ಮಾರ್ಕೆಟ್ ಟ್ರೆಂಡ್, ಎಕ್ಸ್​ಪೆನ್ಸ್ ರೇಶಿಯೋ, ಎಮರ್ಜೆನ್ ಫಂಡ್ ಇತ್ಯಾದಿ.. ಜನಸಾಮಾನ್ಯರು ಮಾಡುವ ಹೂಡಿಕೆ ತಪ್ಪುಗಳಿವು

ಭಾರತದಲ್ಲಿ ಹೂಡಿಕೆಗೆ ಹಣ ತೊಡಗಿಸುವವರ ಸಂಖ್ಯೆ ಕಡಿಮೆ. ತೊಡಗಿಸಿದರೂ ದೀರ್ಘಾವಧಿ ಹೂಡಿಕೆಯನ್ನು (ದೀರ್ಘಾವಧಿಯ ಹೂಡಿಕೆ) ಹೊಂದಿರುವವರು ಇನ್ನೂ ಕಡಿಮೆ. ಆದಾಗ್ಯೂ, ದೀರ್ಘಾವಧಿ ಹೂಡಿಕೆಯಲ್ಲಿ ಕಡಿಮೆ ತಪ್ಪುಗಳನ್ನು ಎಸಗುವವರ ಸಂಖ್ಯೆ ಮತ್ತು ಕಡಿಮೆ ಎಂದು ತಜ್ಞರು ಹೇಳುತ್ತಾರೆ. ದೀರ್ಘಾವಧಿ ಹೂಡಿಕೆಯಲ್ಲಿ ಜನರು ಬಹಳ ಸಾಮಾನ್ಯವಾಗಿ ಮಾಡುವ ಕೆಲವು ತಪ್ಪುಗಳಿವೆ. ಸೋಷಿಯಲ್ ಮೀಡಿಯಾದಲ್ಲಿ ಆಯಕ್ಟಿವ್ ಆಗಿರುವ ಚಾರ್ಟರ್ ಅಕೌಂಟ್ ವೃತ್ತಿಪರರಾದ ನಿತಿನ್ ಕೌಶಿಕ್ ಅವರು ಎಕ್ಸ್‌ನಲ್ಲಿ ಈ ವಿಚಾರದ ಬಗ್ಗೆ ಒಂದು ಪೋಸ್ಟ್ ಹಾಕಿದ್ದಾರೆ. ಹೂಡಿಕೆದಾರರು ಮಾಡುವ ಕೆಲವು ಸುಲಭ ತಪ್ಪುಗಳನ್ನು ಎತ್ತಿ ತೋರಿಸಿದ್ದಾರೆ.

ಮಾರುಕಟ್ಟೆ ಕುಸಿಯದಂತೆಯೇ ಮಾರಿಬಿಡುವ ಪ್ರವೃತ್ತಿ

ಕಳೆದ ಒಂದು ಷೇರು ಮಾರುಕಟ್ಟೆ ಹಿನ್ನಡೆಯಲ್ಲಿದೆ. ಬಹಳ ಜನರು ವ್ಯಾಕುಲಗೊಂಡು ಷೇರುಗಳನ್ನು ಮಾರುತ್ತಿರುವುದುಂಟು. ನಿತಿನ್ ಕೌಶಿಕ್ ಅವರು ಈ ಪ್ರವೃತ್ತಿಯನ್ನು ಎತ್ತಿತೋರಿಸಿ, ಬೇಡ ವಾತಾವರಣ.

ಮಾರುಕಟ್ಟೆ ಟ್ರೆಂಡ್ ಬೆನ್ನತ್ತುವ ಪ್ರವೃತ್ತಿ

ಈಗ ಇವಿ, ಐ ಇತ್ಯಾದಿ ಥೀಮ್ಗಳು ಟ್ರೆಂಡಿಂಗ್ನಲ್ಲಿವೆ. ಕೃತಕ ಬುದ್ಧಿಮತ್ತೆ ಕ್ಷೇತ್ರ ಸಿಕ್ಕಾಪಟ್ಟೆ ಉಬ್ಬುತ್ತಿದೆ. ಬಹಳ ಜನರು ತಮ್ಮ ಹೂಡಿಕೆಗಳನ್ನು ಎಐ, ಇವಿ ಸ್ಟಾಕ್ಗಳನ್ನು ಬದಲಾಯಿಸುತ್ತಿದ್ದಾರೆ. ಆದರೆ, ಮಾರುಕಟ್ಟೆ ಉಬ್ಬಿದಾಗ ಖರೀದಿಸುವುದು, ಕುಗ್ಗಿದಾಗ ಮಾರುವುದು ಈ ಪ್ರವೃತ್ತಿಯು ದೀರ್ಘಾವಧಿ ಹೂಡಿಕೆಗೆ ಸರಿ ಹೊಂದುವುದಿಲ್ಲ ಎಂಬುದು ನಿತಿನ್ ಕೌಶಿಕ್ ಅವರ ಅನಿಸಿಕೆ.

