾರೆ. ಸುಮ್ಮನಿರದ ಗಿಲ್ಲಿ ಹುಡುಗರು ನೋಡಲಿ ಅಂತಾನೇ ಮೇಕಪ್​ ಮಾಡ್ಕೋತೀರಾ ಎಂದಿದ್ದಾರೆ. ಅದಕ್ಕೆ ಸ್ಪಂದನಾ ಹುಡುಗರು ನೋಡಲಿ ಅಂತ ಅಲ್ಲ, ನಮಗೋಸ್ಕರ ಮಾಡು ಮೇಕಪ್​ ಮಾಡಿಕೊಳ್ಳೋದು ಎಂದಿದ್ದಾರೆ.

ಅದಕ್ಕೆ ಗಿಲ್ಲಿ ನಟ, ಒಂದು ಹುಡುಗಿಗೆ 16 ಮಂದಿ ಲೈನ್​ ಹೊಡೀತಾ ಇರ್ತಾರೆ ಪಾಪ. ಯಾರನ್ನು ನೋಡ್ಬೇಕು, ಯಾರನ್ನು ಬಿಡ್ಬೇಕು ಎಂದು ಕೆಲವು ಸಲ ಹುಡುಗಿಯರಿಗೂ ಗೊತ್ತಾಗಲ್ಲ ಎಂದು ಮೇಕಪ್​ ಸೀಕ್ರೇಟ್​ ರಿವೀಲ್​ ಮಾಡಿದ್ದಾರೆ.

ನೀವು ಹುಡುಗರು ನೋಡೋದು ಬೇಡ ಅಂತ ಮೇಕಪ್​ ಮಾಡಿಕೊಂಡ್ರೆ ಓರೆಗಣ್ಣಿನಿಂದ ನೋಡೋದು ಯಾಕೆ ಮತ್ತೆ ಎಂದು ತಮಾಷೆ ಮಾಡುತ್ತಾ ಹುಡುಗಿಯರ ಕಾಲೆಳೆದಿದ್ದಾರೆ! ಸುಮ್ಮನೇ ಹುಡುಗರು ಚೇರುಪಾರು ಜೋಡಿಸಿಕೊಂಡು ಇಡ್ತಾ ಇದ್ರೂ ಸುಮ್ಮನೇ ಹೋಗೋದು ಬಿಟ್ಟು, ಓರೆಗಣ್ಣಿನಿಂದ ನೋಡೋದು ಯಾಕೆ ಎಂದು ಪ್ರಶ್ನೆ ಮಾಡಿದ್ದಾರೆ!