ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಸಂಯೋಜನೆಯಾದ ಡಾ. ಬಸವರಾಜ್ ಗುರೂಜಿಅವರು ತಮ್ಮ ನಿತ್ಯಭಕ್ತಿ ಕಾರ್ಯಕ್ರಮದಲ್ಲಿ ಮನುಷ್ಯನ ಜೀವನದ ಯಶಸ್ಸು ಮತ್ತು ನೆಮ್ಮದಿಗೆ ಅಗತ್ಯವಾದ ಮಾರ್ಗದರ್ಶನವನ್ನು ನೀಡಿದ್ದಾರೆ. ಬದುಕಿನಲ್ಲಿ ಭಗವಂತನ ಕೃಪೆ, ಪೂರ್ವಿಕರ ಆಶೀರ್ವಾದ, ತಂದೆ-ತಾಯಿಗಳ ಪ್ರೀತಿ, ಉದ್ಯೋಗ ಅಥವಾ ವೃತ್ತಿಯ ಏಳುಪೇರುಗಳ ನಡುವೆಯೂ, ಮನುಷ್ಯನ ಶ್ರೇಯಸ್ಸು, ಯಶಸ್ಸು ಮತ್ತು ಕೀರ್ತಿಗೆ ಸ್ನೇಹಿತರ ಪಾತ್ರ ಅತ್ಯಂತ ಮಹತ್ವದ್ದು. ಸ್ನೇಹಿತರಿಂದಲೂ ಶುಭ ಆಗಬಹುದು, ಅಶುಭವೂ ಆಗಬಹುದು. ಕೆಲವೊಮ್ಮೆ ಆತ್ಮೀಯ ಸ್ನೇಹಿತರೇ ಶತ್ರುಗಳಾಗುವ ನಿದರ್ಶನಗಳೂ ಇವೆ. ಈ ಕುರಿತು ಒಂದು ಗಾದೆಯೂ ಇದೆ: “ಹುಟ್ಟಿದಾಗ ಅಣ್ಣ-ತಮ್ಮಂದಿರು, ಬೆಳೆದ ದಾಯಾದಿಗಳು.” ಸಣ್ಣ ವಿಷಯಗಳಿಗಾಗಿಯೂ ಸಂಬಂಧಗಳು ಹಾಳಾಗಬಹುದು.
ಇಂದಿನ ವಿಚಾರವೇನೆಂದರೆ, ಮಹಾ ಮೇಧಾವಿ, ಮಹಾ ತತ್ವಜ್ಞಾನಿ ಚಾಣಕ್ಯರು ಮಾನವನ ಅಭಿವೃದ್ಧಿಗೆ ಮಾರಕವಾಗಬಲ್ಲ ಐದು ವಿಧದ ಮಿತ್ರರ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ. ಸ್ನೇಹಕ್ಕೆ ಪವಿತ್ರವಾದ ಅರ್ಥ ಮತ್ತು ವಿಶೇಷತೆ ಇದೆ. ಸ್ನೇಹಿತರು ತಂದೆ ತಾಯಿಗಳು ಅಥವಾ ಹೆಂಡತಿಯೊಂದಿಗೆ ಮಿಗಿಲಾದ ಬಲವನ್ನು ನೀಡಬಲ್ಲರು. ಆದರೆ, ಈ ಐದು ವಿಧದ ಮಿತ್ರರಿಂದ ದೂರವಿರದಿದ್ದರೆ, ನಿಮ್ಮ ಜೀವನವು ಅಧೋಗತಿಗೆ ಇಳಿಯುತ್ತದೆ ಅಥವಾ ಎಡವಟ್ಟುಗಳು ಕಾಡಿವೆ ಎಂದು ಚಾಣಕ್ಯರು ಹೇಳುತ್ತಾರೆ. ಆ ಐದು ವಿಧದ ಮಿತ್ರರು ಯಾರೆಂದರೆ:
ಅಸೂಯೆ ಪಡುವವರು:
ನಿಮ್ಮ ಉತ್ತಮ ಸಾಧನೆಗಳಿಗೆ, ಮಾರ್ಕ್ಸ್ ಅಥವಾ ಉದ್ಯೋಗದಲ್ಲಿ ಯಶಸ್ಸಿಗೆ ಅಸೂಯೆ ಪಡುವವರು. ಅವರು ನಿಮ್ಮ ಮುಂದೆ ನಗುತ್ತಾ ಇದ್ದರೂ, ನಿಮ್ಮ ಹಿಂದೆ ನಿಮ್ಮನ್ನು ಅವಹೇಳನ ಮಾಡುತ್ತಾರೆ. ಇಂತಹವರ ಸಹವಾಸವು ನಿಮ್ಮ ಪ್ರಗತಿ ಮತ್ತು ಅಭಿವೃದ್ಧಿಗೆ ಮಾರಕವಾಗುತ್ತದೆ. ಸದಾ ಬೆಳೆಯಬೇಕು ಎಂದು ಹಾರೈಸುವ ಸ್ನೇಹಿತರು ಬಹಳ ಕಡಿಮೆ. ಅಸೂಯೆ ಪಡುವವರಿಂದ ದೂರವಿರಿ.
