ಇಲ್ಲಿಯ ಚಟ್ನಿ ಸವಿಯಲು ಕ್ಯೂ ನಿಲ್ತಾರೆ ಆಹಾರ ಪ್ರಿಯರು; 50 ವರ್ಷ ಹಳೆಯ ಲಿಂಗಯ್ಯ ಟಿಫಿನ್ ಸೆಂಟರ್

<p>ಅಪರೂಪದ, 50 ವರ್ಷದ ಹಳೆಯ ಟಿಫಿನ್ ಸೆಂಟರ್‌ಗಳಲ್ಲಿ ಮಲ್ಲೇಪಲ್ಲಿಯಲ್ಲಿರುವ ‘ಲಿಂಗಯ್ಯ ಟಿಫಿನ್ ಸೆಂಟರ್ ನಲ್ಲಿ &nbsp;ಇಡ್ಲಿ ಮತ್ತು ವಡೆ ಜೊತೆ ನೀಡಲಾಗುವ ಚಟ್ನಿಗಾಗಿ ಜನರು ಬೆಳಗ್ಗೆಯೇ ಬಂದು ಸರತಿ ಸಾಲಿನಲ್ಲಿ ನಿಲ್ಲುತ್ತಾರೆ.</p><img><p>ಲಿಂಗಯ್ಯ ಟಿಫಿನ್ ಸೆಂಟರ್ ಕೇವಲ ಒಂದು ಹೋಟೆಲ್ ಅಲ್ಲ, ಅದೊಂದು ಪರಂಪರೆ. ಸುಮಾರು 50 ವರ್ಷಗಳಿಂದ ಯಾವುದೇ ಆಡಂಬರವಿಲ್ಲದೆ, ಗುಣಮಟ್ಟದಲ್ಲಿ ರಾಜಿ ಮಾಡಿಕೊಳ್ಳದೆ ತಿಂಡಿ ನೀಡುತ್ತಿದ್ದಾರೆ. ಕಾಲ ಬದಲಾದರೂ ಇಲ್ಲಿನ ರುಚಿ ಮಾತ್ರ ಸ್ವಲ್ಪವೂ ಬದಲಾಗಿಲ್ಲ ಎಂದು ಗ್ರಾಹಕರು ಹೇಳುತ್ತಾರೆ.</p><img><p>ಲಿಂಗಯ್ಯ ಟಿಫಿನ್ ಸೆಂಟರ್‌ನಲ್ಲಿ ಕೇವಲ ಇಡ್ಲಿ ಮತ್ತು ವಡಾ ಮಾತ್ರ ಸಿಗುತ್ತದೆ. ಬಾಯಲ್ಲಿಟ್ಟರೆ ಕರಗುವಷ್ಟು ಮೃದುವಾದ ಇಡ್ಲಿ, ಹೊರಗೆ ಗರಿಗರಿಯಾಗಿ ಒಳಗೆ ಸಾಫ್ಟ್ ಆಗಿರುವ ವಡಾ ಇಲ್ಲಿನ ವಿಶೇಷ. ಪ್ರತಿದಿನ ತಾಜಾ ಹಿಟ್ಟಿನಿಂದ ಬಿಸಿ ಬಿಸಿಯಾಗಿ ತಿಂಡಿ ತಯಾರಿಸುತ್ತಾರೆ. ಈ ಕಾರಣದಿಂದಲೇ ಹೈದರಾಬಾದ್‌ ನಗರದ ಜನತೆಗೆ ಲಿಂಗಯ್ಯ ಹೋಟೆಲ್ ಅಂದ್ರೆ ಅಚ್ಚುಮೆಚ್ಚು.</p><img><p>ಇಲ್ಲಿನ ತಿಂಡಿಗಳಿಗಿಂತ ಚಟ್ನಿಯೇ ಹೆಚ್ಚು ಫೇಮಸ್. ಅದರಲ್ಲೂ ಶೇಂಗಾ ಚಟ್ನಿ, ಇಡ್ಲಿ-ವಡಾದ ರುಚಿಯನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ಯುತ್ತದೆ. ಸಾಂಪ್ರದಾಯಿಕವಾಗಿ ತಯಾರಿಸುವ ಈ ಚಟ್ನಿ ಮನೆಯ ರುಚಿಯನ್ನು ನೆನಪಿಸುತ್ತದೆ. ಈ ಚಟ್ನಿಗಾಗಿಯೇ ಜನ ಇಲ್ಲಿಗೆ ಮುಗಿಬೀಳುತ್ತಾರೆ. ಗ್ರಾಹಕರು ಪದೇ ಪದೇ ಕೇಳಿ ಚಟ್ನಿ ಹಾಕಿಸಿಕೊಂಡು ಸವಿಯುತ್ತಾರೆ.