ಹೋಮ್‌ಸ್ಟೇಯಲ್ಲಿ ಹೆಣವಾಗಿ ಪತ್ತೆಯಾದ ಮಾಜಿ ಸಿಎಂ ಮೊಮ್ಮಗ!

<p>Former Jharkhand CM Champai Soren’s Grandson Found Dead in Manali ಜಾರ್ಖಂಡ್‌ನ ಮಾಜಿ ಮುಖ್ಯಮಂತ್ರಿ ಚಂಪೈ ಸೊರೇನ್ ಅವರ 19 ವರ್ಷದ ಮೊಮ್ಮಗ ವೀರ್ ಸೊರೇನ್, ಸ್ನೇಹಿತರೊಂದಿಗೆ ಮನಾಲಿಗೆ ಪ್ರವಾಸಕ್ಕೆ ತೆರಳಿದ್ದಾಗ ಹೋಂಸ್ಟೇಯೊಂದರಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ.&nbsp;</p><img><p>ಜಾರ್ಖಂಡ್‌ನ ಮಾಜಿ ಮುಖ್ಯಮಂತ್ರಿ ಚಂಪೈ ಸೊರೇನ್ ಅವರ 19 ವರ್ಷದ ಮೊಮ್ಮಗ ವೀರ್ ಸೊರೇನ್ ಹಿಮಾಚಲ ಪ್ರದೇಶದ ಮನಾಲಿಯ ಹೋಂಸ್ಟೇಯೊಂದರಲ್ಲಿ ಮಂಗಳವಾರ (ಫೆಬ್ರವರಿ 24) ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.</p><img><p>ವೀರ್ ಸೊರೇನ್ ತನ್ನ ಸ್ನೇಹಿತರೊಂದಿಗೆ ಫೆಬ್ರವರಿ 22 ರಂದು ಮನಾಲಿಗೆ ಬಂದಿದ್ದರು. ಸಿಂಸಾದಲ್ಲಿನ ಹೋಂಸ್ಟೇಯೊಂದರಲ್ಲಿ ವಾಸ್ತವ್ಯ ಹೂಡಿದ್ದ ಈ ತಂಡವು, ಫೆಬ್ರವರಿ 23 ರಂದು ಸೋಲಾಂಗ್ ವ್ಯಾಲಿ ಮತ್ತು ಹಮ್ಟಾ ಪಾಸ್ ಮಾರ್ಗದ ಸೇತನ್ ಗ್ರಾಮಕ್ಕೆ ಭೇಟಿ ನೀಡಿತ್ತು.</p><img><p>ಪ್ರವಾಸ ಮುಗಿಸಿ ಬಂದ ನಂತರ ಫೆಬ್ರವರಿ 24ರಂದು ಸ್ನೇಹಿತರು ಹೊರಗೆ ಹೋದಾಗ ವೀರ್ ರೂಮಿನಲ್ಲೇ ಉಳಿದುಕೊಂಡಿದ್ದರು. ಸ್ನೇಹಿತರು ವಾಪಸ್ ಬಂದಾಗ ತಮಗೆ ತೀವ್ರ ತಲೆನೋವು ಇದೆ ಎಂದು ವೀರ್ ತಿಳಿಸಿದ್ದರು. ನಂತರ ಔಷಧ ಸೇವಿಸಿ ನಿದ್ದೆಗೆ ಜಾರಿದ್ದರು.</p><img><p>ಮಧ್ಯಾಹ್ನ ಸುಮಾರು 2:30ಕ್ಕೆ ವೀರ್ ಹಾಸಿಗೆಯಿಂದ ಕೆಳಗೆ ಬಿದ್ದ ಶಬ್ದ ಕೇಳಿ ಸ್ನೇಹಿತರು ಓಡಿ ಬಂದಿದ್ದಾರೆ. ಆಗ ವೀರ್ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದರು ಮತ್ತು ಅವರ ಬಾಯಿಯಲ್ಲಿ ನೊರೆ ಬಂದಿತ್ತು. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಅಷ್ಟರಲ್ಲೇ ಅವರು ಮೃತಪಟ್ಟಿದ್ದಾರೆ ಎಂದು ವೈದ್ಯರು ಘೋಷಿಸಿದರು.</p><img><p>ಪ್ರಾಥಮಿಕ ತನಿಖೆಯ ಪ್ರಕಾರ, ಅತಿಯಾದ ಎತ್ತರದ ಪ್ರದೇಶಕ್ಕೆ ಭೇಟಿ ನೀಡಿದಾಗ ಉಂಟಾಗುವ ‘ಹೈ ಆಲ್ಟಿಟ್ಯೂಡ್ ಸಿಕ್ನೆಸ್’ (High altitude sickness) ಅಥವಾ ಆಮ್ಲಜನಕದ ಕೊರತೆಯಿಂದ ಈ ಸಾವು ಸಂಭವಿಸಿರಬಹುದು ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ಶಂಕಿಸಿದ್ದಾರೆ.</p><img><p>ಮೊಮ್ಮಗನ ಅಕಾಲಿಕ ಮರಣದಿಂದ ಕುಟುಂಬವೇ ಛಿದ್ರವಾಗಿದೆ ಎಂದು ಚಂಪೈ ಸೊರೇನ್ ಎಕ್ಸ್ (X) ನಲ್ಲಿ ಭಾವುಕವಾಗಿ ಬರೆದುಕೊಂಡಿದ್ದಾರೆ. ಜಾರ್ಖಂಡ್ ಮುಖ್ಯಮಂತ್ರಿ ಹೇಮಂತ್ ಸೊರೇನ್ ಕೂಡ ಈ ಘಟನೆಗೆ ತೀವ್ರ ದಿಗ್ಭ್ರಮೆ ವ್ಯಕ್ತಪಡಿಸಿ ಸಂತಾಪ ಸೂಚಿಸಿದ್ದಾರೆ.</p>



Source link