ಇವತ್ತಿನ ವೇಗದ ಜೀವನದಲ್ಲಿ ಸಮಯ ಹಾಳು ಮಾಡಲು, ಹಣ ಖರ್ಚು ಮಾಡಲು ಹೇರಳ ಅವಕಾಶಗಳಿವೆ. ಎಷ್ಟು ಸಂಬಳ ಅಥವಾ ಆದಾಯ ಬಂದರೂ ಸ್ವಲ್ಪ ಎಚ್ಚರ ತಪ್ಪಿದರೆ ಈ ವೆಚ್ಚದಲ್ಲಿ ಎಲ್ಲವೂ ಕೊಚ್ಚಿ ಹೋಗಬಹುದು. ಮಧ್ಯ ವಯಸ್ಸು ದಾಟಿದ ಹೆಚ್ಚಿನ ಸಂಬಳದಾರರಿಗೆ ಈ ಕಹಿ ಸತ್ಯ ಅರಿವಾಗಿರಬಹುದು. ಇರುವುದೊಂದೇ ಜೀವನ ಎಂದು ಬಿಂದಾಸ್ ಲೈಫ್ಸ್ಟೈಲ್ ಇಷ್ಟಪಡುವ ಇಂದಿನ ಪೀಳಿಗೆಯ ಜನರು ಕಲಿಯಬೇಕಾದ ಅಮೂಲ್ಯ ಹಣಕಾಸು ಪಾಠಗಳು ಇಂತಿವ:
ಹಣ ಉಳಿಸುವ ಸೂತ್ರ
ಗಳಿಸಿದ ಹಣದಲ್ಲಿ ಕಡ್ಡಾಯವಾಗಿ ಉಳಿಸಬೇಕು. ಎಷ್ಟು ಉಳಿಸಬೇಕು ಎಂದು ಗೊಂದಲವಿದೆ, ಕನಿಷ್ಠ ಶೇ 20ರಷ್ಟನ್ನಾದರೂ ಉಳಿಸಬೇಕು ಎಂದು ಫಿಕ್ಸ್ ಮಾಡಿಕೊಳ್ಳಿ. ಅಂದರೆ, ನಿಮಗೆ ಸಂಬಳ 25,000 ರೂ ಬರಬೇಕು ಕನಿಷ್ಠ 5,000 ರೂ ಆದರೂ ಉಳಿಸಬೇಕು. ಅಂದರೆ ನಿಮ್ಮ ಎಲ್ಲಾ ಖರ್ಚು, ಇಎಂಐ, ಬಾಡಿಗೆ ಇತ್ಯಾದಿ ವೆಚ್ಚ ಕಳೆದು ಉಳಿಸುವ ಹಣ ಇದು. ಉಳಿತಾಯವು ಶೇ. 20ಕ್ಕೇ ಸೀಮಿತವಾಗಬೇಕೆಂದಿಲ್ಲ. ಸಾಧ್ಯವಾದರೆ ಇನ್ನೂ ಹೆಚ್ಚು ಉಳಿಸಲು ಯತ್ನಿಸಿದರು.
ವೆಚ್ಚದ ಮೇಲೆ ಕಡಿವಾಣ ಹಾಕಿ
ನಿಮ್ಮ ದೈನಂದಿನ ವೆಚ್ಚಗಳ ಪಟ್ಟಿ ಮಾಡಿಕೊಳ್ಳಿ. ಒಂದು ತಿಂಗಳಿನಲ್ಲಿ ಯಾವುದಕ್ಕೆ ಎಷ್ಟು ಖರ್ಚು ಮಾಡುತ್ತೀರಿ ಎನ್ನುವ ಲೆಕ್ಕ ಸಿಗುತ್ತದೆ. ಇದು ಅನಗತ್ಯವಾದ ವೆಚ್ಚಗಳನ್ನು ಗಮನಿಸಿ, ಅದನ್ನು ನಿಲ್ಲಿಸಲು ಕ್ರಮ ತೆಗೆದುಕೊಳ್ಳಲಾಗಿದೆ.
ಇದನ್ನೂ ಓದಿ: ಹಣ ಮತ್ತು ಗಣಿತದ ಜುಗಲ್ಬಂದಿ ಸೀಕ್ರೆಟ್… 5 ವರ್ಷಕ್ಕೆ 1 ಲಕ್ಷ, ಮುಂದಿನ 10 ವರ್ಷಕ್ಕೆ ಆರು ಪಟ್ಟು ರಿಟರ್ನ್
ಎಮರ್ಜೆನ್ಸಿ ಫಂಡ್ ನಿರ್ಮಿಸಿ
ಉದ್ಯೋಗ ನಷ್ಟವಾಗುವುದು, ಆಸ್ಪತ್ರೆಗೆ ದಾಖಲಾಗುವುದು ಇತ್ಯಾದಿ ಸಂಭವಿಸಬಹುದು. ಆಗ ಕೈಯಲ್ಲಿ ಹಣ ಇಲ್ಲದಿದ್ದರೆ ಸಾಲ ಇರುತ್ತದೆ. ಹೀಗಾಗಿ, ಇಂತಹ ತುರ್ತು ವೆಚ್ಚಕ್ಕೆಂದು ಎಮರ್ಜೆನ್ಸಿ ಫಂಡ್ ನಿರ್ಮಿಸುವುದು ಒಳ್ಳೆಯ ಐಡಿಯಾ. ನಿಮ್ಮ ಮಾಸಿಕ ವೆಚ್ಚದ ಆರು ಪಟ್ಟು ಹಣವಾದರೂ ಇರಬೇಕು. ಎಫ್ಡಿಯಲ್ಲೋ, ಸೇವಿಂಗ್ಸ್ ಅಕೌಂಟ್ನಲ್ಲೋ ಅಥವಾ ಲಿಕ್ವಿಡ್ ಮ್ಯೂಚುವಲ್ ಫಂಡ್ನಲ್ಲೋ ಈ ಹಣವನ್ನು ಇರಿಸಬಹುದು.
