ಐಪಿಎಫ್ ನಿಯಮಗಳು ಅಪ್ಡೇಟ್ ಆದರೂ ಬಹಳಷ್ಟು ಜನರು ಹಳೆಯ ನಿಯಮಗಳ ತಿಳಿವಳಿಕೆಯನ್ನೇ ಮುಂದುವರಿಸಿದ್ದಾರೆ. ಐಪಿಎಫ್ ಅಕೌಂಟ್ (ಇಪಿಎಫ್ ಖಾತೆ) ಸಕ್ರಿಯವಾಗಿಲ್ಲದಿದ್ದರೆ ಮೂರು ವರ್ಷದ ನಂತರ ಆ ಹಣಕ್ಕೆ ಬಡ್ಡಿ ಬರೋದು ನಿಂತು ಹೋಗುತ್ತೆ ಎಂದು ಕೆಲ ತಜ್ಞರು ಹೇಳುವುದುಂಟು. ಕೆಲವು ವರ್ಷಗಳ ಹಿಂದೆ ಈ ನಿಯಮ ಇದ್ದದ್ದು ಹೌದು. ಈಗ ಅದು ಬದಲಾಗಿದೆ. ಐಪಿಎಫ್ ಸದಸ್ಯ ನಿವೃತ್ತಿ ವಯಸ್ಸು ಬರುವವರೆಗೂ, ಆತನ ವಯಸ್ಸು 58 ವರ್ಷ ಆಗುವವರೆಗೂ ಆತನ ಐಪಿಎಫ್ ಖಾತೆಯಲ್ಲಿ ಎಷ್ಟು ಹಣ ಇರಲಿ ಅದಕ್ಕೆ ಸರ್ಕಾರದಿಂದ ಬಡ್ಡಿ ಸಂದಾಯ ಆಗುತ್ತಲೇ ಇರುತ್ತದೆ.
ಐಪಿಎಫ್ ಅಕೌಂಟ್ ಆ್ಯಕ್ಟಿವ್ ಇಲ್ಲದಿದ್ದರೆ?
ಐಪಿಎಫ್ ಸದಸ್ಯ ಕೆಲಸ ಬಿಟ್ಟು ಬೇರೆ ಕೆಲಸಕ್ಕೆ ಸೇರಿದೆ ಹೊಸ ಐಪಿಎಫ್ ಅಕೌಂಟ್ ತೆರೆಯುತ್ತದೆ. ಹಿಂದಿನ ಐಪಿಎಫ್ ಅಕೌಂಟ್ಗೆ ಕಂಪನಿಯು ಪ್ರತೀ ತಿಂಗಳು ಹಣ ಸಂದಾಯವಾಗುವುದು ನಿಂತು ಹೋಗುತ್ತದೆ. ಈ ಹಳೆಯ ಪಿಎಫ್ ಅಕೌಂಟ್ ಆಯಕ್ಟಿವ್ ಇರೋದಿಲ್ಲ. ಹೀಗೆ ಒಂದು ಅಕೌಂಟ್ 3 ವರ್ಷಗಳ ಕಾಲ ಆಯಕ್ಟಿವ್ ಇಲ್ಲದಿದ್ದರೆ, ಅಂದರೆ, ಆ ಅಕೌಂಟ್ಗೆ ಯಾವುದೇ ಕೊಡುಗೆ ಬರುವುದು ನಿಲ್ಲುವುದಿಲ್ಲ, ಹಳೆಯ ನಿಯಮದ ಪ್ರಕಾರ ಬಡ್ಡಿಯೂ ನಿಲ್ಲುತ್ತದೆ. ಆದರೆ, ಹೊಸ ನಿಯಮದ ಪ್ರಕಾರ, ಖಾತೆಗೂ ಬಡ್ಡಿ ಬರುವುದು ಮುಂದುವರಿಯುತ್ತದೆ.
ಇದನ್ನೂ ಓದಿ: ಪಿಎಫ್ ಹಣಕ್ಕೆ ಟ್ಯಾಕ್ಸ್ ಅನ್ವಯವಾಗುತ್ತಾ? ವಿತ್ತ್ರಾ ಮಾಡಿದ ಟ್ಯಾಕ್ಸ್ ಎಷ್ಟು? ನೀವು ತಿಳಿದಿರಬೇಕಾದ ಸಂಗತಿಗಳು…
ಪಿಎಫ್ ಖಾತೆ ವಿಲೀನ ಮಾಡಲೇಬೇಕಾ?
