Brahmagantu: ದೀಪಾಗೆ ಅಗ್ನಿ ಪರೀಕ್ಷೆ! ಅವಳೇ ದಿಶಾ ಎನ್ನೋ ಗುಟ್ಟು ಸೌಂದರ್ಯಾಗೆ ತಿಳಿದುಹೋಯ್ತಾ?

<p>ಬ್ರಹ್ಮಗಂಟು ಧಾರಾವಾಹಿಯಲ್ಲಿ, ದಿಶಾಳಾಗಿ ನಟಿಸುತ್ತಿರುವ ದೀಪಾಳನ್ನು ಸಂಕಷ್ಟಕ್ಕೆ ಸಿಲುಕಿಸಲು ಸೌಂದರ್ಯ ವಿಫಲಳಾಗುತ್ತಿದ್ದಾಳೆ. ಇದೀಗ, ಬ್ಲೌಸ್ ಹೊಲಿಸುವ ನೆಪದಲ್ಲಿ ದೀಪಾಳ ಅಂಗಡಿಗೆ ಭೇಟಿ ನೀಡಲು ಸೌಂದರ್ಯ ನಿರ್ಧರಿಸಿದ್ದಾಳೆ. ಸೌಂದರ್ಯಳ ಈ ನಿಗೂಢ ನಡೆಯು &nbsp;ಕುತೂಹಲವನ್ನು ಸೃಷ್ಟಿಸಿದೆ.</p><img><p>ಬ್ರಹ್ಮಗಂಟು (Brahmagantu) ಸೀರಿಯಲ್​ನಲ್ಲಿ ಸದ್ಯ ದೀಪಾ ದಿಶಾ ಆಗಿ ಎಲ್ಲರನ್ನೂ ಕುಣಿಸುತ್ತಿದ್ದಾಳೆ. ಒಂದೊಂದು ಸಲ ಪೇಚಿಗೆ ಸಿಲುಕಿ ಹೇಗೋ ಮ್ಯಾನೇಜ್​ ಮಾಡುತ್ತಿದ್ದಾಳೆ. ದಿಶಾ ಮತ್ತು ಚಿರುನ್ನು ಹೇಗಾದ್ರೂ ಒಂದು ಮಾಡಿ ದೀಪಾಳ ಮೇಲೆ ಸೇಡು ತೀರಿಸಿಕೊಳ್ಳಲು ಸೌಂದರ್ಯ ಹವಣಿಸುತ್ತಿದ್ದಾಳೆ.</p><img><p>ದೀಪಾ ಮನೆಯಿಂದ ಕಳುಹಿಸಿರುವ ಊಟ ಬೇಡ ಎಂದು ದಿಶಾಗೆ ಚೈನೀಸ್​ ಫುಡ್​ ಆರ್ಡರ್​ ಮಾಡಿದ್ಲು ಸೌಂದರ್ಯ. ಆದರೆ ದೀಪಾಗೆ ಇವಳ ಅಸಲಿಯತ್ತು ಗೊತ್ತಾಗಿ, ನಾನು ಡಯೆಟ್​ನಲ್ಲಿ ಇದ್ದೇನೆ, ಇದೆಲ್ಲಾ ತಿನ್ನಲ್ಲ ಎಂದು ದೀಪಾ ಅರ್ಥಾತ್​ ತಾನೇ ಮಾಡಿದ ಅಡುಗೆಯನ್ನು ಹೊಗಳಿ ಹೊಗಳಿ ತಿಂದಳು. ಚಿರು ಕೂಡ ದೀಪಾ ಮಾಡಿದ ಅಡುಗೆಯನ್ನೇ ತಿಂದು ಸೌಂದರ್ಯಳ ಮರ್ಯಾದೆ ತೆಗೆದ.</p><img><p>ಹೀಗೆ ಸೌಂದರ್ಯಳಿಗೆ ಹೆಜ್ಜೆ ಹೆಜ್ಜೆಯೂ ಅವಮಾನ ಆಗುತ್ತಲೇ ಇದೆ. ದೀಪಾಳಿಗೆ ಬುದ್ಧಿ ಕಲಿಸಲು ಹೋಗಿ ತಾನೇ ಬಕರಾ ಆಗ್ತಿದ್ದಾಳೆ. ಅವಳಿಗೆ ಏನು ಮಾಡುವುದೋ ತಿಳಿಯುತ್ತಿಲ್ಲ.</p><img><p>ಆದರೆ, ಇದೀಗ ಇದ್ದಕ್ಕಿದ್ದ ಹಾಗೆ ದೀಪಾಳ ಬಳಿ ಬ್ಲೌಸ್​ ಹೊಲಿಸಿಕೊಳ್ಳುವ ಬಯಕೆಯನ್ನು ಸೌಂದರ್ಯ ಇಟ್ಟಿದ್ದಾಳೆ. ಇದರಲ್ಲಿ ಏನೋ ಕುತಂತ್ರ ಇದೆ ಎಂದು ದೀಪಾಗೆ ತಿಳಿದರೂ ನಾನು ಹೊಲಿದುಕೊಡ್ತೇನೆ, ಸೀರೆ ಕೊಟ್ಟು ಅಳತೆ ಕೊಡಿ ಎಂದಿದ್ದಾಳೆ.</p><img><p>ಆದರೆ ಸೌಂದರ್ಯ ಮಾತ್ರ, ಇಲ್ಲ ನಾನು ನಿನ್ನ ಅಂಗಡಿಯನ್ನು ನೋಡಿದ ಹಾಗೆ ಆಗುತ್ತದೆ. ಅಲ್ಲಿಯೇ ಬಂದು ಅಳತೆ ಕೊಡುತ್ತೇನೆ ಎಂದಿದ್ದಾಳೆ. ಇದು ದೀಪಾಳನ್ನು ಇಕ್ಕಟ್ಟಿಗೆ ಸಿಲುಕಿಸಿದೆ.</p><img><p>ದೀಪಾಳ ಜೊತೆ ಸೌಂದರ್ಯ ಹೊರಟೇ ಬಿಟ್ಟಿದ್ದಾಳೆ. ಅವಳು ಯಾಕೆ ಹೀಗೆ ಮಾಡಿದಳು ಎನ್ನುವುದು ಈಗಿರೋ ಪ್ರಶ್ನೆ. ದೀಪಾ ಮೇಲೆ ಅವಳಿಗೆ ಡೌಟ್​ ಬಂದಿದ್ಯಾ ಎಂದು ಎನ್ನಿಸುತ್ತಿದೆ.</p><img><p>ಇದು ಸಾಧ್ಯವಿಲ್ಲ ಎನ್ನುವುದೂ ಅಷ್ಟೇ ದಿಟ. ಇದರ ಸತ್ಯ ತಿಳಿದುಬಿಟ್ಟರೆ ಅಲ್ಲಿಗೆ ಸೀರಿಯಲ್​ ಮುಗಿದಂತೆ. ಆದರೆ ಸೌಂದರ್ಯಳ ನಡೆ ಸದ್ಯ ನಿಗೂಢವಾಗಿದೆ.</p>



Source link