ನವದೆಹಲಿ, ನವೆಂಬರ್ 3: ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್ಟಿಎ) ಜೆಇಇ ಮೇನ್ಸ್- 2026ರಲ್ಲಿ (ಜೆಇಇ ಮೇನ್ಸ್ 2026) ಕ್ಯಾಲ್ಕುಲೇಟರ್ ಬಳಕೆಯ ಬಗ್ಗೆ ತನ್ನ ಹಿಂದಿನ ಅಧಿಸೂಚನೆಯನ್ನು ಪರಿಷ್ಕರಿಸಿದೆ. ಪರೀಕ್ಷೆಯಲ್ಲಿ ವರ್ಚುವಲ್ ಕ್ಯಾಲ್ಕುಲೇಟರ್ ಬಳಕೆಗೆ ಅನುಮತಿ ನೀಡಿದ್ದು ಮುದ್ರಣ ದೋಷದಿಂದ ಉಂಟಾದ ಪ್ರಮಾದವಾಗಿದೆ ಎಂದು ಎನ್ಟಿಎ ಸ್ಪಷ್ಟಪಡಿಸಿದೆ. ಪರೀಕ್ಷೆಯಲ್ಲಿ ಕ್ಯಾಲ್ಕುಲೇಟರ್ ಬಳಕೆಗೆ ಅನುಮತಿ ಇಲ್ಲ ಎಂದು ಹೇಳಿದೆ.
ಜೆಇ ಮೇನ್ಸ್ ಕುರಿತಾದ ಈ ಹಿಂದಿನ ಮಾಹಿತಿ ಬುಲೆಟಿನ್ನಲ್ಲಿ ಕಂಪ್ಯೂಟರ್ ಆಧಾರಿತ ಪರೀಕ್ಷೆಯ ಸಮಯದಲ್ಲಿ ಆನ್-ಸ್ಕ್ರೀನ್ ಕ್ಯಾಲ್ಕುಲೇಟರ್ ಲಭ್ಯವಿರುತ್ತದೆ ಎಂದು ತಪ್ಪಾಗಿ ಉಲ್ಲೇಖಿಸಲಾಗಿದೆ. ಆದರೆ, ಪರೀಕ್ಷೆ ನಡೆಸುವ ಸಂಸ್ಥೆಯಾದ ಎನ್ಟಿಎ ಈಗ ಈ ಬಗ್ಗೆ ಸ್ಪಷ್ಟನೆ ನೀಡಿದೆ. ಈ ನಿಯಮ ಜೆನೆರಿಕ್ ಪರೀಕ್ಷೆಗೆ ಅನ್ವಯವಾಗುತ್ತದೆ. ಜೆಐ ಮೇನ್ಸ್ಗೆ ಇದು ಅನ್ವಯಿಸುವುದಿಲ್ಲ ಎಂದು ಹೇಳಿದೆ. ಈ ಪರೀಕ್ಷೆಯಲ್ಲಿ ಯಾವುದೇ ಕ್ಯಾಲ್ಕುಲೇಟರ್ ಬಳಕೆಯನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ ಎಂದು ಸ್ಪಷ್ಟಪಡಿಸಲಾಗಿದೆ.
ಇದನ್ನೂ ಓದಿ: JEE ಅಡ್ವಾನ್ಸ್ಡ್ ಪರೀಕ್ಷೆ 2025: ಜೆಐಐ ಅಡ್ವಾನ್ಸ್ಡ್ ಪರೀಕ್ಷೆಯನ್ನು ವಿಶ್ವದ ಎರಡನೇ ಕಠಿಣ ಪರೀಕ್ಷೆ ಎಂದು ಪರಿಗಣಿಸುವುದು ಏಕೆ?
ಜೆಐ ಮೇನ್ಸ್ ಪರಿಷ್ಕೃತ ಮಾಹಿತಿ ಬುಲೆಟಿನ್ ಅನ್ನು ಈಗ ಅಪ್ಲೋಡ್ ಮಾಡಲಾಗಿದೆ. ಅಭ್ಯರ್ಥಿಗಳು ಅದನ್ನು ಡೌನ್ಲೋಡ್ ಮಾಡಿಕೊಳ್ಳಲು ಸೂಚಿಸಲಾಗಿದೆ. ಜೆಐ ಮೇನ್ಸ್ 2026 ರ ನೋಂದಣಿ ಪ್ರಕ್ರಿಯೆಯು ಅಕ್ಟೋಬರ್ 31 ರ ರಾತ್ರಿ ಪ್ರಾರಂಭವಾಯಿತು. ಆನ್ಲೈನ್ ಅರ್ಜಿ ವಿಂಡೋ ನವೆಂಬರ್ 27ರವರೆಗೆ ತೆರೆದಿರುತ್ತದೆ. ಮೊದಲ ಎರಡು ದಿನಗಳಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ಅಭ್ಯರ್ಥಿಗಳಿಗೆ ಅರ್ಜಿ ಸಲ್ಲಿಸಲಾಗಿದೆ. ಈ ವರ್ಷ 15 ಲಕ್ಷಕ್ಕೂ ಹೆಚ್ಚು ಅರ್ಜಿಗಳು ಬರುವ ನಿರೀಕ್ಷೆಯಿದೆ.