ಜನರಲ್ಲಿ ಇನ್ನೂ ಒಂದು ತಪ್ಪು ತಿಳಿವಳಿಕೆ ಇದೆ. ಕಂಪನಿಯನ್ನು ಬದಲಿಸಿದಾಗ ಹಳೆಯ ಪಿಎಫ್ ಖಾತೆಯನ್ನು ಹೊಸ ಖಾತೆಗೆ ವಿಲೀನ ಮಾಡದಿದ್ದರೆ, ಅಂದರೆ ಹಳೆಯ ಪಿಎಫ್ ಖಾತೆಯಿಂದ ಹಣವನ್ನು ಹೊಸ ಖಾತೆಗೆ ವರ್ಗಾಯಿಸಿದರೆ ಆಗ ಹಳೆಯ ಖಾತೆಯಲ್ಲಿನ ಹಣಕ್ಕೆ ಬಡ್ಡಿ ಸಿಗೋದಿಲ್ಲ ಎಂದು ಹೇಳಿದರು. ಆದರೆ, ಇದು ನಿಜ ಅಲ್ಲ. ಹಿಂದಿನ ಪ್ಯಾರಾದಲ್ಲಿ ತಿಳಿಸಿದಂತೆ, ಹಳೆಯ ಪಿಎಫ್ ಖಾತೆಯಲ್ಲಿರುವ ಹಣಕ್ಕೆ ವರ್ಷಂಪ್ರತಿ ಸರ್ಕಾರದಿಂದ ಬಡ್ಡಿ ಸಂದಾಯ ನಿಲ್ಲುವುದಿಲ್ಲ.
ಒಬ್ಬ ವ್ಯಕ್ತಿಯ ಬಳಿ ಎಷ್ಟು ಪಿಎಫ್ ಖಾತೆ ಇರಲಿ, ಎಲ್ಲದಕ್ಕೂ ಬಡ್ಡಿ ಸಂದಾಯ ಆಗುತ್ತಲೇ ಇರುತ್ತದೆ. ಪಿಎಫ್ಗಳನ್ನು ವಿಲೀನ ಮಾಡಿದರೆ ಖಾತೆ ಖಾತೆ ನಿರ್ವಹಣೆ ಸುಲಭವಾಗುತ್ತದೆ ಎಂಬುದು ಬಿಟ್ಟರೆ ಅದು ಕಡ್ಡಾಯವಾಗಲೀ, ಅತ್ಯಗತ್ಯವಾಗಲೀ ಅಲ್ಲ.
ಇದನ್ನೂ ಓದಿ: ಈ ಬಾರಿ ಬಹಳ ಜನರಿಗೆ ಸಿಕ್ಕಿಲ್ಲ ಇನ್ಕಮ್ ಟ್ಯಾಕ್ಸ್ ರೀಫಂಡ್; ಏನು ಕಾರಣ?
58 ವರ್ಷದ ನಂತರ ಬಡ್ಡಿ ಸಂದಾಯ ನಿಲ್ಲುತ್ತದೆ…
ಐಪಿಎಫ್ ಒ ನಿಯಮದ ಪ್ರಕಾರ 58 ವರ್ಷ ವಯಸ್ಸನ್ನು ರಿಟೈರ್ಮೆಂಟ್ ಏಜ್ ಎಂದು ನಡೆಸಲಾಗಿದೆ. ಪಿಎಫ್ ಸದಸ್ಯರ ವಯಸ್ಸು 58 ವರ್ಷ ಮುಟ್ಟಿದಾಗ ಮಾತ್ರ ಅವರ ಖಾತೆಯ ಅವಧಿ ಮುಗಿದಿದೆ. ಅವರ ಐಪಿಎಫ್ ಖಾತೆಗಳಿಗೆ ಬಡ್ಡಿ ಬರುವುದು ನಿಲ್ಲುತ್ತದೆ. ಇವರ ಐಪಿಎಫ್ ಹಣದಲ್ಲಿ ಸ್ವಲ್ಪ ಭಾಗವು ಐಪಿಎಸ್ಗೆ ಹೋಗಿರುತ್ತದೆ. ಅದನ್ನು ಬಿಟ್ಟು ಉಳಿದ ಹಣವನ್ನು ಪೂರ್ಣವಾಗಿ ವಿತ್ತ್ರಾ ಮಾಡಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
