ನವದೆಹಲಿ, ಅಕ್ಟೋಬರ್ 27: ಅದು ಅಕ್ಟೋಬರ್ 6. ಬೆಳಗಿನ ಜಾವ 3 ಗಂಟೆಯ ಸುಮಾರಿಗೆ ದೆಹಲಿಯ (ದೆಹಲಿ) ಗಾಂಧಿ ವಿಹಾರ್ನ ನಾಲ್ಕನೇ ಮಹಡಿಯ ರೂಂ ಒಂದರಲ್ಲಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ಪೊಲೀಸರಿಗೆ ಕರೆ ಬಂದಿತ್ತು. ಆಕಸ್ಮಿಕವಾಗಿ ಬೆಂಕಿ (ಬೆಂಕಿ ಅವಘಡ) ಹೊತ್ತಿರಬಹುದು, ಶಾರ್ಟ್ ಆಗಿರಬಹುದು ಎಂದು ಅಲ್ಲಿಗೆ ಹೋಗಿ ನೋಡಿದಾಗ ಪೂರ್ತಿಯಾಗಿ ಸುಟ್ಟುಹೋಗಿದ್ದ ವ್ಯಕ್ತಿಯ ದೇಹದ ಅವಶೇಷಗಳು ಸಿಕ್ಕಿದ್ದವು. ಬೆಂಕಿಯನ್ನು ನಂದಿಸಿದ ನಂತರ ದೇಹದ ಭಾಗವು ಬಾಚಿಕೊಂಡು ಚೀಲದಲ್ಲಿ ತುಂಬಿಕೊಂಡು ತರಲಾಗುತ್ತದೆ ಎಂದರೆ ಬೆಂಕಿಯ ತೀವ್ರತೆಯನ್ನು ನೀವೇ ಸೇವಿಸಿ!
ಆ ಶವ ಯಾರದ್ದು ಪತ್ತೆ ಮಾಡಲೂ ಸಾಧ್ಯವಾಗದ ಸ್ಥಿತಿಯಲ್ಲಿತ್ತು. ಕೊನೆಗೆ ಆ ರೂಂ ಯಾರದ್ದು ಎಂದು ತನಿಖೆ ನಡೆಸಿದ ಪೊಲೀಸರಿಗೆ ಆ ದೇಹ ಯುಪಿಎಸ್ ಸಿ ಆಕಾಂಕ್ಷಿ ಯುವಕನದ್ದು ಎಂದು ಗೊತ್ತಾಗಿತ್ತು. ಮರಣೋತ್ತರ ಪರೀಕ್ಷೆ ಮತ್ತು ವಿಧಿವಿಜ್ಞಾನಿ ನಡೆಸಿ, ಕೇಸ್ ದಾಖಲಿಸಲಾಗಿದೆ. ಅದೊಂದು ಆಕಸ್ಮಿಕ ಬೆಂಕಿ ಅವಘಡ ಎಂದು ಭಾವಿಸಿದ್ದರು. ಆದರೆ, ಆ ಮೃತನ ಅಣ್ಣ ಪೊಲೀಸ್ ಠಾಣೆಗೆ ಬಂದು ಅದು ಕೊಲೆ ಎಂಬ ಅನುಮಾನ ವ್ಯಕ್ತಪಡಿಸಿದ್ದರು. ಸಿಸಿಟಿವಿ ಪರಿಶೀಲಿಸಿದಾಗ ಆ ರೂಂಗೆ ಬೆಂಕಿ ತಗುಲುವ ಮುನ್ನ ಇಬ್ಬರು ಆ ರೂಂನೊಳಗೆ ಹೋಗಿ ಬಂದಿದ್ದು ಪತ್ತೆಯಾಯಿತು.
ಇದನ್ನೂ ಓದಿ: ಯುವಕನಿಗಾಗಿ ಇಬ್ಬರು ವಿವಾಹಿತ ಮಹಿಳೆಯರ ಜಗಳ; ನಂತರ ಆಗಿದ್ದೇನು?
