ನರೇಂದ್ರ ಮೋದಿ ಮತ್ತು ವ್ಲಾದಿಮಿರ್ ಪುಟಿನ್ ಅವರ ಫೈಲ್ ಚಿತ್ರ
ನವೆಂಬರ್, ಡಿಸೆಂಬರ್ 4: ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಭಾರತಕ್ಕೆ ಬರುತ್ತಿದ್ದಾರೆ. ರಾಷ್ಟ್ರ ರಾಜಧಾನಿಯಲ್ಲಿ ನಡೆಯಲಿರುವ 23ನೇ ಭಾರತ ರಷ್ಯಾ ವಾರ್ಷಿಕ ಶೃಂಗಸಭೆಯಲ್ಲಿ (ಭಾರತ ರಷ್ಯಾ ವಾರ್ಷಿಕ ಶೃಂಗಸಭೆ) ಪಾಲ್ಗೊಳ್ಳಲೆಂದು ಆಗಮಿಸುತ್ತಿದ್ದಾರೆ. ಪುಟಿನ್ ಅವರ ಎರಡು ದಿನಗಳ ಈ ಭೇಟಿ ಸಂದರ್ಭದಲ್ಲಿ ಭಾರತ ಮತ್ತು ರಷ್ಯಾ ಮಧ್ಯೆ ಹಲವು ಒಪ್ಪಂದಗಳು ಏರ್ಪಡುವ ನಿರೀಕ್ಷೆಯಿದೆ. ಪುಟಿನ್ (ವ್ಲಾಡಿಮಿರ್ ಪುಟಿನ್) ಬಹಳ ದೊಡ್ಡ ಸಂಖ್ಯೆಯ ಉದ್ಯಮಿ ಆಗಮಿಸುತ್ತಿದ್ದಾರೆ. ಈ ಹಿಂದೆಯೂ ಪುಟಿನ್ ಅವರು ಭಾರತದಿಂದ ರಷ್ಯಾ ಹೆಚ್ಚು ಆಮದು ಮಾಡಿಕೊಳ್ಳಲು ಸಿದ್ಧ ಇದೆ ಎಂದು ಹೇಳಿದ್ದರು. ಹೀಗಾಗಿ, ಪುಟಿನ್ ಭೇಟಿ ವಿಚಾರದಲ್ಲಿ ಭಾರತಕ್ಕೆ ನಿರೀಕ್ಷೆಗಳು ಬಹಳ ಇವೆ.
ಚೀನಾ ರೀತಿಯಲ್ಲಿ ರಷ್ಯಾ ಜೊತೆಗೂ ಭಾರತದ ವ್ಯಾಪಾರ ಅಂತರ ಅಥವಾ ಟ್ರೇಡ್ ಡೆಫಿಸಿಟ್ ಬಹಳ ಅಗಾಧವಾಗಿದೆ. 2024-25ರಲ್ಲಿ ಭಾರತ ಹಾಗೂ ರಷ್ಯಾ ನಡುವೆ ಒಟ್ಟು ವ್ಯಾಪಾರ ವಹಿವಾಟು 68 ಬಿಲಿಯನ್ ಡಾಲರ್ಗೂ ಅಧಿಕವಾಗಿತ್ತು. ಇದರಲ್ಲಿ ಕೇವಲ ರಷ್ಯಾಗೆ ಭಾರತ ಮಾಡಿದ ರಫ್ತು 4.9 ಬಿಲಿಯನ್ ಡಾಲರ್. ಆಮದು ಮಾಡಿಕೊಂಡಿದ್ದು ಬರೋಬ್ಬರಿ 63.8 ಬಿಲಿಯನ್ ಡಾಲರ್. ಅಲ್ಲಿಗೆ ಟ್ರೇಡ್ ಡೆಫಿಸಿಟ್ 59 ಬಿಲಿಯನ್ ಡಾಲರ್ ಆಗುತ್ತಿದೆ.
