ಸಹನಟಿ, ಬದುಕಿಗೆ ಪ್ರೇಮ ರಶ್ಮಿಯಾದಳು! 14 ವರ್ಷದ ಪ್ರೀತಿಗೆ ಸದ್ಯದಲ್ಲೆ ಮದುವೆ ಬಂಧ – ಜೆ.ಪಿ. ತುಮಿನಾಡು

<p>ಎಲ್ಲರ ಬದುಕಿನಲ್ಲಿ ಇರುವ ಹಾಗೆ ಶಾಲೆಯಲ್ಲಿ ಹುಡುಗಿಯ ಮೇಲೆ ಕ್ರಶ್ ಆಗುವುದು, ಗೆಳೆಯರೊಂದಿಗೆ ಆ ಬಗ್ಗೆ ಕಾಲೆಳೆಸಿಕೊಳ್ಳುವುದು ಇತ್ಯಾದಿ ಘಟ್ಟ ದಾಟಿದ ಮೇಲೆ ನಾನು ಲವ್‌ ಲೆಟರ್‌ ಬರೆಯಲು ಶುರು ಮಾಡಿದ್ದು. ಆದರೆ ಅದು ನನಗಲ್ಲ, ಸ್ನೇಹಿತರಿಗೆ.</p><img><p>ನನ್ನ ಪ್ರೇಮಕಥೆ ಶುರುವಾದದ್ದು ನಾನು ರಂಗಭೂಮಿಗೆ ಬಂದಾದ ಮೇಲೆ. ಆಗ ತುಳು ನಾಟಕಗಳನ್ನು ಬರೆಯುತ್ತಿದ್ದೆ, ಜೊತೆಗೆ ರಂಗದ ಮೇಲೆ ಅಭಿನಯಿಸುತ್ತಿದ್ದೆ.</p><img><p>ಒಂದು ತಂಪು ಹೊತ್ತಲ್ಲಿ ನಮ್ಮ ನಾಟಕ ಟೀಮ್‌ಗೆ ಒಬ್ಬ ಹುಡುಗಿ ಬಂದಳು. ಆ ಹೊತ್ತಿಗೆ ಪ್ರದರ್ಶನಗೊಳ್ಳುತ್ತಿದ್ದ ನಾಟಕದಲ್ಲಿ ರಂಗದ ಮೇಲೆ ನಾವಿಬ್ಬರೂ ಪ್ರೇಮಿಗಳಾಗಿ ನಟಿಸಬೇಕಿತ್ತು.</p><img><p>. ನಟನೆಯೇನೋ ಮಾಡುತ್ತಿದ್ದೆವು, ಆದರೆ ಆರಂಭದಲ್ಲಿ ಎಲ್ಲವೂ ಸರಿ ಇರಲಿಲ್ಲ. ಆ ಹುಡುಗಿ ಯಾವುದೋ ಕಾರಣಕ್ಕೆ ನನ್ನ ಮೇಲೆ ಸಿಡಿಮಿಡಿಗೊಳ್ಳುತ್ತಿದ್ದಳು, ಚೆನ್ನಾಗಿ ಬೈಯ್ಯುತ್ತಿದ್ದಳು. ಆದರೆ ಅವಳಂದುಕೊಂಡ ಹಾಗೆ ನಾನಿರಲಿಲ್ಲ. ಆ ವಿಚಾರ ಅವಳಿಗೆ ತಿಳಿದದ್ದು ತಡವಾಗಿ. ಅಷ್ಟರಲ್ಲಿ ನನಗೆ ಭರಪೂರ ಬೈಗುಳದ ಸಂದಾಯವಾಗಿತ್ತು. ಸತ್ಯ ತಿಳಿದ ಮೇಲೆ ಅವಳಿಗೆ ಪಶ್ಚಾತಾಪ ಆಯ್ತು, ಅದು ಕಾಳಜಿಯಾಗಿ ಬದಲಾಯ್ತು</p><img><p>ಕ್ರಮೇಣ ಅಕ್ಕರೆಯಲ್ಲಿ ಮಾತನಾಡಿಸತೊಡಗಿದಳು. ಹಾಗೆ ಹತ್ತಿರವಾದ ಹುಡುಗಿ ನನ್ನ ಬದುಕಿನ ಪ್ರೇಮರಶ್ಮಿಯಾದಳು. ನಮ್ಮ ಪ್ರೀತಿಗೀಗ ಹದಿನಾಲ್ಕು ವರ್ಷ. ಇನ್ನು ಕೆಲವೇ ಸಮಯದಲ್ಲಿ ಆಕೆಯ ಜೊತೆಗೆ ಸಪ್ತಪದಿ ತುಳಿಯಲಿದ್ದೇನೆ.</p>



Source link