<p>ಭಾರತದ ಜನಪ್ರಿಯ ರಮ್ ಬ್ರಾಂಡ್ ಓಲ್ಡ್ ಮಂಕ್ ಬಗ್ಗೆ ಇಂಟರೆಸ್ಟಿಂಗ್ ಕಹಾನಿ ಇಲ್ಲಿದೆ. ಇದು ಭಾರತದ ಪ್ರಸಿದ್ಧ ರಮ್ ಬ್ರಾಂಡ್ ಓಲ್ಡ್ ಮಂಕ್ ಹುಟ್ಟಿದ ಕತೆ.</p><img><p>ಇದು ಭಾರತದ ಪ್ರಸಿದ್ಧ ರಮ್ ಬ್ರಾಂಡ್ ಓಲ್ಡ್ ಮಂಕ್ ಹುಟ್ಟಿದ ಕತೆ. ಭಾರತದ ಜನ ಇಷ್ಟ ಪಡುವ ರಮ್ ಬ್ರಾಂಡ್ನ ಸಾಮ್ರಾಜ್ಯ ಸ್ಥಾಪಿಸಿದ್ದು ವೇದ್ ರತನ್ ಮೋಹನ್ ಅವರು. ಆದರೆ ಈ ಓಲ್ಡ್ ಮಂಕ್ ಹೆಸರು ಹಾಗೂ ಸ್ಥಾಪನೆಯ ಹಿಂದಿದೆ ಒಂದು ಇಂಟರೆಸ್ಟಿಂಗ್ ಕಹಾನಿ..</p><img><p>ಈ ಐತಿಹಾಸಿಕ ಓಲ್ಡ್ ಮಂಕ್ ರಮ್ಗೆ ಈ ಹೆಸರು ಬಂದಿದ್ದು ಯುರೋಪಿಯನ್ ಮಂಕ್ಗಳಿಂದ(ಸನ್ಯಾಸಿಗಳು). ವೇದ ರತನ್ ಮೋಹನ್ ಅವರು 1954ರಲ್ಲಿ ಈ ಓಲ್ಡ್ ಮಂಕ್ ರಮ್ ಬ್ರಾಂಡ್ ಅನ್ನು ಶುರು ಮಾಡಿದರು.</p><img><p>ರಹಸ್ಯವಾದ ಮಸಾಲೆಗಳನ್ನು ಬಳಸಿ 7 ವರ್ಷಗಳ ಕಾಲ ಓಕ್ ಮರದೊಳಗೆ ಮಾಗಿಸಿ ಮಾಡಿದ ಡಾರ್ಕ್ ರಮ್ ಇದಾಗಿತ್ತು. ಅವರು ಈ ಯುರೋಪಿಯನ್ ಸನ್ಯಾಸಿಗಳಿಂದ ಈ ರೀತಿ ರಮ್ ಮಾಡೋದನ್ನು ಕಲಿತಿದ್ದು, ಅವರ ಗೌರವಾರ್ಥವಾಗಿ ಈ ರಮ್ಗೆ ಓಲ್ಡ್ ಮಂಕ್ ಎಂದು ಹೆಸರಿಡಲಾಯ್ತು ಎಂದು ಹೇಳಿಕೊಂಡಿದ್ದಾಗಿ ಮಾಹಿತಿ ಇದೆ.</p><img><p>ಯುರೋಪಿನ ಸನ್ಯಾಸಿಗಳ ಗುಣಮಟ್ಟದ ಮದ್ಯಗಳನ್ನು ತಯಾರಿಸುವ ಅವರ ಸಂಪ್ರದಾಯವನ್ನು ಗೌರವಿಸಲು ವೇದ್ ರತನ್ ಮೋಹನ್ ಬಯಸಿದ್ದರು. ಹೀಗಾಗಿ ವಯಸ್ಸು ಮತ್ತು ಗುಣಮಟ್ಟವನ್ನು ಸೂಚಿಸಲು ಓಲ್ಡ್ ಅನ್ನು ಸೇರಿಸಿ ಓಲ್ಡ್ ಮಂಕ್ ಹೆಸರಿಟ್ಟರು. </p><img><p>ಅದರ ಬಾಟಲಿಯ ಮೇಲಿನ ಮುಖವು ನಿಜವಾದ ಸನ್ಯಾಸಿ ಅಥವಾ ಈ ರಮ್ನ ಮೂಲವನ್ನು ಸ್ಥಾಪಿಸಿದ ಎಚ್.