</p><img><p>ನಗರದಲ್ಲಿ ಬೆಲೆಗಳು ಗಗನಕ್ಕೇರುತ್ತಿದ್ದರೂ, ಲಿಂಗಯ್ಯ ಟಿಫಿನ್ ಸೆಂಟರ್‌ನಲ್ಲಿ ದರಗಳು ಸಾಮಾನ್ಯರಿಗೆ ಕೈಗೆಟುಕುವಂತಿವೆ. ಕಡಿಮೆ ಬೆಲೆಗೆ ಹೊಟ್ಟೆ ತುಂಬಾ ಗುಣಮಟ್ಟದ ತಿಂಡಿ ಸಿಗುವುದು ಇಲ್ಲಿನ ವಿಶೇಷ. ಬೆಳಗ್ಗೆ 6 ರಿಂದ ಮಧ್ಯಾಹ್ನ 2ರವರೆಗೆ ಇಲ್ಲಿ ಸಖತ್ ರಶ್ ಇರುತ್ತದೆ.</p><p><strong>ಇದನ್ನೂ ಓದಿ: </strong><strong>ಬೆಂಗಳೂರು: ಆಹಾರ ಪ್ರಿಯರ ಹಾಟ್‌ಸ್ಪಾಟ್‌ ಈ ಫುಡ್ ಸ್ಟ್ರೀಟ್</strong></p><img><p>ಈ ಪ್ರಸಿದ್ಧ ಟಿಫಿನ್ ಸೆಂಟರ್ ಹೈದರಾಬಾದ್‌ನ ಮಲ್ಲೇಪಲ್ಲಿಯಲ್ಲಿದೆ. ಮಲ್ಲೇಪಲ್ಲಿ ಚೌರಸ್ತಾದಿಂದ ಕಾಮಾಲೆಗೆ ಮದ್ದು ಕೊಡುವ ಆಸ್ಪತ್ರೆ ದಾರಿಯಲ್ಲಿ ಈ ಸೆಂಟರ್ ಸಿಗುತ್ತದೆ. ಗೋಶಾಮಹಲ್ ಮತ್ತು ನಾಂಪಲ್ಲಿಗೆ ಇದು ಹತ್ತಿರದಲ್ಲಿದೆ. ನೀವು ಕೂಡ ಲಿಂಗಯ್ಯ ಟಿಫಿನ್ ಸೆಂಟರ್‌ನ ಚಟ್ನಿ ರುಚಿ ನೋಡಬೇಕೆಂದರೆ ಒಮ್ಮೆ ಮಲ್ಲೇಪಲ್ಲಿಗೆ ಭೇಟಿ ನೀಡಿ. ಹೈದಾರಾಬಾದ್‌ಗೆ ಹೋಗಿದ್ರೆ ಇಲ್ಲಿಗೆ ಭೇಟಿ ನೀಡುವುದನ್ನು ಮರೆಯಬೇಡಿ.</p><p><strong>ಇದನ್ನೂ ಓದಿ: </strong><strong>ಭಾರತದ ನಗರ ಪೈಕಿ ಬೆಂಗಳೂರು ಬೆಸ್ಟ್ ಫುಡ್ ಸಿಟಿ, ಸ್ಕಾಟಿಶ್ ಪ್ರವಾಸಿಗನ ಮನತಣಿಸಿದ ಬ್ರೇಕ್‌ಪಾಸ್ಟ್</strong></p>



Source link