'ಗಿಲ್ಲಿ, ಗಿಲ್ಲಿ, ಗಿಲ್ಲಿ ಏನ್​ ದಬ್ಬಾಕಿದ್ಯಾ ಇಲ್ಲಿ?' ಎಂದು ಭರ್ಜರಿ ಸ್ಟೆಪ್​ ಹಾಕಿದ Bigg Boss ಜಾಹ್ನವಿ- 10 ದಿನ ಕಾಯಮ್ಮಾ ಎಂದ ನೆಟ್ಟಿಗರು

<p>ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆಗೆ ಕ್ಷಣಗಣನೆ ಆರಂಭವಾಗಿದ್ದು, ಸ್ಪರ್ಧಿ ಗಿಲ್ಲಿ ನಟ ಹೇಳಿದ್ದ ‘ದೊಡ್ಡವ್ವ ದೊಡ್ಡವ್ವ ದೋಸೆ ಕೊಡು’ ಡೈಲಾಗ್ ಇದೀಗ ಹಾಡಾಗಿ ವೈರಲ್ ಆಗಿದೆ. ಇದೇ ಹಾಡಿಗೆ ಎಲಿಮಿನೇಟ್ ಆದ ಸ್ಪರ್ಧಿ ಜಾಹ್ನವಿ ಭರ್ಜರಿ ಸ್ಟೆಪ್ಸ್ ಹಾಕಿದ್ದು, ಈ ವಿಡಿಯೋ &nbsp;ಸದ್ದು ಮಾಡುತ್ತಿದೆ.</p><img><p>ಇನ್ನೇನು ಬಿಗ್​​ಬಾಸ್​​ ಮುಗಿಯಲು ಕೌಂಟ್​ಡೌನ್​ ಶುರುವಾಗಿದೆ. ಇನ್ನೊಂದು 10 ದಿನಗಳಲ್ಲಿ ಗ್ರ್ಯಾಂಡ್​ ಫಿನಾಲೆ ನಡೆಯಲಿದೆ. ಇದಾಗಲೇ ವಿನ್ನರ್​ ಯಾರಾಗಬೇಕು (Bigg Boss 12 winner) ಎಂದು ಸೋಷಿಯಲ್​ ಮೀಡಿಯಾದಲ್ಲಿ ಭಾರಿ ಚರ್ಚೆ ನಡೆಯುತ್ತಿದೆ.</p><img><p>ಗಿಲ್ಲಿ ನಟನ ಹೆಸರು ಟಾಪ್​-1ನಲ್ಲಿ ಇದ್ದರೆ, ರಕ್ಷಿತಾ ಶೆಟ್ಟಿ ಮತ್ತು ಅಶ್ವಿನಿ ಗೌಡ ಅವರ ಹೆಸರೂ ಕೇಳಿಬರುತ್ತಿದೆ. ಈ ಬಾರಿ ವಿನ್​ ಆಗೋದು ಒಬ್ಬ ಲೇಡಿ ಎನ್ನುವ ಮಾತು ಇದಾಗಲೇ ಜ್ಯೋತಿಷಿ ಹೇಳಿಯೂ ಆಗಿದೆ.</p><img><p>ಅದೇನೇ ಇದ್ದರೂ, ಬಿಗ್​ಬಾಸ್​ನಿಂದ ಎಲಿಮಿನೇಟ್​ ಆಗಿ ಬಂದವರೆಲ್ಲರೂ ಹೇಳ್ತಿರೋದು, ಗಿಲ್ಲಿ ನಟನೇ ವಿನ್​ ಎಂದು. ಅವನು ವಿನ್​ ಆಗೋದು ನನಗೆ ಇಷ್ಟವಿಲ್ಲ, ಆದರೆ, ಆಗೋದು ಅವನೇ ಎಂದವರೂ ಕೆಲವರು. ಅದರಲ್ಲಿ ಒಬ್ಬರು ಜಾಹ್ನವಿ.