ಜಿ. ಮೀಕಿನ್ ಅವರನ್ನು ಪ್ರತಿನಿಧಿಸುತ್ತದೆ. ಆದರೆ 1970ರಲ್ಲಿ ವೇದ್ ರತನ್ ಮೋಹನ್ ತೀರಿಕೊಂಡಾಗ ಅವರ ಸೋದರ ಬ್ರಿಗೇಡಿಯರ್ ಕಪಿಲ್ ಮೋಹನ್ ಅವರು ಈ ಸಂಸ್ಥೆಯ ಉಸ್ತುವಾರಿ ವಹಿಸಿಕೊಂಡರು.</p><img><p>ಆದರೆ ಕಪಿಲ್ ಮೋಹನ್ ಅವರು ಒಂದೇ ಒಂದು ಸಿಪ್ ಮದ್ಯವನ್ನು ಕುಡಿಯದಂತಹ ವ್ಯಕ್ತಿ. ಆದರೂ ಅವರು ಯಾವುದೇ ಜಾಹೀರಾತುಗಳಿಲ್ಲದೇ ಈ ಸಂಸ್ಥೆಯ ಉಸ್ತುವಾರಿ ವಹಿಸಿಕೊಂಡ ನಂತರ ಈ ಓಲ್ಡ್ ಮಂಕ್ ಬ್ರಾಂಡ್ ಇಡೀ ವಿಶ್ವದ ಮನೆ ಮಾತಾಯ್ತು.</p><img><p>ಕಪಿಲ್ ಮೋಹನ್ ಅವರು ಈ ಓಲ್ಡ್ ಮಂಕ್ನ್ನು ಇಡೀ ಪ್ರಪಂಚದೆಲ್ಲೆಡೆ ವಿಸ್ತರಿಸಿದರು. 2000ನೇ ಇಸವಿಯ ಆರಂಭದಲ್ಲಿ ಅವರು ಅದು ಭಾರತದ ಅತ್ಯಂತ ಇಷ್ಟದ ರಮ್ ಬ್ರಾಂಡ್ ಆಗೋಯ್ತು. ಇಂದು ಓಲ್ಡ್ ಮಂಕ್ ಹಲವು ರುಚಿಗಳಲ್ಲಿ ಹಲವು ದರಗಳಲ್ಲಿ ಲಭ್ಯವಿದೆ.</p><img><p>ಇಂದು ಈ ಓಲ್ಡ್ ಮಂಕ್ ವಿಶ್ವದ 22 ದೇಶಗಳಿಗೆ ರಫ್ತಾಗುತ್ತಿದೆ. ಅದರ ರಪ್ತು ಮಾರುಕಟ್ಟೆಯ ವಹಿವಾಟೇ 10.3 ಮಿಲಿಯನ್ ಡಾಲರ್ ಇದೆ. ಈ ಬ್ರಾಂಡ್ನ್ನು ಕೇವಲ ನಂಬಿಕೆಯ ಮೇಲೆ ನಿರ್ಮಿಸಲಾಯ್ತು. ಅದೇನೆ ಇರಲಿ ನಮ್ಮ ಭಾರತೀಯರು ರಮ್ ಬ್ರಾಂಡ್ಗಳಿಗೆ ಲಾಸ್ ಆಗೋದಕ್ಕೆ ಯಾವತ್ತೂ ಬಿಡೋದಿಲ್ಲ. ಹೀಗಾಗಿ ಈ ಬ್ರಾಂಡ್ ಯಶಸ್ಸಿಯಾಗೋದರ ಹಿಂದೆ ಮದ್ಯಪ್ರಿಯರ ಪ್ರೀತಿ ಸಾಕಾಷ್ಟಿದೆ ಈ ಬಗ್ಗೆ ನಿಮಗೇನನಿಸುತ್ತೆ ಕಾಮೆಂಟ್ ಮಾಡಿ.</p>
Source link
ನಿಮಗೆ ತಿಳಿಯದ ಓಲ್ಡ್ ಮಂಕ್ ಕತೆ: ಭಾರತದ ಪ್ರಸಿದ್ಧ ರಮ್ ಬ್ರಾಂಡ್ ಓಲ್ಡ್ ಮಂಕ್ ಹಿಂದಿದೆ ಇಂಟರೆಸ್ಟಿಂಗ್ ಕಹಾನಿ
