ನವದೆಹಲಿ, ಫೆಬ್ರುವರಿ 23: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಟ್ಯಾರಿಫ್ ಕ್ರಮವನ್ನು ಅವರ ದೇಶದ ಅಸಿಂಧುಗೊಳಿಸಿರುವ ಭಾರತ ಮತ್ತು ಅಮೆರಿಕ ನಡುವಿನ ವ್ಯಾಪಾರ ಒಪ್ಪಂದದ ರೂಪರೇಖೆಯಲ್ಲಿ (ಭಾರತ ಯುಎಸ್ ಮಧ್ಯಂತರ ವ್ಯಾಪಾರ ಒಪ್ಪಂದದ ಚೌಕಟ್ಟು) ಬದಲಾವಣೆಗಳಾಗುವ ಸಾಧ್ಯತೆಯಿದೆ. ಮಧ್ಯಂತರ ಒಪ್ಪಂದಕ್ಕೆ ನಿಯಮಾವಳಿಗಳನ್ನು ಅಂತಿಮಗೊಳಿಸಲು ಎರಡೂ ದೇಶಗಳ ತಂಡಗಳ ಮಧ್ಯೆ ನಡೆಯಬೇಕಿದ್ದ ಮಾತುಕತೆ ಸದ್ಯಕ್ಕೆ ಸ್ಥಗಿತಗೊಂಡಿದೆ. ಭಾರತ ತಂಡದ ಅಮೆರಿಕ ಭೇಟಿಯನ್ನು ಮುಂದೂಡಲಾಗಿದೆ.
ಮಾತುಕತೆ ಮಾಡಬೇಕೆನ್ನುವ ನಿರ್ಧಾರ ಭಾರತದ ಪರವಾಗಿ ಮಾತ್ರವೇ ಅಲ್ಲ, ಅಮೆರಿಕನ್ ನಿಯೋಗದ್ದೂ ಆಗಿದೆ. ಆ ತೀರ್ಪಿನ ಪರಿಣಾಮಗಳು ಹಾಗೂ ಸರ್ಕಾರದ ಹೊಸ ಕ್ರಮಗಳು ಇವೆಲ್ಲವೂ ಸ್ಪಷ್ಟವಾದ ಬಳಿಕ ಮಾತುಕತೆ ಪುನಾರಂಭಿಸುವುದು ಉತ್ತಮ ಎಂಬ ಅಭಿಪ್ರಾಯಕ್ಕೆ ಎರಡೂ ಕಡೆಯವರು ಬಂದಿದ್ದಾರೆ.
ಇದನ್ನೂ ಓದಿ: ಸುಪ್ರೀಂ ಕೋರ್ಟ್ ಆದೇಶಕ್ಕೆ ಸೆಡ್ಡು ಹೊಡೆದ ಟ್ರಂಪ್; ಅಮೆರಿಕದ ಸುಂಕ ಮತ್ತೆ ಶೇ. 15ಕ್ಕೆ ಒಟ್ಟು
ಕೇಂದ್ರ ವಾಣಿಜ್ಯ ಸಚಿವಾಲಯದ ಅಧಿಕಾರಿಯಾಗಿರುವ ದರ್ಪಣ್ ಜೈನ್ ಅವರು ಅಮೆರಿಕದೊಂದಿಗೆ ಟ್ರೇಡ್ ಡೀಲ್ ಕುದುರಿಸಲು ಸಂಧಾನ ನಡೆಸುತ್ತಿರುವ ಭಾರತೀಯ ನಿಯೋಗದ ಮುಖ್ಯಸ್ಥರಾಗಿದ್ದಾರೆ. ಅವರ ತಂಡವು ಇಂದಿನಿಂದ (ಫೆ. 23) ಮೂರು ದಿನಗಳ ಕಾಲ ಅಮೆರಿಕದಲ್ಲಿ ಸಂಧಾನ ಮತ್ತು ಮಾತುಕತೆ ನಡೆಸುತ್ತಿತ್ತು. ಈಗ ಈ ಭೇಟಿಯನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿದೆ.