</p><img><p>ಇದೀಗ ಈ ಜಾಹ್ನವಿ ಬಿಗ್​ಬಾಸ್​ ಮನೆಯಲ್ಲಿ ಗಿಲ್ಲಿ ನಟ (Bigg Boss Gilli Nata) ಬರೆದಿರುವ ಹಾಡು ಸಕತ್​ ವೈರಲ್​ ಆಗ್ತಿದೆ. ಅಶ್ವಿನಿ ಗೌಡ ಮತ್ತು ಜಾಹ್ನವಿ ಅವರನ್ನು ಉದ್ದೇಶಿಸಿ ‘ದೊಡ್ಡವ್ವ ದೊಡ್ಡವ್ವ ದೋಸೆ ಕೊಡು, ಚಿಕ್ಕವ್ವ ಚಿಕ್ಕವ್ವ ಚಕ್ಲಿ ಕೊಡು’ ಎಂದು ಗಿಲ್ಲಿ ಬಿಗ್ ಬಾಸ್ ಮನೆಯಲ್ಲಿ ಡೈಲಾಗ್ ಹೇಳಿದ್ದರು. ಇದು ಸಾಕಷ್ಟು ಗಮನ ಸೆಳೆದಿತ್ತು.</p><img><p>‘ಟುಡೇಸ್ ಬೀಟ್ಸ್’ ಹೆಸರಿನ ಇನ್​ಸ್ಟಾಖಾತೆ ಹೊಂದಿರೋ ಐನ್​ಸ್ಟನ್ ಫರ್ನಾಂಡಿಸ್ ಅವರು ಇದಾಗಲೇ ಬಿಗ್​ಬಾಸ್​ನ ಹಲವಾರು ಡೈಲಾಗ್​ಗಳ ರಿಮಿಕ್ಸ್ ಮಾಡಿದ್ದಾರೆ. ಅದರಲ್ಲಿ ಒಂದು ಈ ಹಾಡು ಕೂಡ. ಅದರಲ್ಲಿ ಗಿಲ್ಲಿ ಗಿಲ್ಲಿ ಗಿಲ್ಲಿ ಏನ್​ ದಬ್​ಹಾಕಿದ್ಯಾ ಇಲ್ಲಿ ಎನ್ನುವ ಲೈನ್​ ಕೂಡ ಇದೆ. ಆ ಬಳಿಕ ಗಿಲ್ಲಿ ಯಾಕೆ ಫೇಮಸ್​ ಎನ್ನುವುದು ಕೂಡ ಇದೆ.</p><img><p>ಆದರೆ, ಇದೀಗ ಜಾಹ್ನವಿ ಅವರು ದೊಡ್ಡವ್ವ ದೊಡ್ಡವ್ವ ದೋಸೆ ಕೊಡು, ಚಿಕ್ಕವ್ವ ಚಿಕ್ಕವ್ವ ಚಕ್ಲಿ ಕೊಡು, ಗಿಲ್ಲಿ ಗಿಲ್ಲಿ ಗಿಲ್ಲಿ ಏನ್​ ದಬ್​ಹಾಕಿದ್ಯಾ ಇಲ್ಲಿ’ ಎನ್ನುವ ಲೈನ್​ ಅಷ್ಟೇ ತೆಗೆದುಕೊಂಡು ಭರ್ಜರಿ ಸ್ಟೆಪ್​ ಹಾಕಿದ್ದಾರೆ. ಅದಕ್ಕೆ ನೆಟ್ಟಿಗರು ಸೂಪರ್​ ಎಂದಿದ್ದರೆ, ಮತ್ತೆ ಕೆಲವರು ಇನ್ನೊಂದು ಹತ್ತು ದಿನ ಕಾದರೆ ಗೊತ್ತಾಗತ್ತೆ ಎಂದಿದ್ದಾರೆ.</p>



Source link