ಈ ಬಗ್ಗೆ ತನಿಖೆ ನಡೆಸಿದ ಪೊಲೀಸರಿಗೆ ಅಂದು ರೂಂಗೆ ಹೋಗಿದ್ದು, 21 ವರ್ಷದ ಪ್ರೇಯಸಿ ಮತ್ತು ಆಕೆಯ ಮಾಜಿ ಪ್ರಿಯಕರ ಎಂಬುದು ತಿಳಿಯಿತು. ಇದರಿಂದ ಪೊಲೀಸರಿಗೆ ಅದು ಅಸಹಜ ಸಾವು ಎಂಬ ಅನುಮಾನ ಬಲವಾಯಿತು. ಇಬ್ಬರನ್ನೂ ವಿಚಾರಣೆ ನಡೆಸಿದಾಗ ಅವರೇ ಆ ಯುವಕನಿಗೆ ಬೆಂಕಿ ಹಚ್ಚಿ ಕೊಲೆ ಮಾಡಿದ್ದಾಗಿ ಒಪ್ಪಿಕೊಂಡರು. ಹಾಗಂತ ಅವರು ಸುಮ್ಮನೆ ಬೆಂಕಿ ಹಚ್ಚಿರಲಿಲ್ಲ. ತುಪ್ಪ, ಆಲ್ಕೋಹಾಲ್ ಎಲ್ಲವನ್ನೂ ಸೇರಿಸಿ ಬೆಂಕಿ ಹೊತ್ತಿಸಿ ಉರಿಯುವಂತೆ ಕಾಕ್ಟೇಲ್ ರೀತಿ ತಯಾರಿಸಿದ ಅವರು ಆ ದ್ರಾವಣವನ್ನು ಆತನ ಮೇಲೆ ಸುರಿದು ಬೆಂಕಿ ಹಚ್ಚಿದ್ದರು.
ಕೊಲೆಗೆ ಕಾರಣವೇನು?:
ಆರೋಪಿಯಾದ ವಿಧಿ ವಿಜ್ಞಾನ ವಿದ್ಯಾರ್ಥಿನಿ 21 ವರ್ಷದ ಯುವತಿ ಅದು ಸಹಜ ಸಾವು ಎಂದು ಪ್ಲಾನ್ ಮಾಡಿದ್ದಳು. ತನಿಖಾಧಿಕಾರಿಗಳನ್ನು ತಪ್ಪಿಸಲು ದಾರಿ ತುಪ್ಪ ಮತ್ತು ವೈನ್ ಅನ್ನು ಬಳಸಿ ಆ ಜಾಗವನ್ನು ಸುತ್ತು ಹಾಕಿದಳು. ಇದರಿಂದ ಸಾಕ್ಷ್ಯ ನಾಶವಾಗಿದೆ ಎಂದುಕೊಂಡಿದ್ದಾಳೆ. ಕೊಲೆಯಾದ ಯುವಕ ಆಕೆಯೊಂದಿಗೆ ಮೇ ತಿಂಗಳಿಂದ ಲಿವ್ ಇನ್ ರಿಲೇಶನ್ ಶಿಪ್ ನಲ್ಲಿದೆ. ಆದರೆ, ಆಕೆಯ ಅಶ್ಲೀಲ ವಿಡಿಯೋ ತೆಗೆದಿಟ್ಟುಕೊಂಡಿದ್ದ. ಅದನ್ನು ಡಿಲೀಟ್ ಮಾಡಲು ಆಕೆ ಮನವಿ ಮಾಡಿದರೂ ಒಪ್ಪಲಿಲ್ಲ. ಇದರಿಂದ ಆತನ ಮೇಲೆ ಸೇಡು ತೀರಿಸಿಕೊಳ್ಳಲು ಆಕೆ ತನ್ನ ಮಾಜಿ ಪ್ರಿಯಕರನ ಸಹಾಯ ಪಡೆದಿದ್ದಳು.
