Brahmagantu: ಪೆದ್ದು ದೀಪಾ, ಇವ್ನು ಸೀರಿಯಲ್​ ಗಂಡ ಎನ್ನೋದೂ ಗೊತ್ತಾಗಿಲ್ವಾ? ಏನ್​ ಮಾಡ್ದೆ ನೀನು?

<p>ಬ್ರಹ್ಮಗಂಟು ಧಾರಾವಾಹಿಯಲ್ಲಿ ಚಿರು ಮತ್ತು ದೀಪಾ ಒಂದಾಗುವ ಕ್ಷಣದಲ್ಲಿ ಹೊಸ ತಿರುವು ಸಿಕ್ಕಿದೆ. ತನ್ನ ಅತ್ತಿಗೆ ಸೌಂದರ್ಯಳನ್ನು ಬಿಟ್ಟು ಬಂದರೆ ಮಾತ್ರ ತಾಳಿ ಕಟ್ಟಿಸಿಕೊಳ್ಳುವುದಾಗಿ ದೀಪಾ ಹೇಳಿದ್ದಾಳೆ. ದೀಪಾಳ ಈ ನಡೆ ಚಿರುವನ್ನು ಕೆರಳಿಸುವ ಸಾಧ್ಯತೆಯಿದ್ದು, ಸಂಬಂಧ ಮುರಿದು ಬೀಳುವ ಸೂಚನೆ ಸಿಕ್ಕಿದೆ.</p><img><p>ಬ್ರಹ್ಮಗಂಟು (Brahmagantu) ಸೀರಿಯಲ್​ನಲ್ಲಿ ಚಿರು ಮತ್ತು ದೀಪಾ ಒಂದಾಗಿದ್ದಾರೆ. ಇನ್ನೇನು ಅವರು ಒಂದಾದ್ರಲ್ಲ, ಸೀರಿಯಲ್​ ಮುಗಿದೇ ಹೋಗತ್ತೆ ಎಂದುಕೊಂಡವರೇ ಹೆಚ್ಚು. ಅದರಲ್ಲಿಯೂ ಸೌಂದರ್ಯ ಬಂಡವಾಳನೂ ಬಯಲಾಗುವ ಕಾಲವೂ ಬಂದಾಗಿದೆ ಎಂದಾಗಿತ್ತು.</p><img><p>ಆದರೆ ಈಗ ಆಗಿದ್ದೇ ಬೇರೆ. ದೀಪಾಳಿಗಾಗಿ ಹಾತೊರೆಯುತ್ತಿರುವ ಚಿರು, ಅವಳಿಗಾಗಿ ತನ್ನ ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿಸ್ತಿರೋ ಅತ್ತಿಗೆ ಸೌಂದರ್ಯಳ ಕಣ್ಣು ತಪ್ಪಿಸಿಯೂ ಬರುತ್ತಿದ್ದ. ಇವರಿಬ್ಬರನ್ನೂ ಬೇರೆ ಮಾಡಲು ಸೌಂದರ್ಯ ಇನ್ನಿಲ್ಲದಂತೆ ಹೆಣಗಾಡುತ್ತಿದ್ದಾಳೆ.</p><img><p>ಅದರ ನಡುವೆಯೇ, ಚಿರು ಅತ್ತಿಗೆಯ ಎದುರೇ ದೀಪಾಳಿಗೆ ತಾಳಿ ಕಟ್ಟಲು ಹೋಗಿದ್ದ. ಅಷ್ಟಕ್ಕೂ ಬಹುತೇಕ ಎಲ್ಲಾ ಸೀರಿಯಲ್​ಗಳಂತೆಯೇ, ಇಲ್ಲಿಯೂ ಚಿರುವನ್ನು ಶತದಡ್ಡನ ರೀತಿಯಲ್ಲಿಯೇ ಬಿಂಬಿಸಲಾಗಿದೆ. ಸೀರಿಯಲ್​ಗಳು ಮಹಿಳಾ ಕೇಂದ್ರಿತ ಆಗಿರುವ ಹಿನ್ನೆಲೆಯಲ್ಲಿ, ಬಹುತೇಕ ಎಲ್ಲಾ ಸೀರಿಯಲ್​ಗಳಲ್ಲಿಯೂ ಒಬ್ಬ ಲೇಡಿ ವಿಲನ್​, ಅವಳನ್ನು ಅತಿಯಾಗಿ ನಂಬುದು ಒಬ್ಬ ಶತದಡ್ಡ ಗಂಡಸು ಇದ್ದೇ ಇರುತ್ತಾರೆ. ಇಲ್ಲಿಯೂ ಸೌಂದರ್ಯ ಮತ್ತು ಚಿರು ವಿಷ್ಯದಲ್ಲಿ ಹಾಗೆಯೇ ಆಗಿರೋದು.</p><img><p>ಇನ್ನು ದೀಪಾ ಏನು ಮಾಡಿದ್ಲು ಎಂದರೆ, ತಾಳಿ ಕಟ್ಟಲು ಹೋದಾಗ ಸೌಂದರ್ಯಳಿಗೆ ಏನು ಮಾಡಬೇಕು ಎನ್ನುವುದೇ ತಿಳಿಯಲಿಲ್ಲ. ಎಲ್ಲವೂ ಕೈಮೀರಿ ಹೋಗ್ತಾ ಇದೆ ಎಂದುಕೊಳ್ಳುವಾಗಲೇ, ದೀಪಾನೇ ಅವಕಾಶ ಮಾಡಿಕೊಟ್ಟುಬಿಟ್ಟಳು.</p><img><p>ಚಿರು ಬುದ್ಧಿ ಎಂಥದ್ದು ಎಂದು ತಿಳಿದಿದ್ದರೂ, ಸೌಂದರ್ಯಳ ನಿಜ ಮುಖ ಬಯಲು ಮಾಡಲು ಹೋಗಿದ್ದಾಳೆ ಆಕೆ. ನಿಮ್ಮ ಅತ್ತಿಗೆ ಮನುಷ್ಯ ರೂಪದ ರಾಕ್ಷಸಿ ಎಂದೆಲ್ಲಾ ಚಿರು ಎದುರು ಹೇಳಿದ್ದಾಳೆ. ಅತ್ತಿಗೆಯನ್ನು ಬಿಟ್ಟು ನನ್ನ ಬಳಿ ಬಂದರೆ ಮಾತ್ರ ಈ ತಾಳಿ ಕಟ್ಟಿ ಎಂದಿದ್ದಾಳೆ.</p><img><p>ಅದಕ್ಕೇ ನೆಟ್ಟಿಗರು ಅಯ್ಯೋ ದೀಪಾ, ಇವ್ನು ಸೀರಿಯಲ್​ ಗಂಡ ಕಣೆ, ದಡ್ಡ ಶಿಖಾಮಣಿ ಎನ್ನೋದು ಗೊತ್ತಾಗಿಲ್ವಾ, ನಿನ್ನನ್ನಾದ್ರೂ ಬಿಡ್ತಾನೆ, ಅತ್ತಿಗೆಯನ್ನು ಬಿಡಲ್ಲ ಅವ್ನು ಎಂದು ಕಾಲೆಳೆಯುತ್ತಿದ್ದಾರೆ. ಒಟ್ಟಿನಲ್ಲಿ ದೀಪಾ ಮೇಲೆ ಚಿರು ಮತ್ತಷ್ಟು ಕಿಡಿ ಕಾರಿದ್ರೂ ಕಾರಬಹುದು. ಡಿವೋರ್ಸ್​ ಕೊಟ್ರೂ ಅಚ್ಚರಿಯೇನಿಲ್ಲ ಅಂತಿದ್ದಾರೆ ವೀಕ್ಷಕರು.</p>



Source link