ಫ್ರೀಜರ್‌ ಭಾಗದಲ್ಲಿ ಬೆಟ್ಟದಂತೆ ಐಸ್ ಕಟ್ಟಿಕೊಂಡಿದೆಯೇ? ಹತ್ತೇ ನಿಮಿಷದಲ್ಲಿ ತೆಗೆಯಲು ಇಲ್ಲಿದೆ ಸಿಂಪಲ್ ಟ್ರಿಕ್

<p>Freezer defrosting tips: ಫ್ರೀಜರ್‌ನಲ್ಲಿ ಐಸ್ ಬೆಟ್ಟದಂತೆ ಜಮೆಯಾಗಿದೆಯೇ? ಕೇವಲ 10 ನಿಮಿಷಗಳಲ್ಲಿ ಅದನ್ನು ಕರಗಿಸುವ ಸರಳ ವಿಧಾನ ಮತ್ತು ಫ್ರಿಜ್ ನಿರ್ವಹಣೆಯ ಕೆಲವು ಮುಖ್ಯ ಟಿಪ್ಸ್ ಈ ಲೇಖನದಲ್ಲಿದೆ.</p><img><p>ಫ್ರೀಜರ್ ತೆರೆದ ತಕ್ಷಣ ಬೆಟ್ಟದಂತೆ ಜಮೆಯಾಗಿರುವ ಮಂಜುಗಡ್ಡೆ ಕಂಡರೆ, ನಿಮ್ಮ ಫ್ರಿಡ್ಜ್ ಸರಿಯಾದ ನಿರ್ವಹಣೆ ಮತ್ತು ಸ್ವಚ್ಛತೆಯನ್ನು ಕೇಳುತ್ತಿದೆ ಎಂದರ್ಥ. ಇದು ಪ್ರತಿಯೊಬ್ಬರ ಮನೆಯಲ್ಲೂ ಎದುರಾಗುವ ಸಾಮಾನ್ಯ ಸಮಸ್ಯೆ. ಇದನ್ನು ಸರಿಪಡಿಸಲು ಹಲವರು ಮೆಕ್ಯಾನಿಕ್‌ಗಳನ್ನು ಕರೆಸುತ್ತಾರೆ. ಆದರೆ ಈ ಕೆಳಗೆ ತಿಳಿಸಿರುವಂತೆ ಮಾಡಿದರೆ ಕೇವಲ 10 ನಿಮಿಷದಲ್ಲಿ ಮಂಜುಗಡ್ಡೆಯನ್ನು ಕರಗಿಸಬಹುದು.</p><img><p>ಇದಕ್ಕೆ ಮುಖ್ಯ ಕಾರಣ ತೇವಾಂಶ (Moisture). ನೀವು ಪದೇ ಪದೇ ಫ್ರಿಡ್ಜ್ ಬಾಗಿಲು ತೆರೆದಾಗ, ಹೊರಗಿನ ಬಿಸಿ ಮತ್ತು ತೇವಾಂಶದ ಗಾಳಿ ಒಳಗೆ ಹೋಗುತ್ತದೆ. ಈ ಗಾಳಿಯು ಫ್ರೀಜರ್‌ನ ತಣ್ಣನೆಯ ಮೇಲ್ಮೈಗೆ ತಗುಲಿದಾಗ ನೀರಿನ ಹನಿಗಳಾಗಿ ಬದಲಾಗಿ, ನಂತರ ಮಂಜುಗಡ್ಡೆಯ ಪದರವಾಗಿ ಗಟ್ಟಿಯಾಗುತ್ತದೆ.</p><img><p>ಬಾಗಿಲು ಸರಿಯಾಗಿ ಮುಚ್ಚದಿರುವುದು (ಗ್ಯಾಪ್ ಇದ್ದರೆ ಹೊರಗಿನ ಗಾಳಿ ಒಳಗೆ ಹೋಗುತ್ತದೆ).ಬಿಸಿ ಆಹಾರವನ್ನು ನೇರವಾಗಿ ಫ್ರೀಜರ್‌ನಲ್ಲಿ ಇಡುವುದು (ಇದರಿಂದ ಉಂಟಾಗುವ ಹಬೆ ಐಸ್ ಆಗಿ ಬದಲಾಗುತ್ತದೆ).ಬಾಗಿಲಿನ ರಬ್ಬರ್ (Gasket) ಹಾಳಾಗಿರುವುದು.ಡಿಫ್ರಾಸ್ಟ್ ಸಿಸ್ಟಮ್‌ನಲ್ಲಿ ತಾಂತ್ರಿಕ ದೋಷವಿರುವುದು.</p><img><p><strong>ಹಂತ 1:</strong>ಫ್ರಿಡ್ಜ್ ಆಫ್ ಮಾಡಿ ಮತ್ತು ಪ್ಲಗ್ ತೆಗೆಯಿರಿ – ಸುರಕ್ಷತೆಯ ದೃಷ್ಟಿಯಿಂದ ಇದು ಬಹಳ ಮುಖ್ಯ.