ನಟ ಧರ್ಮೇಂದ್ರ ಅವರು ಇಂದು (ನವೆಂಬರ್ 24) ನಿಧನರಾದರು. ಡಿಸೆಂಬರ್ 8 ರಂದು ಅವರು 90 ನೇ ವಯಸ್ಸಿನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಬೇಕಿತ್ತು. ಅದಕ್ಕೂ ಮೊದಲೇ ಅವರು ನಿಧನರಾದರು. ಅವರು ಕನ್ನಡದ ಯಾವುದೇ ಸಿನಿಮಾಗಳಲ್ಲಿ ನಟಿಸಿಲ್ಲ. ಆದರೆ, ಧರ್ಮೇಂದ್ರ ಅವರು ರಾಮನಗರಕ್ಕೆ ಕಾಲಿಟ್ಟಿದ್ದರು. ‘ಶೋಲೆ’ ಸಿನಿಮಾದ ಐಕಾನಿಕ್ ದೃಶ್ಯದ ಶೂಟ್ನ ಇಲ್ಲಿಯೇ ದಿನಾಂಕ.
ಅಮಿತಾಭ್ ಬಚ್ಚನ್ ಹಾಗೂ ಧರ್ಮೇಂದ್ರ ಅವರು ‘ಶೋಲೆ’ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದರು. ಈ ಸಿನಿಮಾ ಸೂಪರ್ ಹಿಟ್ ಆಯಿತು. 1975ರಲ್ಲಿ ಬಂದ ಈ ಚಿತ್ರಕ್ಕೆ ಈಗ 50 ವರ್ಷ. ಈ ಸಿನಿಮಾನ ಜನರು ನೆನಪಿಸಿಕೊಳ್ಳುತ್ತಾರೆ. ಧರ್ಮೇಂದ್ರ ಅವರು ವೀರು ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅಮಿಯಾಭ್ ಜೈ ಹೆಸರಿನ ಪಾತ್ರ ಮಾಡಿದ್ದರು. ಈ ಸಿನಿಮಾದ ಕ್ಲೈಮ್ಯಾಕ್ಸ್ ಶೂಟ್ ಆಗಿದ್ದು, ರಾಮನಗರದ ರಾಮದೇವರ ಬೆಟ್ಟದಲ್ಲಿ. ‘ಶೋಲೆ’ ಸಿನಿಮಾ ಶೂಟ್ ಬಳಿಕ ಈ ಬೆಟ್ಟಕ್ಕೆ ಶೋಲೆ ಬೆಟ್ಟ ಎಂಬ ಹೆಸರು ಬಂತು.
ವೀರುನ ಡಕಾಯತರ ನಾಯಕ ಗಬ್ಬರ್ ಸಿಂಗ್ (ಅಮ್ಜದ್ ಖಾನ್) ಕಿಡ್ನ್ಯಾಪ್ ಮಾಡಿ ಇದೆ ಬೆಟ್ಟದ ಮೇಲೆ ಕಟ್ಟಿ ಹಾಕುತ್ತಾನೆ. ಆಗ ಜೈ ಬಂದು ಆತನನ್ನು ಕಾಪಾಡುತ್ತಾನೆ. ಈ ವೇಳೆ ಜೈ ನಿಧನ ಹೊಂದುತ್ತಾನೆ. ಕ್ಲೈಮ್ಯಾಕ್ಸ್ ಫೈಟ್ ಇದೆ ಬೆಟ್ಟದಲ್ಲಿ ನಡೆಯುತ್ತಿದೆ. ನಂತರ ಗಬ್ಬರ್ನ ವೀರು ಬೆನ್ನು ಹತ್ತುತ್ತಾನೆ. ಕಲ್ಲು ಬಂಡೆಗಳಿಂದ ಈ ಬೆಟ್ಟ ಆವೃತವಾಗಿದೆ. ಚಾರಣಿಗರಿಗೆ ಇದು ಫೇವರಿಟ್ ಜಾಗ ಕೂಡ ಹೌದು. ಹೀಗಾಗಿ, ‘ಶೋಲೆ’ ಕ್ಲೈಮ್ಯಾಕ್ಸ್ಗೆ ಜಾಗ ಹೇಳಿ ಮಾಡಿಸಿದಂತೆ ಇತ್ತು. ಇದೆದಮೇಲೆ ಧರ್ಮೇಂದ್ರ ಕುದುರೆ ಸವಾರಿ ಬೆಟ್ಟ ಕೂಡ ಮಾಡುತ್ತಾರೆ. ಹಲವು ದಿನಗಳ ಕಾಲ ಇಲ್ಲಿ ಶೂಟಿಂಗ್ ನಡೆದಿತ್ತು.
ಇದನ್ನೂ ಓದಿ: ಧರ್ಮೇಂದ್ರ ನಿಧನ; ಚಿತ್ರರಂಗದಲ್ಲಿ ಆರು ಕ್ಷಣ ಸೇವೆ; 300ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟನೆ
ಧರ್ಮೇಂದ್ರ ಅವರು ನವೆಂಬರ್ 11 ರಂದು ಆಸ್ಪತ್ರೆಗೆ ದಾಖಲಾಗಿದ್ದರು. ಆಗ ಅವರ ಆರೋಗ್ಯ ತೀವ್ರವಾಗಿ ಹದಗೆಟ್ಟಿತ್ತು. ಆ ಬಳಿಕ ಅವರು ಚೇತರಿಸಿಕೊಂಡವರು ಅವರನ್ನು ಮನೆಗೆ ಕರೆತರಲಾಯಿತು. ಆದರೆ, ಈಗ ಅವರು ಇಂದು (ನವೆಂಬರ್ 24) ನಿಧನರಾದರು. ಅವರ ಸಾವಿಗೆ ಬಾಲಿವುಡ್ ಸೆಲೆಬ್ರಿಟಿಗಳು ಸಂತಾಪ ಸೂಚಿಸುತ್ತಿದ್ದಾರೆ. ಇಂದೇ ಅವರ ಅಂತ್ಯ ಸಂಸ್ಕಾರ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
