ಕಣ್ಣಿನಲ್ಲಿ ಈ ಬದಲಾವಣೆ ಕಂಡರೆ ನಿಮ್ಮ ದೇಹದ ಆ ಪ್ರಮುಖ ಅಂಗ ಡ್ಯಾಮೇಜ್ ಆಗಿದೆ ಎಂದರ್ಥ!

<p><strong>Eye health and liver: </strong>ದೇಹದಲ್ಲಿ ಏನಾದರೂ ಏರುಪೇರಾದರೆ, ಅದನ್ನು ನಮ್ಮ ಅಂಗಗಳು ಯಾವುದಾದರೂ ಒಂದು ರೀತಿಯಲ್ಲಿ ಸೂಚಿಸುತ್ತವೆ. ವಿಶೇಷವಾಗಿ ಪ್ರಮುಖ ಅಂಗವೊಂದು ಹಾನಿಗೊಳಗಾಗುತ್ತಿರುವಾಗ ಅದರ ಮೊದಲ ಮುನ್ಸೂಚನೆ ನಮ್ಮ ಕಣ್ಣುಗಳಲ್ಲಿ ಕಂಡುಬರುತ್ತದೆ.&nbsp;</p><img><p>ನಮ್ಮ ಕಣ್ಣುಗಳನ್ನು ‘ಹೃದಯದ ಕಿಟಕಿಗಳು’ ಎಂದು ಕರೆಯುತ್ತಾರೆ. ಆದರೆ ಇವು ಕೇವಲ ಭಾವನೆಗಳನ್ನು ಮಾತ್ರವಲ್ಲ, ದೇಹದ ಒಳಗಿನ ಆರೋಗ್ಯದ ಸ್ಥಿತಿಯನ್ನೂ ಪ್ರತಿಬಿಂಬಿಸುತ್ತವೆ. ನಮ್ಮ ದೇಹದ ಅತಿ ದೊಡ್ಡ ಮತ್ತು ಪ್ರಮುಖ ಅಂಗವಾದ ಲಿವರ್ (ಯಕೃತ್ತು) ಮೌನವಾಗಿ ಕೆಲಸ ಮಾಡುವ ಅಂಗ. ಇದು ಕೆಡಲು ಆರಂಭಿಸಿದರೂ ಸುಲಭವಾಗಿ ನೋವು ಅಥವಾ ಮುನ್ಸೂಚನೆ ನೀಡುವುದಿಲ್ಲ. ಆದರೆ, ಲಿವರ್ ಅಪಾಯದಲ್ಲಿದೆ ಎನ್ನುವುದನ್ನು ನಮ್ಮ ಕಣ್ಣುಗಳು ಮೊದಲೇ ಕೂಗಿ ಹೇಳುತ್ತವೆ. ಆ ರಹಸ್ಯ ಸಂಕೇತಗಳ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ.</p><img><p>ನಿಮ್ಮ ಕಣ್ಣುಗಳು ಕೇವಲ ನೋಡುವುದಕ್ಕೆ ಮಾತ್ರವಲ್ಲ, ದೇಹದ ಆಂತರಿಕ ಆರೋಗ್ಯವನ್ನು ತಿಳಿಸುವ ಸಾಧನವೂ ಹೌದು. ಕಣ್ಣಿನ ಬಣ್ಣದಲ್ಲಿ ಆಗುವ ಸಣ್ಣ ಬದಲಾವಣೆಗಳು ನಿಮ್ಮ ದೇಹದ ‘ಪವರ್‌ ಹೌಸ್’ ಆದ ಲಿವರ್ (ಯಕೃತ್ತು) ಸಮಸ್ಯೆಯಲ್ಲಿದೆ ಎಂಬುದರ ಮೊದಲ ಸೂಚನೆಯಾಗಿರಬಹುದು.