ಇತ್ತೀಚಿಗೆ ದೀಪಿಕಾ ಪಡುಕೋಣೆ ಭಾರಿ ಸುದ್ದಿಯಲ್ಲಿದ್ದಾರೆ. ಟಾಲಿವುಡ್ನ ಎರಡೂ ಬಿಗ್ ಪ್ರಾಜೆಕ್ಟ್ಗಳಿಂದ ದೀಪಿಕಾನ ಕೈ ಬಿಡಲಾಗಿತ್ತು. ಅದಕ್ಕೆ ಕಾರಣ ದೀಪಿಕಾ ವಿಧಿಸೋ ಷರತ್ತುಗಳು ಅಂತ ಹೇಳಲಾಗಿತ್ತು. ದುಬಾರಿ ಸಂಭಾವನೆ , ಲಾಭದಲ್ಲಿ ಶೇರ್ ಕೇಳುವುದರ ಜೊತೆಗೆ ದಿನಕ್ಕೆ 8 ಗಂಟೆ ಮಾತ್ರ ಶೂಟಿಂಗ್ ಮಾಡೋದು ಅನ್ನೋ ಷರತ್ತುಗಳನ್ನ ದೀಪಿಕಾ ಹಾಕ್ತಾರಂತೆ. ಇದಕ್ಕೆ ಉತ್ತರ ಕೊಟ್ಟಿದ್ದ ದೀಪಿಕಾ , ಎಷ್ಟೋ ನಟರು ಇದಕ್ಕೂ ಕಡಿಮೆ ಅವಧಿ ಕೆಲಸ ಮಾಡಿ ನಮಗಿಂತ ಹೆಚ್ಚು ಸಂಭಾವನೆ ಪಡೀತಾರೆ. ನಟಿಯರು ಕೇಳಿದ್ರೆ ತಪ್ಪಾ ಅಂತ ಸವಾಲ್ ಹಾಕಿದ್ರು. ಅದಕ್ಕೀಗ ಮತ್ತೊಬ್ಬ ಬಹುಭಾಷಾ ನಟಿ- ಕನ್ನಡತಿ ಪ್ರಿಯಾ ಟಾಂಗ್ ಕೊಟ್ಟಿದ್ದಾರೆ. ಸಿನಿಮಾ ಶೂಟಿಂಗ್ ಅನ್ನೋದು ಎಲ್ಲರೂ ಸೇರಿ ಮಾಡುವ ಕೆಲಸ ಅದಕ್ಕೆ ಸಮಯದ ಮಿತಿ ಹಾಕಿಕೊಂಡು ಮಾಡೋದಕ್ಕೆ ಸಾಧ್ಯ ಇಲ್ಲ ಅಂದಿದ್ದಾರೆ.