<strong>ಹಂತ 2: </strong>ಫ್ರೀಜರ್ ಖಾಲಿ ಮಾಡಿ – ಸ್ವಚ್ಛತೆ ಸುಲಭವಾಗಲು ಅದರೊಳಗಿನ ಎಲ್ಲಾ ಸಾಮಾನನ್ನು ಹೊರಗೆ ತೆಗೆಯಿರಿ.<strong>ಹಂತ 3:</strong> ಬಿಸಿ ನೀರಿನ ಬಳಕೆ – ಒಂದು ಪಾತ್ರೆಯಲ್ಲಿ ಬಿಸಿ ನೀರನ್ನು ತೆಗೆದುಕೊಂಡು ಅದನ್ನು ಫ್ರೀಜರ್ ಒಳಗಡೆ ಇಡಿ. ಬಿಸಿ ಹಬೆಯಿಂದ ಮಂಜುಗಡ್ಡೆ ವೇಗವಾಗಿ ಕರಗಲು ಶುರುವಾಗುತ್ತದೆ.<strong>ಹಂತ 4: </strong>ಬಾಗಿಲು ಮುಚ್ಚಿ – ಬಿಸಿ ನೀರಿನ ಪಾತ್ರೆ ಇಟ್ಟ ನಂತರ 5 ನಿಮಿಷ ಫ್ರೀಜರ್ ಬಾಗಿಲು ಮುಚ್ಚಿಡಿ. ಇದರಿಂದ ಒಳಗೆ ಹಬೆ ತುಂಬಿಕೊಂಡು ಐಸ್ ಸಡಿಲವಾಗುತ್ತದೆ.<strong>ಹಂತ 5: </strong>ಐಸ್ ತೆಗೆಯಿರಿ – ಈಗ ಪ್ಲಾಸ್ಟಿಕ್ ಸ್ಕ್ರಾಪರ್ ಅಥವಾ ಸೌಟಿನಿಂದ ಐಸ್ ಅನ್ನು ಮೆಲ್ಲಗೆ ತೆಗೆಯಿರಿ.<strong>ನೆನಪಿಡಿ: </strong>ಐಸ್ ತೆಗೆಯಲು ಎಂದಿಗೂ ಚಾಕು ಅಥವಾ ಚೂಪಾದ ವಸ್ತುಗಳನ್ನು ಬಳಸಬೇಡಿ. ಕೊನೆಯಲ್ಲಿ ಫ್ರೀಜರ್ ಅನ್ನು ಒಣ ಬಟ್ಟೆಯಿಂದ ಒರೆಸಿ ಮತ್ತೆ ಆನ್ ಮಾಡಿ.&nbsp;</p><img><p>ಫ್ರೀಜರ್ ಬಾಗಿಲನ್ನು ಪದೇ ಪದೇ ತೆರೆಯಬೇಡಿ.ಬಿಸಿ ಆಹಾರವನ್ನು ನೇರವಾಗಿ ಒಳಗಡೆ ಇಡಬೇಡಿ, ಮೊದಲು ಅದು ತಣ್ಣಗಾಗಲಿ.ಬಾಗಿಲಿನ ರಬ್ಬರ್ ಸೀಲ್ ಅನ್ನು ಆಗಾಗ ಪರೀಕ್ಷಿಸಿ.ತಿಂಗಳಿಗೊಮ್ಮೆ ಫ್ರಿಡ್ಜ್ ಸ್ವಚ್ಛಗೊಳಿಸಿ.</p><img><p>ಐಸ್ ಹೆಚ್ಚಾದಷ್ಟೂ ಕೂಲಿಂಗ್ ಕಡಿಮೆಯಾಗುತ್ತದೆ.ಕರೆಂಟ್ ಬಿಲ್ ಜಾಸ್ತಿ ಬರುತ್ತದೆ.ಆಹಾರ ಪದಾರ್ಥಗಳು ಸರಿಯಾಗಿ ಫ್ರೀಜ್ ಆಗುವುದಿಲ್ಲ.ಫ್ರಿಡ್ಜ್‌ನ ಜೀವಿತಾವಧಿ ಕಡಿಮೆಯಾಗುತ್ತದೆ.</p><img><p>ತೀವ್ರ ಬೇಸಿಗೆಯಲ್ಲಿ ಫ್ರಿಡ್ಜ್ ಮೇಲಿನ ಒತ್ತಡ ಕಡಿಮೆ ಮಾಡಲು ಸರಿಯಾದ ತಾಪಮಾನ ಕಾಪಾಡುವುದು ಅಗತ್ಯ.ಫ್ರಿಡ್ಜ್ ಸೆಕ್ಷನ್: 3°C ನಿಂದ 5°C ನಡುವೆ ಇರುವುದು ಉತ್ತಮ.ಫ್ರೀಜರ್ ಸೆಕ್ಷನ್: -18°C ಅಥವಾ ಅದಕ್ಕಿಂತ ಕಡಿಮೆ ಇರಬೇಕು.</p>



Source link