ನವೆಂಬರ್ 3: ನೀವು ಅಡುಗೆ ಎಣ್ಣೆಯ (ಅಡುಗೆ ಎಣ್ಣೆ) ಪ್ಯಾಕ್ಗಳನ್ನು ಗಮನಿಸಿ… ನೋಡಲು ಅರ್ಧ ಲೀಟರ್ ಪ್ಯಾಕ್ ಅಥವಾ ಒಂದು ಲೀಟರ್ ಪ್ಯಾಕ್ಗಳು ಕಂಡುಬರುತ್ತವೆ. ನೀವು ಅರ್ಧ ಲೀಟರ್ ಪ್ಯಾಕ್ ಎಂದುಕೊಂಡಿದ್ದರೆ ಅದರ ತೂಕ 350 ಗ್ರಾಂನಿಂದ ಹಿಡಿದು 450 ಗ್ರಾಂ ಇರಬಹುದು. ಒಂದು ಲೀಟರ್ ಪ್ಯಾಕ್ ಎಂದುಕೊಂಡಿದ್ದು ವಾಸ್ತವವಾಗಿ 750 ಗ್ರಾಮ್ನಿಂದ 950 ಗ್ರಾಮ್ವರೆಗೂ ವ್ಯತ್ಯಾಸಗಳಿವೆ. ಪ್ಯಾಕೆಟ್ನಲ್ಲಿ ತೂಕವನ್ನು ಬರೆದಿರುತ್ತರಾದರೂ ಹೆಚ್ಚಿನ ಗ್ರಾಹಕರು ಒಂದು ಲೀಟರ್ ಎಣ್ಣೆ ಎಂದು ಭಾವಿಸಿ ಹಣ ತೆರುವುದುಂಟು.
ಅಡುಗೆ ಎಣ್ಣೆ ಉದ್ಯಮಗಳು ಹೆಚ್ಚಿನ ಲಾಭ ಪಡೆಯಲು ತೂಕ ಕಡಿಮೆ ಮಾಡುವುದು. ಇದು ವಿವಿಧ ಕಂಪನಿಗಳ ನಡುವಿನ ಬೆಲೆ ಇಳಿಕೆ ಸಮರದ ನೆವದಲ್ಲಿ ತೂಕ ಇಳಿಕೆ ಪೈಪೋಟಿ ಏರ್ಪಡುತ್ತದೆ. 810 ಗ್ರಾಂ ತೂಕ ಇರುವ ಎಣ್ಣೆ ಪ್ಯಾಕೆಟ್ ಬೆಲೆ 900 ಗ್ರಾಂ ತೂಕದ ಪ್ಯಾಕ್ಗಿಂತ ಕಡಿಮೆ ಇರುತ್ತದೆ. ಆದರೆ, ಜನರಿಗೆ ಎರಡೂ ಕೂಡ ಒಂದು ಲೀಟರ್ ಪ್ಯಾಕ್ನಂತೆಯೇ ಭಾಸವಾಗುತ್ತದೆ. ಗ್ರಾಹಕ ಸಹಜವಾಗಿ ಬೆಲೆ ಕಡಿಮೆ ಇರುವ 810 ಗ್ರಾಂ ತೂಕದ ಪ್ಯಾಕ್ ಅನ್ನು ಖರೀದಿಸುವ ಅವಕಾಶ ಹೆಚ್ಚಾಗಿರುತ್ತದೆ.
