ವಿಐಗೆ ಸರ್ಕಾರದಿಂದ ನೆರವಿನ ಹಸ್ತ?; ಎಜಿಆರ್ ಬಾಕಿ ಪಾವತಿಯಲ್ಲಿ ಹಲವು ರಿಯಾಯಿತಿ?

ಜುಲೈ, ಡಿಸೆಂಬರ್ 15: ಎಜಿಆರ್ ಬಾಕಿ ಕಟ್ಟದೆ, ಹಾಗೂ ಹೊಸ ಬಂಡವಾಳ ಪಡೆಯಲಾಗದೆ ಪರದಾಡುತ್ತಿರುವ ವೊಡಾಫೋನ್ ಐಡಿಯಾ ಸಂಸ್ಥೆಗೆ (ವೊಡಾಫೋನ್ ಐಡಿಯಾ) ಸರ್ಕಾರ ನೆರವಿನ ಹಸ್ತ ಚಾಚಿದೆ ಎಂಬಂತಹ ಸುದ್ದಿ ಇದೆ. ಎಕನಾಮಿಕ್ಸ್ ಟೈಮ್ಸ್ ಪತ್ರಿಕೆಯಲ್ಲಿ ಬಂದಿರುವ ವರದಿ ಪ್ರಕಾರ ವಿಐ ಸಂಸ್ಥೆ ಟೆಲಿಕಾಂ ಇಲಾಖೆಗೆ 83,000 ಕೋಟಿ ರೂ ಎಜಿಆರ್ ಬಾಕಿ ಹಣವನ್ನು ಪಾವತಿಸಲು 4-5 ವರ್ಷ ವಿನಾಯಿತಿ ನೀಡಲಾಗುತ್ತದೆ. ಈ ವಿನಾಯಿತಿ ಅವಧಿ ಅಥವಾ ಮೊರಾಟರೋರಿಯಂ ಅವಧಿಯ ಬಾಕಿ ಹಣದ ಮೇಲೆ ಯಾವುದೇ ಬಡ್ಡಿ ಸೇರ್ಪಡೆಯಾಗುವುದಿಲ್ಲ.

ಅಷ್ಟೇ ಅಲ್ಲ, ಈ ಅವಧಿ ಮುಗಿದ ಬಳಿಕ ಆರು ಕಂತುಗಳಲ್ಲಿ ಹಣ ಪಾವತಿಸಲು ವೊಡಾಫೋನ್ ಐಡಿಯಾಗೆ ಅವಕಾಶ ನೀಡಬಹುದು. ಅದಕ್ಕಿಂತ ಹೆಚ್ಚಾಗಿ, ಎಜಿಆರ್ ಬಾಕಿ ಹಣದಲ್ಲಿ ಅರ್ಧದಷ್ಟನ್ನು ಮನ್ನಾ ಮಾಡುವ ಸಾಧ್ಯತೆಯಿದೆ. ಸಂಸ್ಥೆಯ ಋಣಭಾರಗಳನ್ನು ಪರಿಗಣಿಸಿ ಎಜಿಆರ್ ಹೊರೆಯನ್ನು ತಗ್ಗಿಸಬಹುದು.

ಇದನ್ನೂ ಓದಿ: ಮೊಬೈಲ್, ಬೈಕ್, ಕಾರ್, ಟಿವಿ, ಫ್ರಿಡ್ಜ್ ಮಾಲಕತ್ವದಲ್ಲಿ ಬಡವರು ಮತ್ತು ಶ್ರೀಮಂತರ ನಡುವೆ ತಗ್ಗುತ್ತಿದೆಯಾ?

ಏನಿದು ಎಜಿಆರ್?

ಎಜಿಆರ್ ಎಂದರೆ ಅಡ್ಜಸ್ಟೆಡ್ ಗ್ರಾಸ್ ರೆವಿನ್ಯೂ. ಸ್ಪೆಕ್ಟ್ರಂ ಇತ್ಯಾದಿ ಬಳಸುವ ಟೆಲಿಕಾಂ ಕಂಪನಿಗಳು ತಮ್ಮ ಸಮಗ್ರ ಆದಾಯದಲ್ಲಿ ಒಂದಷ್ಟು ಪಾಲನ್ನು ಸರ್ಕಾರಕ್ಕೆ ನೀಡಲಾಗಿದೆ. ಅದೇ ಎಜಿಆರ್. ಭಾರ್ತಿ ಏರ್ಟೆಲ್ ಮತ್ತು ವೊಡಾಫೋನ್ ಐಡಿಯಾ ಸಂಸ್ಥೆಗಳು ಭಾರೀ ಮೊತ್ತದ ಎಜಿಆರ್ ಬಾಕಿ ಉಳಿಸಿಕೊಂಡಿವೆ.