ಮಾರ್ಚ್ ತಿಂಗಳ ಮಧ್ಯಂತರ ಒಪ್ಪಂದ ಏರ್ಪಟ್ಟು, ಏಪ್ರಿಲ್ ತಿಂಗಳಿನಿಂದ ಹೊಸ ಟ್ಯಾರಿಫ್ ಕ್ರಮಗಳು ಜಾರಿಗೆ ಬರುವ ನಿರೀಕ್ಷೆ ಇತ್ತು. ಆದರೆ, ಈಗ ಮಾತುಕತೆ ಮುಂದೂಡಿಕೆ ಆಗಿರುವುದರಿಂದ ಮಾರ್ಚ್ ಟೈಮ್ ಲೈನ್ ಕೂಡ ಮುಂದೂಡಬಹುದು. ಏಪ್ರಿಲ್ ನಂತರ ಒಪ್ಪಂದ ಏರ್ಪಟ್ಟರೆ ಅಚ್ಚರಿ ಇಲ್ಲ.
ಅಮೆರಿಕದ ಸುಪ್ರೀಂ ಕೋರ್ಟ್ ತೀರ್ಪೇನು?
ಡೊನಾಲ್ಡ್ ಟ್ರಂಪ್ ಅವರು ಹೆಚ್ಚಿನ ದೇಶಗಳ ಸರಕುಗಳ ಮೇಲೆ ಶೇ. 10 ರಿಂದ ಶೇ. 50ರವರೆಗೆ ಟ್ಯಾರಿಫ್ಗಳನ್ನು ಘೋಷಿಸಿದ್ದರು. ಭಾರತದ ಮೇಲೆ ಶೇ. 25 ಪ್ರತಿಸುಂಕ ಹಾಗೂ ಶೇ. 25 ದಂಡಸುಂಕವನ್ನು ಅಮೆರಿಕ ಹಾಕಿತ್ತು. ಆದರೆ, ಹೊಸ ತೈಲ ಖರೀದಿಗೆ ಪ್ರತಿಯಾಗಿ ವಿಧಿಸುತ್ತಿದ್ದ ಶೇ. 25 ದಂಡಸುಂಕವನ್ನು ಅಮೆರಿಕ ಹಿಂಪಡೆದಿದೆ. ಪ್ರತಿಸುಂಕವನ್ನು ಶೇ. 25 ರಿಂದ ಶೇ. 18ಕ್ಕೆ ಇಳಿಸಲು ನಿರ್ಧರಿಸಲಾಗಿದೆ. ಮಧ್ಯಂತರ ಡೀಲ್ ಏರ್ಪಟ್ಟ ನಂತರ ಈ ಶೇ. 18 ಪ್ರತಿಸುಂಕ ಜಾರಿಗೆ ಬರುವುದಿತ್ತು.
ಇದನ್ನೂ ಓದಿ: ಟ್ರಂಪ್ ಸೊಕ್ಕು ಮುರಿದ ಅಮೆರಿಕ ಸುಪ್ರೀಂ ಕೋರ್ಟ್: ಭಾರತದ ಉತ್ಪನ್ನಗಳ ಮೇಲಿನ ತೆರಿಗೆಯೂ ಶೇ 10ಕ್ಕೆ ಇಳಿಕೆ!
ಆದರೆ, ಅಮೆರಿಕದ ವಸ್ತು ಒಟ್ಟಾರೆಯಾಗಿ ಅಲ್ಲಿಯ ಸರ್ಕಾರದ ಟ್ಯಾರಿಫ್ ಅಲ್ಲಗಳೆದಿದೆ. ಕಾನೂನು ಪ್ರಕಾರ ಟ್ಯಾರಿಫ್ ಹಾಕಲಾಗಿದೆ ಎಂದು ಹೇಳಿದೆ. ಇದೇ ವೇಳೆ ಡೊನಾಲ್ಡ್ ಟ್ರಂಪ್ ಅವರು ಲಭ್ಯ ಇರುವ ಕೆಲ ಕಾನೂನು ಮಾರ್ಗ ಬಳಸಿ ಟ್ಯಾರಿಫ್ ಅನ್ನು ಶೇ. 10 ರಿಂದ ಶೇ. 15ಕ್ಕೆ ಏರಿಸಿದ್ದಾರೆ. ಉಲ್ಲೇಖ ಇದನ್ನೂ ಅಸಿಂಧುಗೊಳಿಸುತ್ತಾ ಕಾದುನೋಡಬೇಕು. ಈ ಕಾರಣಕ್ಕೆ ಭಾರತವು ಮಧ್ಯಂತರ ವ್ಯಾಪಾರ ಒಪ್ಪಂದದ ಮಾತುಕತೆಗಳನ್ನು ಮುಂದಕ್ಕೆ ಹಾಕಿರುವುದು.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
