IDFC ಫಸ್ಟ್ ಬ್ಯಾಂಕ್ ಷೇರು ಮಹಾ ಪತನ: ಕೇಂದ್ರ ಸರ್ಕಾರಕ್ಕೆ 1100 ಕೋಟಿ, ಎಲ್‌ಐಸಿಗೆ 340 ಕೋಟಿ ರೂ. ನಷ್ಟ!

<p>IDFC First Bank Share Crash: LIC and Govt Lose Crores After Fraud IDFC ಫಸ್ಟ್ ಬ್ಯಾಂಕ್‌ನಲ್ಲಿ ನಡೆದ ₹590 ಕೋಟಿ ವಂಚನೆಯಿಂದಾಗಿ ಭಾರತ ಸರ್ಕಾರ, ಎಲ್‌ಐಸಿ, ಮತ್ತು ಚಿಲ್ಲರೆ ಹೂಡಿಕೆದಾರರು ಸೇರಿದಂತೆ ಎಲ್ಲರೂ ಸಾವಿರಾರು ಕೋಟಿ ರೂಪಾಯಿ ನಷ್ಟ ಅನುಭವಿಸಿದ್ದಾರೆ.&nbsp;</p><img><p>IDFC ಫಸ್ಟ್ ಬ್ಯಾಂಕ್ ಷೇರುಗಳು ಸೋಮವಾರ ಒಂದೇ ದಿನ 20% ರಷ್ಟು ಕುಸಿದು ₹66.80 ತಲುಪಿದೆ. ಇದು ಅಕ್ಟೋಬರ್ 2025ರ ನಂತರ ದಾಖಲಾದ ಅತ್ಯಂತ ಕನಿಷ್ಠ ಮಟ್ಟವಾಗಿದೆ. ಷೇರು ಮಾರುಕಟ್ಟೆ ಆರಂಭವಾದ ಕೆಲವೇ ಕ್ಷಣಗಳಲ್ಲಿ ಮಾರಾಟದ ಒತ್ತಡ ಹೆಚ್ಚಾಗಿ ಹೂಡಿಕೆದಾರರ ಲಕ್ಷಾಂತರ ಕೋಟಿ ರೂಪಾಯಿ ಸಂಪತ್ತು ಮಣ್ಣುಪಾಲಾಗಿದೆ.</p><img><p>ಚಂಡೀಗಢದ ಒಂದು ನಿರ್ದಿಷ್ಟ ಶಾಖೆಯಲ್ಲಿ ಉದ್ಯೋಗಿಗಳು ಮತ್ತು ಹೊರಗಿನವರು ಸೇರಿ ಹರಿಯಾಣ ಸರ್ಕಾರಿ ಸಂಸ್ಥೆಗಳ ಖಾತೆಗಳಲ್ಲಿ ಅಕ್ರಮ ಎಸಗಿದ್ದಾರೆ. ಸುಮಾರು ₹590 ಕೋಟಿ ಮೊತ್ತದ ವ್ಯತ್ಯಾಸ ಕಂಡುಬಂದಿದ್ದು, ಈ ಸಂಬಂಧ ಬ್ಯಾಂಕ್ ಈಗಾಗಲೇ ನಾಲ್ವರು ಉದ್ಯೋಗಿಗಳನ್ನು ಅಮಾನತುಗೊಳಿಸಿದೆ. ಪ್ರಕರಣದ ಸಂಪೂರ್ಣ ತನಿಖೆಗೆ KPMG ಸಂಸ್ಥೆಯನ್ನು ಸ್ವತಂತ್ರ ಫೋರೆನ್ಸಿಕ್ ಆಡಿಟರ್ ಆಗಿ ನೇಮಿಸಲಾಗಿದೆ.</p><img><p><strong>ಷೇರು ಬೆಲೆ ಕುಸಿತದಿಂದಾಗಿ ದೊಡ್ಡ ಹೂಡಿಕೆದಾರರಿಗೆ ಬಾರೀ ಪೆಟ್ಟು ಬಿದ್ದಿದೆ:</strong></p><p><strong>ಭಾರತ ಸರ್ಕಾರ</strong>: ಬ್ಯಾಂಕ್‌ನಲ್ಲಿ 7.75% ಪಾಲು ಹೊಂದಿರುವ ಸರ್ಕಾರದ ಪೋರ್ಟ್‌ಫೋಲಿಯೊದಿಂದ ಒಂದೇ ದಿನದಲ್ಲಿ ₹1,113.83 ಕೋಟಿ ನಷ್ಟವಾಗಿದೆ.