ಬೇಗನೇ ಹೂಡಿಕೆ ಆರಂಭಿಸಿ
ಎಮರ್ಜೆನ್ಸಿ ಫಂಡ್ ನಿರ್ಮಿಸಿದ ಬಳಿಕ ನೀವು ಮಾಡಬೇಕಾದ ಮೊದಲ ಕೆಲಸ ಎಂದರೆ ಹೂಡಿಕೆ. ಎಷ್ಟು ಸಾಧ್ಯವೋ ಅಷ್ಟು ಬೇಗ ಹೂಡಿಕೆ ಮಾಡಬೇಕು. ಇದರಿಂದ ದೀರ್ಘಾವಧಿ ಹೂಡಿಕೆ ಮಾಡಲು ಸಾಧ್ಯವಾಗಿಲ್ಲ ಹೆಚ್ಚಿನ ರಿಟರ್ನ್ಸ್ ನಿರೀಕ್ಷಿಸಬಹುದು.
ಮುಂದಿನ ಗುರಿಗಳ ಬಗ್ಗೆ ಪಟ್ಟಿ ಮಾಡಿ
ನೀವು ಮುಂದೆ ಏನು ಮಾಡಬೇಕೆಂದಿರುವಿರಿ, ಯಾವ ಪ್ರಮುಖ ಖರ್ಚುವೆಚ್ಚಗಳಿವೆ ಎಂಬ ಪಟ್ಟಿ ಮಾಡಿ. ಮದುವೆ, ಮಕ್ಕಳ ಓದು, ಮನೆ ಖರೀದಿ, ನಿವೇಶನ ಖರೀದಿ, ರಿಟೈರ್ಮೆಂಟ್ ಹೀಗೆ ಪಟ್ಟಿ ಮಾಡಿ. ರಿಟೈರ್ಮೆಂಟ್ಗೆ ವಿಶೇಷವಾಗಿ ಹೂಡಿಕೆ ಅಗತ್ಯ. ಎಷ್ಟು ವರ್ಷಕ್ಕೆ ರಿಟೈರ್ ಆಗುತ್ತೀರೋ, ಹಣದುಬ್ಬರವನ್ನೂ ಪರಿಗಣಿಸಿ ಎಷ್ಟು ಬೇಕು ಎಂದು ಲೆಕ್ಕ ಮಾಡಿ. ಅದಕ್ಕೆ ಎಷ್ಟು ಹೂಡಿಕೆ ಬೇಕು ಎಂದು ನಿರ್ಧರಿಸಿ ಈಗಿನಿಂದಲೇ ಆರಂಭಿಸಿ. ಬೇರೆ ಬೇರೆ ಅಗತ್ಯಗಳಿಗಾಗಿ ಮಾತ್ರ ಇರಿಸಬಹುದು.
ಇದನ್ನೂ ಓದಿ: ಕೈಯಲ್ಲಿ ಹಣ ನಿಲ್ಲುತ್ತಿಲ್ಲವಾ? ಮೊದಲು ಕೈಬಿಟ್ಟುಹೋಗೋದು ಹಣ ಅಲ್ಲ; ಇದು ತಿಳಿದಿದೆ…
ಪರ್ಯಾಯ ಆದಾಯ ಮೂಲ ಸೃಷ್ಟಿಸಿ…
ನೀವು ರೆಗ್ಯುಲರ್ ಜಾಬ್ಗೆ ಹೋಗುವುದರ ಜೊತೆಗೆ ಇನ್ನೊಂದು ಇನ್ಕಮ್ ಸೃಷ್ಟಿಸಬಹುದೇ ಎಂದು ಯೋಚಿಸಿ. ನೀವು ಈಗ ಉದ್ಯೋಗ ಸ್ಥಳದಲ್ಲಿ ಮಾಡುವ ಕೆಲಸಕ್ಕಿಂತ ಭಿನ್ನವಾದ ಯಾವ ಕೆಲಸದಲ್ಲಿ ನೈಪುಣ್ಯತೆಯನ್ನು ಹೊಂದಿದ್ದೀರಿ, ಅಥವಾ ಅಭಿಲಾಷೆ ಹೊಂದಿದ್ದೀರಿ, ಅಂತಹದನ್ನು ಬಿಡುವ ವೇಳೆಯಲ್ಲಿ ಮಾಡಬಹುದು. ಎಲ್ಲಾ ಕಡೆ ಒಂದೇ ತರಹದ ಕೆಲಸ ಮಾಡಿದರೆ ಅದು ಏಕತಾನತೆ ಎನಿಸಬಹುದು. ಈ ರೀತಿ ನೀವಿಷ್ಟಪಡುವ ಬಹುಕೆಲಸಗಳಲ್ಲಿ ತೊಡಗಿಸಿಕೊಳ್ಳುವುದರಿಂದ ಮಾನಸಿಕವಾಗಿ ಆಯಾಸ ಆಗುವುದಿಲ್ಲ, ದೈಹಿಕವಾಗಿಯೂ ಬಳಲುವುದಿಲ್ಲ. ವಿವಿಧ ಆದಾಯ ಮೂಲಗಳೂ ಸೃಷ್ಟಿಯಾಗುತ್ತವೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
