ವಾಷಿಂಗ್ಟನ್ (ಏ.3): ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಭೀಕರ ಸಂಘರ್ಷದ ಕುರಿತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಇತ್ತೀಚಿನ ಹೇಳಿಕೆಗಳು ಜಾಗತಿಕ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿವೆ.
ಇರಾನ್ ಯುರೇನಿಯಂ ವಶಕ್ಕೆ ಟ್ರಂಪ್ ‘ಮಾಸ್ಟರ್ ಪ್ಲ್ಯಾನ್’: ವಿಶ್ವದ ಭೀಕರ ಸೀಕ್ರೆಟ್ ಆಪರೇಷನ್ಗೆ ಅಮೆರಿಕ ಸಜ್ಜು!
ಯುದ್ಧ ನಿಲ್ಲಿಸುವ ಸೂಚನೆ ನೀಡುತ್ತಲೇ, ಮುಂದಿನ 2-3 ವಾರಗಳಲ್ಲಿ ಇರಾನ್ ಮೇಲೆ ಅತ್ಯಂತ ಭೀಕರ ದಾಳಿ ಮಾಡುವುದಾಗಿ ಟ್ರಂಪ್ ಬೆದರಿಕೆ ಹಾಕಿದ್ದಾರೆ. ಇರಾನ್ ಅಣ್ವಸ್ತ್ರ ಹೊಂದುವ ಹಂತ ತಲುಪಿದೆ ಎಂಬ ಕಾರಣ ನೀಡಿ ಈ ದಾಳಿಯನ್ನು ಅವರು ಸಮರ್ಥಿಸಿಕೊಂಡಿದ್ದಾರೆ.
ಆದರೆ, ಇರಾನ್ನ IRGC ಸೇನೆಯು ಟ್ರಂಪ್ಗೆ ತಿರುಗೇಟು ನೀಡಿದ್ದು, “ನಮ್ಮ ಕ್ಷಿಪಣಿ ಮತ್ತು ಡ್ರೋನ್ ಸಾಮರ್ಥ್ಯದ ಬಗ್ಗೆ ಅಮೆರಿಕಕ್ಕೆ ಅರಿವಿಲ್ಲ, ನಮ್ಮನ್ನು ನಾಶಪಡಿಸಿದ್ದೇವೆ ಎಂಬ ಭ್ರಮೆ ಬೇಡ” ಎಂದು ಎಚ್ಚರಿಸಿದೆ. ಇತ್ತ ಹೋರ್ಮುಜ್ ಜಲಸಂಧಿಯ ರಕ್ಷಣೆಗೆ ಇತರ ದೇಶಗಳು ಮುಂದಾಗಲಿ, ನಮಗೆ ಅಲ್ಲಿನ ತೈಲದ ಅವಶ್ಯಕತೆಯಿಲ್ಲ ಎಂದು ಟ್ರಂಪ್ ಹೇಳುವ ಮೂಲಕ ಜವಾಬ್ದಾರಿಯಿಂದ ನುಣುಚಿಕೊಳ್ಳುವ ಲಕ್ಷಣ ತೋರಿದ್ದಾರೆ.