ಎನ್ಟಿಎ ಹೇಳಿಕೆಯಲ್ಲಿ ಏನಿದೆ?:
“ಎನ್ಟಿಎಯ ಅಧಿಕೃತ ವೆಬ್ಸೈಟ್ನಲ್ಲಿ ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT) ಗಾಗಿ ನೀಡಲಾದ ಮಾಹಿತಿ ಬುಲೆಟಿನ್ ಅನುಬಂಧ-VIII ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT) ಸಮಯದಲ್ಲಿ ಆನ್ಸ್ಕ್ರೀನ್ ಸ್ಟ್ಯಾಂಡರ್ಡ್ ಕ್ಯಾಲ್ಕುಲೇಟರ್ ಬಳಕೆಗೆ ಅವಕಾಶವಿದೆ ಎಂದು ಉಲ್ಲೇಖಿಸಲಾಗಿದೆ. ಹಾಗೆಯೇ, JEE ಪರೀಕ್ಷೆಯ ಮಾಹಿತಿ ಬುಲೆಟಿನ್ನಲ್ಲಿ ಮುದ್ರಣ ದೋಷದಿಂದ ಅಭ್ಯರ್ಥಿಗಳಿಗೆ ಉಂಟಾದ ಅನಾನುಕೂಲತೆಗೆ ಎನ್ಟಿಎ ವಿಷದ ವ್ಯಕ್ತಪಡಿಸಿದೆ. ಅಭ್ಯರ್ಥಿಗಳು ಅಧಿಕೃತ ವೆಬ್ಸೈಟ್ jeemain.nta.nic.in ಮೂಲಕ ಅರ್ಜಿ ಸಲ್ಲಿಸಬಹುದು.
ಇದನ್ನೂ ಓದಿ: ಸ್ಪೂರ್ತಿದಾಯಕ ಪ್ರಯಾಣ: ಯೂಟ್ಯೂಬ್ನಿಂದ ಅಧ್ಯಯನ ಮಾಡಿ ಜೆಐ ಅಡ್ವಾನ್ಸ್ಡ್ನಲ್ಲಿ 64 ನೇ ರ್ಯಾಂಕ್ ಗಳಿಸಿದ ಯುವಕ
ಈ ವರ್ಷದ ಪರೀಕ್ಷೆಯು ಎರಡು ಅವಧಿಗಳಲ್ಲಿ ಮುಖ್ಯವಾಗಿ. 2026ರ ಜನವರಿ 21ರಿಂದ 30ರವರೆಗೆ ಮತ್ತು ಏಪ್ರಿಲ್ 2ರಿಂದ 9ರವರೆಗೆ. ಸೆಷನ್ 1 ರ ಫಲಿತಾಂಶವನ್ನು ಫೆಬ್ರವರಿ 12 ರಂದು ಪ್ರಕಟಿಸಲಾಗಿದೆ. ಸೆಷನ್ 2 ರ ಫಲಿತಾಂಶವನ್ನು ಏಪ್ರಿಲ್ 20 ರಂದು ಪ್ರಕಟಿಸಲಾಗಿದೆ. ಈ ಪರೀಕ್ಷೆಯನ್ನು 13 ಭಾಷೆಗಳಲ್ಲಿ ನಡೆಸಲಾಗುತ್ತದೆ ಅಂದರೆ ಇಂಗ್ಲಿಷ್, ಹಿಂದಿ, ಅಸ್ಸಾಮಿ, ಬಂಗಾಳಿ, ಗುಜರಾತಿ, ಕನ್ನಡ, ಮಲಯಾಳಂ, ಮರಾಠಿ, ಒಡಿಯಾ, ಪಂಜಾಬಿ, ತಮಿಳು, ತೆಲುಗು ಮತ್ತು ಉರ್ದು ಭಾಷೆಗಳಲ್ಲಿ ನಡೆಸಲಾಗುತ್ತದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 3:18 pm, ಸೋಮ, 3 ನವೆಂಬರ್ 25
