ವಾಷಿಂಗ್ಟನ್, ಮಾರ್ಚ್ 31: ಇರಾನ್ ವಿರುದ್ಧದ ಯುದ್ಧದಲ್ಲಿ ಅಮೆರಿಕ ಮತ್ತು ಇಸ್ರೇಲ್ಗೆ ನೆರವಾಗುವ ಇತರ ಪಾಶ್ಚಿಮಾತ್ಯ ದೇಶಗಳ ವಿರುದ್ಧ ಡೊನಾಲ್ಡ್ ಟ್ರಂಪ್ (ಡೊನಾಲ್ಡ್ ಟ್ರಂಪ್) ಕೆಂಡಕಾರುವುದು ಮುಂದುವರಿದಿದೆ. ತಮ್ಮ ಟ್ರೂತ್ ಸೋಷಿಯಲ್ ಪೋಸ್ಟ್ನಲ್ಲಿ ಬ್ರಿಟನ್ ಟ್ರೌಟ್ ದೇಶಗಳನ್ನು ತರಾಟೆಗೆ ತೆಗೆದುಕೊಂಡ ಟ್ರಂಪ್, ಒಂದೋ ನೀವು ಅಮೆರಿಕದ ತೈಲ ಖರೀದಿಸಿ, ಇಲ್ಲವೇ ಹಾರ್ಮುಜ್ ಜಲಸಂಧಿಗೆ ಹೋಗಿ ತೈಲ ಪಡೆದುಕೊಳ್ಳಿ ಎಂದು ತಾಕೀತು ಮಾಡಿದೆ.
‘ಇರಾನ್ ಯುದ್ಧದಲ್ಲಿ ಭಾಗವಹಿಸಲು ನಿರಾಕರಿಸಿದ ಬ್ರಿಟನ್ನಂತಹ ದೇಶಗಳು ಹಾರ್ಮುಜ್ ಜಲಸಂಧಿ ತಡೆದಿರುವ ಕಾರಣಕ್ಕೆ ತೈಲ ಸಿಗದೇ ಪರದಾಡುತ್ತಿವೆ. ಈ ದೇಶಗಳಿಗೆ ನನ್ನ ಸಲಹೆ ಹೀಗಿದೆ: ಒಂದು, ನೀವು ಅಮೆರಿಕದಿಂದ ತೈಲ ಖರೀದಿಸಿ. ನಮ್ಮಲ್ಲಿ ಸಾಕಷ್ಟು ತೈಲ ಇದೆ. ಎರಡನೆಯದು, ಧೈರ್ಯ ಇದ್ದರೆ ಜಲಸಂಧಿಗೆ ಹೋಗಿ ತೈಲ ತೆಗೆಯಲಾಗಿದೆ’ ಎಂದು ಸವಾಲು ಹಾಕಿದ್ದಾರೆ.
ಇದನ್ನೂ ಓದಿ: ತಾಹಿರ್ ಅನ್ವರ್ ಯಾರು? ಪಾಕಿಸ್ತಾನದಲ್ಲಿ ಮಸೂದ್ ಅಜರ್ ಸಹೋದರ ಅನುಮಾನಾಸ್ಪದವಾಗಿ ಸಾವು
ನೀವೇ ಹೋರಾಡುವುದನ್ನು ಕಲಿಯಿರಿ
‘ನಿಮಗಾಗಿ ಹೋರಾಡುವುದು ಹೇಗೆಂದು ಕಲಿಯಲು ಆರಂಭಿಸಬೇಕಾಗಬಹುದು. ಹೇಗೆ ನೀವು ಅಮೆರಿಕದ ಸಹಾಯಕ್ಕೆ ನಿಂತಿಲ್ಲವೋ, ಹಾಗೆ ನಿಮಗೆ ಸಹಾಯ ಮಾಡಲು ನಮಗೆ ಇರುವುದಿಲ್ಲ. ಇರಾನ್ ಅನ್ನು ನೆಲಸಮ ಮಾಡಿದ್ದೇವೆ. ಕಷ್ಟದ ಭಾಗ ಮುಗಿದಿದೆ. ಈಗ ನಿಮ್ಮ ತೈಲವನ್ನು ಪಡೆದುಕೊಳ್ಳಿ’ ಎಂದು ತಮ್ಮ ಮಿತ್ರ ದೇಶಗಳನ್ನು ಟ್ರಂಪ್ ಟಾಂಟ್ ಮಾಡಿದ್ದಾರೆ.
ಫೆಬ್ರುವರಿ 28ರಂದು ಇಸ್ರೇಲ್ ಮತ್ತು ಅಮೆರಿಕ ಜಂಟಿಯಾಗಿ ಇರಾನ್ ಮೇಲೆ ಯುದ್ಧ ಆರಂಭಿಸಿವೆ. ಸಾವಿರಾರು ಮಿಸೈಲ್, ಡ್ರೋನ್ಗಳಿಂದ ದಾಳಿ ಇರಾನ್ ದೇಶವೂ ಕೂಡ ಸಮರ್ಪಕವಾಗಿ ಪ್ರತಿರೋಧ ಮತ್ತು ಪ್ರತಿದಾಳಿಗಳನ್ನು ಮಾಡುತ್ತಿದೆ. ತಿಂಗಳು ಉರುಳಿದರೂ ಯುದ್ಧ ಮುಗಿಯುತ್ತಿಲ್ಲ. ವಿಶ್ವದ ಪ್ರಮುಖ ತೈಲ ಸಾಗಣೆ ದಾರಿಯಲ್ಲಿರುವ ಹಾರ್ಮುಜ್ ಜಲಸಂಧಿಯನ್ನು ಇರಾನ್ ತಡೆದು ನಿಲ್ಲಿಸಿದೆ. ಭಾರತ ಸೇರಿದಂತೆ ಹಲವು ದೇಶಗಳಿಗೆ ಪೆಟ್ರೋಲ್, ಎಲ್ಪಿಜಿ ಬಿಕ್ಕಟ್ಟು ಸ್ಥಿತಿ ಎದುರಾಗಿದೆ.
ಇದನ್ನೂ ಓದಿ: ಭಾರತದ ವಿರುದ್ಧ ಭಯೋತ್ಪಾದನಾ ಸಂಘಟನೆಗೆ ಪಾಕಿಸ್ತಾನ ಆಶ್ರಯ ನೀಡುತ್ತಲೇ ಇದೆ; ಅಮೆರಿಕದ ಸಂಶೋಧನಾ ವರದಿ
ಇದೇ ವೇಳೆ, ಇರಾನ್ನ ಅಳಿದುಳಿದ ನಾಯಕರೊಂದಿಗೆ ಅಮೆರಿಕ ಸಂಧಾನ ನಡೆಸಲು ಯತ್ನಿಸಿದೆ. ಸಂಧಾನ ಏರ್ಪಡದಿದ್ದರೆ ಇರಾನ್ ಮೇಲೆ ಇನ್ನೂ ದೊಡ್ಡ ಪ್ರಹಾರ ಆಗುತ್ತದೆ. ಆ ದೇಶದ ಇಂಧನ ಸೌಕರ್ಯಗಳನ್ನು ನಾಶಪಡಿಸುತ್ತದೆ ಎಂದು ಅಮೆರಿಕ ಬೆದರಿಕೆ ಹಾಕುತ್ತಿದೆ.
ಹೆಚ್ಚಿನ ಅಂತರರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