ಇದನ್ನೂ ಓದಿ: ಬದುಕು ನಿರ್ವಹಿಸುವಷ್ಟು ಮಾಸಿಕ ಆದಾಯ ಸೃಷ್ಟಿಸುವುದು ಹೇಗೆ? ಬೆಲೆ ಏರಿಕೆ ಇತ್ಯಾದಿ ಅಂಶಗಳನ್ನು ಮರೆಯದಿರಿ; ಇಲ್ಲಿದೆ ಟಿಪ್ಸ್

ಎಮರ್ಜೆನ್ಸಿ ಫಂಡ್ ಹೊಂದಿಲ್ಲ

ದೀರ್ಘಾವಧಿ ಹೂಡಿಕೆದಾರರು ಮಾಡುವ ಮತ್ತೊಂದು ಸಾಮಾನ್ಯ ತಪ್ಪೆಂದರೆ ಎಮರ್ಜೆನ್ಸಿ ಫಂಡ್ ಇಲ್ಲ. ಆರು ತಿಂಗಳಿನಿಂದ ಒಂದು ವರ್ಷದವರೆಗೆ ಉದ್ಯೋಗ ನಷ್ಟ, ವೈದ್ಯಕೀಯ ತುರ್ತು ಅಥವಾ ಅನಿರೀಕ್ಷಿತ ವೆಚ್ಚಗಳನ್ನು ಭರಿಸಲು ತುರ್ತು ನಿಧಿ ಇಟ್ಟುಕೊಳ್ಳುವುದು ಬಹಳ ಮುಖ್ಯ. ಇಲ್ಲದಿದ್ದರೆ ದೀರ್ಘಾವಧಿ ಹೂಡಿಕೆಯಲ್ಲಿ ಇರಿಸಿರುವ ಹಣವನ್ನು ಖರ್ಚು.

ಎಕ್ಸ್ ಪೆನ್ಸ್ ರೇಶಿಯೋ ಹೆಚ್ಚಿರುವ ಫಂಡ್‌ಗಳಲ್ಲಿ ಹೂಡಿಕೆ…

ಮ್ಯೂಚುವಲ್ ಫಂಡ್‌ಗಳನ್ನು ಆಯ್ಕೆಮಾಡುವಾಗ ಹೆಚ್ಚಿನ ಜನರು ಎಕ್ಸ್‌ಪೆನ್ಸ್ ರೇಶಿಯೋ ಕಡೆಗೆ ಗಮನ ಕೊಡುವುದಿಲ್ಲ. ಗಮನಿಸಿದರೂ ಅದನ್ನು ನಿರ್ಲಕ್ಷಿಸುತ್ತಾರೆ. ಶೇ. 2 ಅಥವಾ 1.5 ಎಕ್ಸ್ ಪೆನ್ಸ್ ರೇಶಿಯೋ ಮೇಲ್ನೋಟಕ್ಕೆ ದೊಡ್ಡದೆನಿಸುವುದಿಲ್ಲ. ಆದರೆ, ದೀರ್ಘಾವಧಿಯಲ್ಲಿ ಅದು ತುಂಬಾ ಲಾಭವನ್ನು ತಿಂದುಹಾಕಬಹುದು. ಕೌಶಿಕ್ ಪ್ರಕಾರ ಅಷ್ಟು ಹೆಚ್ಚಿನ ಎಕ್ಸ್‌ಪೆನ್ಸ್ ರೇಶಿಯೋ ಇದ್ದರೆ ಅಂತಿಮ ರಿಟರ್ನ್ಸ್‌ನಲ್ಲಿ ಶೇ. 30ಕ್ಕಿಂತ ಹೆಚ್ಚಿನ ಪಾಲು ನಷ್ಟವಾಗಬಹುದು.

ಇದನ್ನೂ ಓದಿ: ಕ್ಯಾಷ್ ಪೆಮೆಂಟ್ ಹಿಡಿದು ವಿತ್ತರಾಯಲ್ ವರೆಗೆ, ಆದಾಯ ತೆರಿಗೆ ಇಲಾಖೆಯಿಂದ ತಪ್ಪಿಸಿಕೊಳ್ಳಲಾಗದ 16 ಹಣಕಾಸು ವಹಿವಾಟುಗಳು…

ಮಾರುಕಟ್ಟೆ ಬಿದ್ದಾಗ ಹೂಡಿಕೆ ಮಾಡುತ್ತೇನೆ ಎನ್ನುವ ಭ್ರಮೆ

ಮಾರುಕಟ್ಟೆಯಲ್ಲಿ ಕುಸಿದಾಗ ಹೂಡಿಕೆ ಮಾಡುತ್ತೇನೆ ಎಂದು ಹಣ ಇಟ್ಟುಕೊಂಡಿರುವವರು ಬಹಳ ಇದ್ದಾರೆ. ಆದರೆ, ಇದು ಬಹಳ ದೊಡ್ಡ ತಪ್ಪು ಎನ್ನುತ್ತಾರೆ ಸಿಎ ನಿತಿನ್ ಕೌಶಿಕ್. ಮಾರುಕಟ್ಟೆ ಯಾವ ಕುಸಿಯುತ್ತದೆ, ಯಾವಾಗ ಗರಿಷ್ಠ ಮಟ್ಟಕ್ಕೆ ಹೋಗುತ್ತದೆ ಎಂದು ಯಾರೂ ಗುರುತಿಸಲು ಆಗುವುದಿಲ್ಲ. ದೀರ್ಘಾವಧಿ ಹೂಡಿಕೆಯಲ್ಲಿ ಯಾರೂ ಕೂಡ ಮಾರುಕಟ್ಟೆಯನ್ನು ಸಮಯ ಮಾಡಲು ಯತ್ನಿಸಬಾರದು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ರಂದು ಪ್ರಕಟಿಸಲಾಗಿದೆ – 2:48 pm, ಮಂಗಳವಾರ, 3 ಮಾರ್ಚ್ 26