</p><img><p>ಲಿವರ್ ನಮ್ಮ ದೇಹದ ನೈಸರ್ಗಿಕ ಫಿಲ್ಟರ್ ಇದ್ದಂತೆ. ನಾವು ಸೇವಿಸುವ ಆಹಾರವನ್ನು ಶಕ್ತಿಯಾಗಿ ಪರಿವರ್ತಿಸುವುದು, ರಕ್ತದಲ್ಲಿನ ವಿಷಕಾರಿ ಅಂಶಗಳನ್ನು ಹೊರಹಾಕುವುದು ಮತ್ತು ಜೀರ್ಣಕ್ರಿಯೆಗೆ ಬೇಕಾದ ಪಿತ್ತರಸವನ್ನು ತಯಾರಿಸುವುದು ಇದರ ಮುಖ್ಯ ಕೆಲಸ. ಲಿವರ್ ಕೆಟ್ಟರೆ ಇಡೀ ದೇಹದ ವ್ಯವಸ್ಥೆಯೇ ಏರುಪೇರಾಗುತ್ತದೆ.</p><img><p>ಲಿವರ್ ಸಮಸ್ಯೆಯ ದೊಡ್ಡ ಅಪಾಯವೆಂದರೆ, ಅದು ಶೇ. 70-80 ರಷ್ಟು ಹಾನಿಯಾಗುವವರೆಗೂ ಯಾವುದೇ ಗಂಭೀರ ಲಕ್ಷಣಗಳನ್ನು ತೋರಿಸುವುದಿಲ್ಲ. ಹಾಗಾಗಿಯೇ ವೈದ್ಯರು ಇದನ್ನು ‘ಸೈಲೆಂಟ್ ಕಿಲ್ಲರ್’ ಎಂದು ಕರೆಯುತ್ತಾರೆ. ಆದರೆ ಕಣ್ಣುಗಳಲ್ಲಿ ಕಂಡುಬರುವ ಹಳದಿ ಬಣ್ಣವು ಲಿವರ್ ನೀಡುವ ಆರಂಭಿಕ ಎಚ್ಚರಿಕೆಯಾಗಿದೆ.</p><img><p>ಲಿವರ್ ಸರಿಯಾಗಿ ಕೆಲಸ ಮಾಡದಿದ್ದಾಗ ರಕ್ತದಲ್ಲಿ ಬಿಲಿರುಬಿನ್ (Bilirubin) ಎಂಬ ಹಳದಿ ವರ್ಣದ್ರವ್ಯ ಹೆಚ್ಚಾಗುತ್ತದೆ. ಇದು ಕಣ್ಣಿನ ಬಿಳಿ ಭಾಗವನ್ನು (Sclera) ಹಳದಿ ಬಣ್ಣಕ್ಕೆ ತಿರುಗಿಸುತ್ತದೆ. ಇದನ್ನು ನಾವು ಕಾಮಾಲೆ ಅಥವಾ ಜಾಂಡೀಸ್ ಎನ್ನುತ್ತೇವೆ. ಆದರೆ ಇದು ಲಿವರ್ ಡ್ಯಾಮೇಜ್ ಆಗುತ್ತಿರುವುದರ ಸ್ಪಷ್ಟ ಸಂಕೇತ.</p><img><p>ಕಣ್ಣುಗಳಲ್ಲಿ ಹಳದಿ ಬಣ್ಣ, ಅತಿಯಾದ ಆಯಾಸ ಅಥವಾ ಕಣ್ಣಿನ ನೋವು ಕಂಡುಬಂದರೆ ಅದನ್ನು ಸಾಮಾನ್ಯ ದೃಷ್ಟಿ ದೋಷ ಎಂದು ನಿರ್ಲಕ್ಷಿಸಬೇಡಿ. ಇದು ನಿಮ್ಮ ಲಿವರ್ ಸಹಾಯಕ್ಕಾಗಿ ಕೇಳುತ್ತಿರುವ ಮೊರೆ ಆಗಿರಬಹುದು. ಇಂತಹ ಲಕ್ಷಣ ಕಂಡ ತಕ್ಷಣ ವೈದ್ಯರನ್ನು ಕಂಡು ಲಿವರ್ ಫಂಕ್ಷನ್ ಟೆಸ್ಟ್ (LFT) ಮಾಡಿಸಿಕೊಳ್ಳುವುದು ಉತ್ತಮ.</p>



Source link