ಎಜಿಆರ್ ಬಾಕಿ ತೀರಿಸುವಷ್ಟು ಹಣಕಾಸು ಸಾಮರ್ಥ್ಯ ಮತ್ತು ಆದಾಯ ತನ್ನಲ್ಲಿ ಇಲ್ಲ. ಮಧ್ಯಪ್ರವೇಶಿಸದಿದ್ದರೆ ಬಾಗಿಲು ಮುಚ್ಚಿದೆ ಎಂದು ವೊಡಾಫೋನ್ ಐಡಿಯಾ ಸಂಸ್ಥೆ ಹಿಂದಿನಿಂದಲೂ ಹೇಳುತ್ತಾ ಬಂದಿದೆ. ಈಗ ಸರ್ಕಾರವೇನಾದರೂ ನೆರವಿನ ಹಸ್ತ ಚಾಚಿದರೆ ವಿವಿಗೆ ಮರುಜೀವ ಸಿಕ್ಕಂತಾಗುತ್ತದೆ. ಇವೆಲ್ಲವೂ ಕೂಡ ಕಾರ್ಯದರ್ಶಿ ಮಟ್ಟದ ಅಧಿಕಾರಿ ನೇತೃತ್ವದ ಸಮಿತಿಯೊಂದರ ಪರಾಮರ್ಶೆ ಮತ್ತು ತೀರ್ಮಾನದ ಮೇಲೆ ನಿಂತಿದೆ. ಎಜಿಆರ್ ಬಾಕಿ ಬರಬೇಕಿರುವ ವಿಚಾರವಾಗಿ ದೂರ ಸಂಪರ್ಕ ಇಲಾಖೆ ಮತ್ತು ವೊಡಾಫೋನ್ ಐಡಿಯಾ ಸಂಸ್ಥೆ ಸಲ್ಲಿಸುವ ಅಭಿಪ್ರಾಯಗಳು ಅಥವಾ ವಾದಗಳನ್ನು ಪರಾಮರ್ಶಿಸಿ ಸಮಿತಿಯು ಒಂದು ತೀರ್ಮಾನ ಕೈಗೊಳ್ಳಲಿದೆ.

ಇದನ್ನೂ ಓದಿ: ಇಂಡಿಗೋ ಕುಸಿಯಲು ಏನು ಕಾರಣ? ಎರಡು ಸಂಸ್ಥಾಪಕರ ನಡುವಿನ ಭಿನ್ನಾಭಿಪ್ರಾಯವೇ ಏರ್‌ಲೈನ್ಸ್‌ಗೆ ಮುಳುವಾಯಿತಾ?

ಇಂಥದ್ದೊಂದು ಪ್ರಸ್ತಾಪ ಸದ್ಯಕ್ಕೆ ಸರ್ಕಾರದ ಮುಂದಿದೆ. ಇದಕ್ಕೆ ಸಂಪುಟದ ಅನುಮೋದನೆ ಬಳಿಕ ಪ್ರಕ್ರಿಯೆ ಚಾಲನೆಗೆ ಬರುತ್ತದೆ. ಒಂದು ವೇಳೆ, ಸರ್ಕಾರದಿಂದ ಈ ಬಾರಿ ಯಾವುದೇ ನೆರವು ಬಾರದೇ ಹೋದರೆ, ವಿಐ ಸಂಸ್ಥೆಯು 83,000 ರೂಗಳ ಎಜಿಆರ್ ಬಾಕಿಯನ್ನು ಕಂತುಗಳಲ್ಲಿ ಕಟ್ಟಲು ಪ್ರಾರಂಭಿಸುತ್ತದೆ. 2026ರ ಮಾರ್ಚ್ ತಿಂಗಳಿನಲ್ಲಿ 18,000 ರೂಗಳ ಮೊದಲ ಕಂತಿನ ಹಣವನ್ನು ಕಟ್ಟಲಾಯಿತು.

ಸರ್ಕಾರ ಮತ್ತು ವಿಐ ಇಬ್ಬರಿಗೂ ಲಾಭ?

ವೊಡಾಫೋನ್ ಐಡಿಯಾದಲ್ಲಿ ಸರ್ಕಾರದ ಪಾಲು ಬರೋಬ್ಬರಿ ಶೇ. 48.99ರಷ್ಟಿದೆ. ಹೀಗಾಗಿ, ವಿಐ ಅನ್ನು ಉಳಿಸಿಕೊಳ್ಳಲು ಪ್ರಯತ್ನಿಸುವುದು ಸರ್ಕಾರಕ್ಕೆ ಅನಿವಾರ್ಯವಾಗಿದೆ. ಒಂದು ವೇಳೆ ವಿಐಗೆ ಐದು ವರ್ಷ ಮೊರಾಟೋರಿಯಂ ಅವಧಿಯ ಅವಕಾಶ ಕೊಟ್ಟರೆ ಹೊಸ ಬಂಡವಾಳ ಪಡೆಯಲು ಅವಕಾಶ ಸಿಗುತ್ತದೆ. ಸರ್ಕಾರ ಕೂಡ ಹೆಚ್ಚುವರಿ ಹಣವನ್ನು ಈಕ್ವಿಟಿಗಳಾಗಿ ಪರಿವರ್ತಿಸಿಕೊಳ್ಳಬಹುದು. ಇದರಿಂದ ಹಾಗೂ ವಿಐ ಇಬ್ಬರಿಗೂ ಲಾಭ ಸರ್ಕಾರ ಎಂದು ಹೇಳುತ್ತಿದ್ದಾರೆ.

ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