ಇದನ್ನೂ ಓದಿ: ಪಿಎಲ್ ಐ ಸ್ಕೀಮ್ ಅಡಿಯಲ್ಲಿ ಸೋಲಾರ್ ಪಿವಿ ಮಾಡ್ಯೂಲ್; ಸೃಷ್ಟಿಯಾದ ಉದ್ಯೋಗಗಳ ಸಂಖ್ಯೆ 43,000
ಇಷ್ಟು ಅಗಾಧ ವ್ಯಾಪಾರ ಕೊರತೆಯನ್ನು ನೀಗಿಸುವುದು ಹೇಗೆ ಎಂಬುದು ಭಾರತದ ಮುಂದಿರುವ ಸವಾಲು. ಹಾಗಂತ, ರಷ್ಯಾ ಜೊತೆ ವ್ಯಾಪಾರ ಸಂಬಂಧವನ್ನು ಮೊಟಕುಗೊಳಿಸಲು ಆಗುವುದಿಲ್ಲ. ಟ್ರೇಡ್ ಡೆಫಿಸಿಟ್ ಅನ್ನು ಕಡಿಮೆ ಮಾಡಲು ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗಿದೆ. ಇಂದು ವಾಣಿಜ್ಯ ಸಚಿವ ಪೀಯೂಶ್ ಗೋಯಲ್ ಅವರು ನಡೆದ ಭಾರತ ರಷ್ಯಾ ಬ್ಯುಸಿನೆಸ್ ಫೋರಂ ಸಭೆಯಲ್ಲೂ ಈ ವಿಚಾರ ಪ್ರಸ್ತಾಪಿಸಿದ್ದಾರೆ.
ರಷ್ಯಾಗೆ ರಫ್ತು ಮಾಡಬಲ್ಲ ವಲಯಗಳು…
ಕನ್ಸೂಮರ್ ಗೂಡ್ಸ್ ಅಥವಾ ಗ್ರಾಹಕ ಸರಕುಗಳು, ಆಹಾರ ವಸ್ತುಗಳು, ವಾಹನ ಬಿಡಿಭಾಗಗಳು, ಟ್ರಾಕ್ಟರ್, ಟ್ರಕ್, ಸ್ಮಾರ್ಟ್ಫೋನ್, ಕೈಗಾರಿಕಾ ಬಿಡಿಭಾಗಗಳು, ಜವಳಿ ಉತ್ಪನ್ನಗಳು ಇತ್ಯಾದಿಗಳನ್ನು ರಷ್ಯಾಕ್ಕೆ ಹೆಚ್ಚು ವಾಹನ ರಫ್ತು ಮಾಡಲು ಅವಕಾಶವಿದೆ.
ಇದನ್ನೂ ಓದಿ: ಟ್ಯಾರಿಫ್ನಿಂದ ರುಪಾಯಿ ಮೌಲ್ಯ ಕುಸಿದಿದೆ, ಆದರೆ, ಕರೆನ್ಸಿ ದುರ್ಬಲಗೊಂಡಿಲ್ಲ: ಎಸ್ಬಿಐ ರಿಸರ್ಚ್
ಅತ್ತ, ರಷ್ಯಾ ಕೂಡ ತನ್ನದೇ ಅಜೆಂಡಾ ಇಟ್ಟುಕೊಂಡಿದೆ. ಭಾರತಕ್ಕೆ ಇಂಧನ, ಡಿಫೆನ್ಸ್ ಉತ್ಪನ್ನಗಳ ಪೂರೈಕೆಯನ್ನು ಇದೇ ರೀತಿ ಮುಂದುವರಿಸಿಕೊಂಡು ಹೋಗುವುದು ರಷ್ಯಾಗಿರುವ ಆದ್ಯತೆಯಾಗಿದೆ. ಅಮೆರಿಕ ಮತ್ತು ಪಶ್ಚಿಮ ರಾಷ್ಟ್ರಗಳು ಆರ್ಥಿಕ ನಿಷೇಧಗಳ ನಡುವೆ ತನ್ನ ಆರ್ಥಿಕತೆಯನ್ನು ಮುಂದುವರಿಸಿಕೊಂಡು ಹೋಗುತ್ತಿರುವ ರಷ್ಯಾಕ್ಕೆ ಇರುವ ಪ್ರಮುಖ ಆಧಾರ ಭಾರತ, ರಷ್ಯಾ ಆಡಳಿತ ದೇಶ ಕೇಂದ್ರ. ಹೀಗಾಗಿ, ಭಾರತಕ್ಕೆ ವ್ಯಾಪಾರ ಒಪ್ಪಂದಗಳಲ್ಲಿ ರಷ್ಯಾ ಹೆಚ್ಚು ವಿನಾಯಿತಿಗಳನ್ನು ನೀಡಲು ಒಪ್ಪಬಹುದು.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
