ಮಂಡ್ಯ, (ಜನವರಿ 16): ಇದೇ ಜನವರಿ 21 ರಂದು ಮದುವೆ ಫಿಕ್ಸ್ ಆಗಿದೆ. ಹೀಗಾಗಿ ಮದುವೆ ಎಲ್ಲಾ ರೀತಿಯ ಸಿದ್ಧತೆಗಳು ನಡೆದಿವೆ. ಲಗ್ನ ಪತ್ರಿಕೆ ಸಹ ಫಲಿತಾಂಶಕ್ಕೆ ಹಂಚಿ ಮದುವೆಗೆ ಬರಲು ಆಹ್ವಾನ ನೀಡಲಾಯಿತು. ಆದರೆ, ಮದುವೆಗೆ ಇನ್ನೇನು ನಾಲ್ಕು ದಿನ ಇರುವಾಗಲೇ ಯುವಕ ಮಸಣ ಸೇರಿದ್ದಾನೆ. ಹೌದು.. ಅಣ್ಣನೇ (ಸಹೋದರ) ತನ್ನ ಮಕ್ಕಳೊಂದಿಗೆ ಸೇರಿ ತಮ್ಮನನ್ನು 28 ಬಾರಿ ಇರಿದು ಕೊಂದಿರುವ ಘಟನೆ ಮಂಡ್ಯದ (ಮಂಡ್ಯ) ಮಾಯಪ್ಪನಹಳ್ಳಿಯಲ್ಲಿ ನಡೆದಿದೆ. ಯೋಗೇಶ್ (30) ಕೊಲೆಯಾದ ಯುವಕ. ಸಹೋದರ ಲಿಂಗರಾಜು ಹಾಗೂ ಈತನ ಮಕ್ಕಳಾದ ಭರತ್, ದರ್ಶನ್ ಈ ಕೊಲೆ ಮಾಡಿದ್ದು, ಇದೀಗ ಆರೋಪಿಗಳು ತಲೆಮರೆಸಿಕೊಂಡಿದ್ದಾರೆ.
ಹಲವು ವರ್ಷಗಳಿಂದ ಲಿಂಗರಾಜು ಹಾಗೂ ಕೊಲೆಯಾದ ಯೋಗೇಶ್ ನಡುವೆ ಆಸ್ತಿ ಕಲಹವಿತ್ತು. ಆಸ್ತಿ ವಿಷಯಕ್ಕೆ ಆಗಾಗ ಕುಟುಂಬದಲ್ಲಿ ಜಗಳ ನಡೆಯುತ್ತಿತ್ತು. ಅದೇ ಕಾರಣಕ್ಕೆ ಯೋಗೇಶ್ ಕೊಲೆಯಾಗಿರುವ ಶಂಕೆ ವ್ಯಕ್ತವಾಗಿದೆ. ಇದೇ ಜನವರಿ 21 ರಂದು ಯೋಗೇಶ್ ಮದುವೆ ನಿಗದಿಯಾಗಿತ್ತು. ಮದುವೆ ಪತ್ರದಲ್ಲಿ ಅಣ್ಣನ ಹೆಸರನ್ನೂ ಆಹ್ವಾನಿಸಲು ಹಂಚಿದ್ದ. ದುರಾದೃಷ್ಟಶಾತ್ ಅದೇ ಅಣ್ಣನಿಂದ ಯೋಗೇಶ್ ಬರ್ಬರವಾಗಿ ಹತ್ಯೆಯಾಗಿ, ನಗು ನಗುತ್ತ ಹೊಸ ಜೀವನಬೇಕಿದ್ದ ಯೋಗೇಶ್ ಮಸಣ ಸೇರಿದೆ. ಇದರಿಂದ ಮನೆಯಲ್ಲಿ ಆಕ್ರಂದನ ಮುಗಿಲು ಮುಟ್ಟಿದೆ.
ಕರ್ನಾಟಕದ ಹೆಚ್ಚಿನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