ನಿಮ್ಮನ್ನು ಇಷ್ಟಪಡುವವರು:
ನಿಮ್ಮನ್ನು, ನಿಮ್ಮ ವ್ಯಕ್ತಿತ್ವವನ್ನು, ನಿಮ್ಮ ಉಡುಗೆ ತೊಡುಗೆಯನ್ನು ಅಥವಾ ನೀವು ನಡೆದುಕೊಳ್ಳುವ ರೀತಿಯನ್ನು ಇಷ್ಟಪಡುವವರ ಹತ್ತಿರ ಹೋಗಬೇಡಿ. ಅವರ ಬಳಿ ಸಲಹೆ ಕೇಳಲು ಹೋದರೆ, ಅವರು ನಿಮ್ಮ ಜೀವನದ ಮೇಲೆ ದೊಡ್ಡ ಕಲ್ಲನ್ನೇ ಹಾಕುತ್ತಾರೆ, ಅಂದರೆ ನಿಮ್ಮನ್ನು ಸಂಪೂರ್ಣವಾಗಿ ಕೆಳಗೆ ತಳ್ಳುತ್ತಾರೆ. ಹಾಗೆ, ನಿಮ್ಮನ್ನು ಇಷ್ಟಪಡುವವರ ಸಹವಾಸದಿಂದ ದೂರವಿರುವುದು ಉತ್ತಮ.
ಅತಿಯಾಗಿ ಮಾತನಾಡುವವರು:
“ಅತಿ ಸರ್ವತ್ರ ವರ್ಜಯೇತ್” ಎಂಬಂತೆ, ಯಾವುದೇ ವಿಷಯದಲ್ಲಿ ಹೆಚ್ಚಾಗಿ ಮಾತನಾಡುವ ಮಿತ್ರರಿಂದ ಒಂದು ದಿನ ಕಂಟಕ ಎದುರಾಗುತ್ತದೆ. ಅತಿಯಾದ ಮಾತುಕತೆಗಳು ನಿಮ್ಮ ಆತ್ಮವಿಶ್ವಾಸವನ್ನು ಕುಗ್ಗಿಸಿ, “ನಾನು ಏನೂ ಅಲ್ಲ” ಎಂಬ ಭಾವನೆ ಮೂಡಿಸಬಹುದು. ಇಂತಹವರ ಸಹವಾಸದಿಂದ ಜಾಗರೂಕರಾಗಿರಿ.
ಸಂಕುಚಿತ ಭಾವನೆಯವರು:
ಏನನ್ನೂ ಹೇಳದೆ, ತಮ್ಮ ಭಾವನೆಗಳನ್ನು ಮನಸ್ಸಿನಲ್ಲೇ ಇಟ್ಟುಕೊಳ್ಳುವ, ಸಂಕುಚಿತ ಮನಸ್ಸಿನ ಜನರ ಸಹವಾಸದಿಂದ ದೂರವಿರಿ. ಇವರು ನಿಮಗೆ ಪ್ರೋತ್ಸಾಹ ನೀಡುವುದಿಲ್ಲ. ಇಂತಹವರೊಂದಿಗೆ ಸ್ನೇಹ ಬೆಳೆಸಿದರೆ ನಿಮ್ಮ ಅಭಿವೃದ್ಧಿ ಸಾಧ್ಯ. ತಮ್ಮ ಆಲೋಚನೆಗಳನ್ನು ವ್ಯಕ್ತಪಡಿಸದ ಇಂತಹವರು ನಿಮ್ಮ ಪ್ರಗತಿಗೆ ಅಡ್ಡಿಯಾಗಬಹುದು.
ಇದನ್ನೂ ಓದಿ: ಮನೆಯಲ್ಲಿ ತಪ್ಪಿಯೂ ಈ ಜಾಗದಲ್ಲಿ ಹಣ ಇಡಬೇಡಿ, ಸಾಲ ಹೆಚ್ಚಾಗಬಹುದು
ಸುಳ್ಳು ಹೇಳುವವರು:
ಸುಳ್ಳು ಹೇಳುವ ಜನರೊಂದಿಗೆ ಹೆಚ್ಚು ಕಂಡುಬಂದರೆ, ನಿಮ್ಮ ಜೀವನವೂ ಅಧೋಗತಿಗೆ ಇಳಿಯುತ್ತದೆ. ಸುಳ್ಳು ಸದಾ ಸತ್ಯವನ್ನು ಮುಚ್ಚಿಡಲು ಪ್ರಯತ್ನಿಸುತ್ತದೆ, ಆದರೆ ಕೊನೆಗೆ ಸತ್ಯವೇ ಗೆಲ್ಲುತ್ತದೆ. ಸುಳ್ಳು ಹೇಳುವವರ ಸಹವಾಸವು ನಿಮ್ಮ ನಂಬಿಕೆಯನ್ನು ಕಳೆದುಕೊಳ್ಳುತ್ತದೆ, ಜೀವನದಲ್ಲಿ ಕೆಟ್ಟ ಪರಿಣಾಮಗಳನ್ನು ಎದುರಿಸುವಂತೆ ಮಾಡುತ್ತದೆ.
ಚಾಣಕ್ಯರು ಹೇಳಿದಂತೆ, ಈ ಐದು ಬಗೆಯ ಜನರ ಸಹವಾಸದಿಂದ ದೂರವಿರಿ. ಇದರಿಂದ ನಿಮ್ಮ ಅಭಿವೃದ್ಧಿ ಸಾಧ್ಯ ಮತ್ತು ನಿಮ್ಮ ಆಯುಷ್ಯವು ವ್ಯರ್ಥವಾಗುವುದನ್ನು ತಪ್ಪಿಸಬಹುದು ಎಂದು ಗುರೂಜಿ ಸಲಹೆ ನೀಡುತ್ತಾರೆ.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 9:40 am, ಬುಧವಾರ, 7 ಜನವರಿ 26