ವಿಧಿ ವಿಜ್ಞಾನದ ಕೆಲಸ ಮಾಡುವುದರಿಂದ ಆಕೆ ಸಾಕ್ಷ್ಯ ನಾಶ ಮಾಡಲು ಸೂಕ್ತ ಮಾರ್ಗ ಹುಡುಕಿದಳು. ತುಪ್ಪ, ವೈನ್ ಎಲ್ಲ ಸೇರಿಸಿ ಬೆಂಕಿ ಹೊತ್ತಿಕೊಳ್ಳುವ ಕಾಕ್ಟೇಲ್ ತಯಾರಿಸಿದಳು. ಈ ಮೂಲಕ ಆ ಕೊಲೆಯನ್ನು ಆಕಸ್ಮಿಕ ಬೆಂಕಿ ಅವಘಡದಂತೆ ಕಾಣುವಂತೆ ಅವಳು ಪ್ಲಾನ್ ಮಾಡಿದ್ದಳು.
ಇದನ್ನೂ ಓದಿ: ಎಣ್ಣೆ ಕೊಡಿಸದ್ದಕ್ಕೆ ಕಿರಿಕ್: ಮಾರಮ್ಮ ದೇಗುಲದ ಬಳಿಯೇ ಮಾರಾಮಾರಿ; ಲಾಂಗ್ನಿಂದ ದಾಳಿ
ಅಕ್ಟೋಬರ್ 5 ರ ರಾತ್ರಿ ಆಕೆ ತನ್ನ ಮಾಜಿ ಪ್ರಿಯಕರನ ಜೊತೆ ತನ್ನ ಪ್ರಿಯಕರನ ಫ್ಲಾಟ್ಗೆ ಹೋದಳು. ಅಲ್ಲಿ ಅವರಿಬ್ಬರು ಆತನ ಕತ್ತು ಹಿಸುಕಿ ಕೊಂದರು. ನಂತರ ತುಪ್ಪ ಮತ್ತು ವೈನ್ ಆತನ ದೇಹದ ಮೇಲೆ ಸುರಿದರು. ತನಿಖಾಧಿಕಾರಿಗಳನ್ನು ದಾರಿ ತಪ್ಪಿಸುವುದು ಹೇಗೆಂದು ಅವಳಿಗೆ ತಿಳಿದಿತ್ತು. ಸಾಕ್ಷ್ಯವನ್ನು ನಾಶಮಾಡಲು ಬೆಂಕಿ ಹೊತ್ತಿದ್ದಳು. ಆ ದೇಹದ ಮೈಗೆ ತುಪ್ಪ ಸುರಿದು, ಬೆಂಕಿ ಹಚ್ಚಿ, ಆತನ ತಲೆಯ ಬಳಿಯೇ ಗ್ಯಾಸ್ ಸಿಲಿಂಡರ್ ಓಪನ್ ಮಾಡಿ, ಅಶ್ಲೀಲ ವಿಡಿಯೋವಿದ್ದ ಮೊಬೈಲ್ ಹಾಗೂ ಡಿಸ್ಕ್ ಎತ್ತಿಕೊಂಡು ಹೋಗಿದ್ದರು. ಅವರು ಅತ್ತ ಹೋಗಿದ್ದರಿಂದ ಬೆಂಕಿ ಪೂರ್ತಿಯಾಗಿ ಹರಡಿ, ಲಿಂಡರ್ ಸ್ಫೋಟವಾಗಿತ್ತು. ಆದರೆ, ಸಿಸಿಟಿವಿ ವಿಡಿಯೋದಿಂದ ಪೊಲೀಸರಿಗೆ ಅವರ ಮೇಲೆ ಅನುಮಾನ ಬಂದಿತ್ತು. ಇದರಿಂದ ಅವರು ಮಾಡಿದ ಕೊಲೆ ಬಯಲಾಗಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