ಇದನ್ನೂ ಓದಿ: ಮತ್ತಷ್ಟು ಗಣಿಗಾರಿಕೆಯಿಂದ ಭಾರತಕ್ಕೆ ತಗ್ಗುತ್ತೆ 100 ಬಿಲಿಯನ್ ಡಾಲರ್ ಹೊರೆ: ಸಿಎಸ್ ಐಪಿ ವರದಿ
ಲೀಟರ್ ಲೆಕ್ಕದಲ್ಲಿ ಪ್ಯಾಕ್ ಮಾಡುವಂತೆ ಆಗ್ರಹ
ತೂಕ ಲೆಕ್ಕದಲ್ಲಿ ಪ್ಯಾಕ್ಗಳನ್ನು ಮಾಡಿ ಗ್ರಾಹಕರು ಯಾಮಾರಿಸುವ ಕೆಲಸಕ್ಕೆ ಕಡಿವಾಣ ಹಾಕಬೇಕು. ಕಂಪನಿಗಳು ಲೀಟರ್ ಲೀಟರ್ ಲೆಕ್ಕದಲ್ಲಿ ಎಣ್ಣೆಗಳನ್ನು ಪ್ಯಾಕ್ ಮಾಡುವಂತೆ ನಿಯಮ ಮಾಡಬೇಕು ಎಂದು ಈ ಉದ್ಯಮದ ಸಂಘಟನೆಯ ಸಾಲ್ವೆಂಟ್ ಎಕ್ಸ್ ಟ್ರಾಕ್ಟರ್ಸ್ ಅಸೋಸಿಯೇಶನ್ (SEA-ಸಾಲ್ವೆಂಟ್ ಎಕ್ಸ್ಟ್ರಾಕ್ಟರ್ಸ್ ಅಸೋಸಿಯೇಷನ್) ಇತ್ತೀಚೆಗೆ ಸರ್ಕಾರಕ್ಕೆ ಪತ್ರ ಬರೆದಿದೆ.
‘800 ಗ್ರಾಮ್, 810 ಗ್ರಾಮ್, 870 ಗ್ರಾಮ್ ಹೀಗೆ ಏಕರೀತಿಯಲ್ಲಿಲ್ಲ (ಪ್ರಮಾಣಿತವಲ್ಲದ) ಎಣ್ಣೆ ಪ್ಯಾಕ್ಗಳ ಸಂಖ್ಯೆ ಹೆಚ್ಚುತ್ತಿದೆ. ಇದರಿಂದ ಜನರು ಗೊಂದಲ ಆಗುತ್ತಿದೆ. ನೋಡಲು ಒಂದೇ ರೀತಿ ಕಾಣುವುದರಿಂದ ಗ್ರಾಹಕರು ಮೋಸ ಹೋಗಬಹುದು. ಬೆಲೆ ಹೋಲಿಕೆ ಸರಿಯಾಗಿ ಮಾಡಲು ವಿಫಲರಾಗಬಹುದು’ ಎಂದು ಎಸ್ಐಎ ತನ್ನ ಪತ್ರದಲ್ಲಿ ಅಭಿಪ್ರಾಯಪಟ್ಟಿದೆ.
ಇದನ್ನೂ ಓದಿ: ಒಂದು ತಿಂಗಳಿನಲ್ಲಿ 2,070 ಕೋಟಿ, ಒಂದು ದಿನದಲ್ಲಿ 75 ಕೋಟಿ ಯುಪಿಐ ವಹಿವಾಟುಗಳು; ಇದು ಹೊಸ ದಾಖಲೆ
ಬೇರೆ ಬೇರೆ ತೂಕದ ಎಣ್ಣೆ ಪ್ಯಾಕೆಟ್ಗಳು ನೋಡಲು ಒಂದು ಲೀಟರ್ ಪ್ಯಾಕ್ನಂತೆ ಕಾಣುತ್ತವೆ. ಹೀಗಾಗಿ, ಗ್ರಾಹಕರು ಮೋಸ ಹೋಗಬಹುದು. ಆದ್ದರಿಂದ ಅಡುಗೆ ಎಣ್ಣೆಯನ್ನು ಲೀಟರ್ ಲೆಕ್ಕದಲ್ಲಿ ಪ್ಯಾಕ್ ಮಾಡುವುದನ್ನು ಸರ್ಕಾರ ಕಡ್ಡಾಯಗೊಳಿಸಬೇಕು ಎಂದು ಎಡಬ್ಲ್ಯುಎಲ್ ಅಗ್ರಿ ಬ್ಯುಸಿನೆಸ್ ಸಂಸ್ಥೆ ಸಿಇಒ ಅಂಶವನ್ನು ಒತ್ತಾಯಿಸಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
