ಹಾಸಿಗೆ ಒಳಹೊಕ್ಕರೆ Bigg Boss ಕ್ಯಾಮೆರಾ ಕಣ್ಣು ಸುಮ್ನೆ ಬಿಡತ್ತಾ? ಸಿಕ್ಕಿ ರಕ್ಷಿತಾ ಶೆಟ್ಟಿ | Bigg Boss Rakshita Shetty Inside Bed Funny Video Viral Suc

ಬಿಗ್​ಬಾಸ್​ ಕನ್ನಡ 12 (Bigg Boss Kannada 12) ಮನೆಯಲ್ಲಿ 75ಕ್ಕೂ ಹೆಚ್ಚು ಕ್ಯಾಮೆರಾಗಳಿದ್ದು, ಪ್ರತಿಯೊಂದು ಕ್ಯಾಮೆರಾ ಕೂಡ ಸ್ಪರ್ಧಿಗಳ ಪ್ರತಿಯೊಂದು ವಿಡಿಯೋಗಳನ್ನು ರೆಕಾರ್ಡ್​ ಮಾಡುತ್ತಲೇ ಇರುತ್ತದೆ. ಕೆಲವೊಂದು ಕಡೆ ಗುಪ್ತ ಕ್ಯಾಮೆರಾಗಳೂ ಇವೆ. ಕ್ಯಾಮೆರಾಗಳು ಮತ್ತು ಮೈಕ್‌ಗಳು ಪ್ರತಿ ಕ್ಷಣದ ಚಲನವಲನವನ್ನು ಚಿತ್ರೀಕರಿಸುತ್ತವೆ. ಸ್ಪರ್ಧಿಗಳು ಏನಾದರೂ ಮರೆಮಾಚಲು ಪ್ರಯತ್ನಿಸಿದರೆ, ಕ್ಯಾಮೆರಾಗಳು ಮತ್ತು ಮೈಕ್‌ಗಳು ಅದನ್ನು ಪತ್ತೆಹಚ್ಚಿ ಗಮನಿಸುತ್ತವೆ.

ಆದ್ದರಿಂದ ಕ್ಯಾಮೆರಾ ಕಣ್ಣನ್ನು ತಪ್ಪಿಸಿ ಬಿಗ್​ಬಾಸ್​ನ ಸ್ಪರ್ಧಿಗಳು ಏನೂ ಮಾಡಲು ಸಾಧ್ಯವಿಲ್ಲ. ಆದರೆ ಇದೀಗ ರಕ್ಷಿತಾ ಶೆಟ್ಟಿ ಕ್ಯಾಮೆರಾಕ್ಕೆ ಕಾಣಿಸದಂತೆ ಏನೋ ಒಂದು ಪ್ಲ್ಯಾನ್​ ಮಾಡಲು ಹೋಗಿದ್ದಾರೆ. ಆದರೆ ಅದು ಕೂಡ ಕ್ಯಾಮೆರಾ ಕಣ್ಣಿಗೆ ಬಿದ್ದು ಬಿಟ್ಟಿದೆ.

ಅಷ್ಟಕ್ಕೂ ಬಿಗ್​ಬಾಸ್​ನಲ್ಲಿ ಹವಾ ಸೃಷ್ಟಿಸ್ತಿರೋ ರಕ್ಷಿತಾ ಶೆಟ್ಟಿ (Bigg Boss Rakshita Shetty) ಫೈನಲಿಸ್ಟ್​ ಆಗುವ ಎಲ್ಲಾ ಸೂಚನೆಗಳೂ ಇವೆ. ಈಕೆಗೆ ಫ್ಯಾನ್ಸ್​ ಕೂಡ ತುಂಬಾ ಜನ ಇದ್ದಾರೆ. ಕೆಲವರು ಈಕೆಯೇ ವಿನ್ನರ್​ ಎಂದೂ ಘೋಷಿಸಿ ಆಗಿದೆ. ಮತ್ತೆ ಕೆಲವರು ಮೊದಲ ರನ್ನರ್​ ಅಪ್​ ರಕ್ಷಿತಾ ಎನ್ನುತ್ತಿದ್ದಾರೆ.

ಆದರೆ, ಇದೀಗ ರಕ್ಷಿತಾ ಶೆಟ್ಟಿ ಮಾಡಿರುವ ಕಾರ್ಯವೊಂದು ವಿಡಿಯೋದಲ್ಲಿ ರೆಕಾರ್ಡ್​ ಆಗಿದೆ. ಬಿಗ್​ಬಾಸ್​​ಗೆ ಕಳೆದ ಸೀಸನ್​ನ ಸ್ಪರ್ಧಿಗಳು ಎಂಟ್ರಿಕೊಟ್ಟಿದ್ದಾರೆ. ಅವರಲ್ಲಿ ಒಬ್ಬರು ಮೋಕ್ಷಿತಾ ಪೈ. ಅವರು ಬಂದು ಇಲ್ಲಿ ಏನಾದ್ರೂ ಮಾಡಿದರೆ ಗೊತ್ತಾಗತ್ತಾ ಎಂದು ಪ್ರಶ್ನಿಸಿದ್ದಾರೆ.

ಅದಕ್ಕೆ ರಕ್ಷಿತಾ ಇಲ್ಲಿ ಮಾಡಿದ್ರೆ ಇವ್ರು ನೋಡ್ತಾರೆ, ಅಲ್ಲಿ ಅವ್ರು ನೋಡ್ತಾರೆ ಎಂದು ಕ್ಯಾಮೆರಾ ತೋರಿಸಿದ್ದಾರೆ. ಕೊನೆಗೆ ಅಲ್ಲಿ ಇರುವ ಹಾಸಿಗೆಯನ್ನು ತೋರಿಸಿದ ಸ್ಪಂದನಾ ಇಲ್ಲಿ ಕುಳಿತರೆ ಏನೂ ಗೊತ್ತಾಗುವುದಿಲ್ಲ ನೋಡಿ ಎಂದಿದ್ದಾರೆ.

ಅಲ್ಲಿಗೆ ಹೋದ ರಕ್ಷಿತಾ ಫುಲ್​ ಹೊದ್ದುಕೊಂಡು ಮಲಗಿದ್ದಾರೆ. ಹಾಗೆ ನೋಡಿದ್ರೆ ರಕ್ಷಿತಾ ಶೆಟ್ಟಿ ಪುಟಾಣಿಯಾಗಿರುವ ಕಾರಣ, ಆ ಹಾಸಿಗೆಯ ಒಳಗೆ ಅವರು ಕಾಣುವುದೇ ಇಲ್ಲ. ಹಾಗೆಂದು ಕ್ಯಾಮೆರಾ ಕಣ್ಣಿನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಕ್ಯಾಮೆರಾದಲ್ಲಿ ಅವರು ಕಂಡಿದ್ದು, ಅದನ್ನು ವಾಹಿನಿ ಶೇರ್​ ಮಾಡಿದೆ.