</p><p><strong>LIC: </strong>2.35% ಪಾಲು ಹೊಂದಿರುವ ಎಲ್‌ಐಸಿಗೆ ಸುಮಾರು ₹338.15 ಕೋಟಿ ನಷ್ಟ ಉಂಟಾಗಿದೆ.</p><p><strong>ಇತರ ವಿಮಾ ಸಂಸ್ಥೆಗಳು: </strong>HDFC ಲೈಫ್‌ಗೆ ₹317 ಕೋಟಿ ಮತ್ತು ICICI ಪ್ರುಡೆನ್ಶಿಯಲ್‌ಗೆ ₹299 ಕೋಟಿ ನಷ್ಟವಾಗಿದೆ.</p><p><strong>ಚಿಲ್ಲರೆ ಹೂಡಿಕೆದಾರರು (Retail Investors):</strong> ಈ ಬ್ಯಾಂಕ್‌ನಲ್ಲಿ 15.06% ಪಾಲು ಹೊಂದಿರುವ ಸಾಮಾನ್ಯ ಹೂಡಿಕೆದಾರರ ಒಟ್ಟು ₹2,163 ಕೋಟಿ ಸಂಪತ್ತು ಕರಗಿ ಹೋಗಿದೆ.</p><img><p>ವಿಶ್ಲೇಷಕರ ಪ್ರಕಾರ, ಈ ವಂಚನೆಯ ಮೊತ್ತವು ಬ್ಯಾಂಕ್‌ನ 2026ರ ಆರ್ಥಿಕ ವರ್ಷದ ನಿವ್ವಳ ಲಾಭದ ಸುಮಾರು 20% ರಿಂದ 22% ರಷ್ಟು ಇರಲಿದೆ. ಇದು ಬ್ಯಾಂಕ್‌ನ ಒಟ್ಟು ಆಸ್ತಿಯ (Net worth) ಮೇಲೆ 1% ನಷ್ಟು ಪ್ರಭಾವ ಬೀರಬಹುದು ಎಂದು ಅಂದಾಜಿಸಲಾಗಿದೆ. ಅಲ್ಲದೆ, ಖಾಸಗಿ ಬ್ಯಾಂಕ್‌ಗಳಲ್ಲಿರುವ ಸರ್ಕಾರಿ ಠೇವಣಿಗಳ ಸುರಕ್ಷತೆಯ ಬಗ್ಗೆ ಈಗ ಹೆಚ್ಚಿನ ತನಿಖೆ ನಡೆಯುವ ಸಾಧ್ಯತೆಯಿದೆ.</p><img><p>ಮಾರುಕಟ್ಟೆ ತಜ್ಞರ ಪ್ರಕಾರ, ಬ್ಯಾಂಕ್ ಷೇರುಗಳ ಸ್ಥಿತಿಯು ಈಗ ‘ಬುಲಿಶ್’ ಇಂದ ‘ಬೇರಿಶ್’ (Bearish) ಕಡೆಗೆ ತಿರುಗಿದೆ. ಅಂದರೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಕುಸಿತ ಕಾಣುವ ಸಾಧ್ಯತೆ ಇದೆ. ಸದ್ಯಕ್ಕೆ ಷೇರಿಗೆ ₹66-67 ಮಟ್ಟದಲ್ಲಿ ತಾಂತ್ರಿಕ ಬೆಂಬಲ (Support) ಇದೆ ಎಂದು ವಿಶ್ಲೇಷಕರು ಎಚ್ಚರಿಸಿದ್ದಾರೆ.</p>



Source link