Lunar Eclipse 2026: ಗರ್ಭಿಣಿ ಮಹಿಳೆಯರೇ ಗ್ರಹಣದ ರಾತ್ರಿ ಈ ಕೆಲಸ ಮಾಡಲು ಮರಿಬೇಡಿ

<p>Lunar Eclipse 2026: ಈ ವರ್ಷ ಹೋಳಿ ಹಬ್ಬದಂದೇ ರಕ್ತ ಚಂದ್ರಗ್ರಹಣವೂ ಆಗಲಿದೆ. ಹಬ್ಬದ ಸಂಭ್ರಮದಲ್ಲಿರುವವರು, ಅದರಲ್ಲೂ ಗರ್ಭಿಣಿ ಮಹಿಳೆಯರು ಈ ಕುರಿತು ಎಚ್ಚರಿಕೆಯಿಂದ ಇರಬೇಕು. ಯಾಕಂದ್ರೆ., ಈ ಸಮಯದಲ್ಲಿ ತೊಂದರೆಗಳು ಉಂಟಾಗುವ ಸಾಧ್ಯತೆ ಇದೆ.</p><img><p>ಈ ವರ್ಷ ಹೋಳಿ ಹಬ್ಬದಂದು ಚಂದ್ರಗ್ರಹಣ ಕೂಡ ಇದೆ. ಇದು ಖಗೋಳಶಾಸ್ತ್ರೀಯ ಘಟನೆಯಾಗಿದ್ದರೂ, ಹಿಂದೂ ಧರ್ಮವು ಇದನ್ನು ಆಧ್ಯಾತ್ಮಿಕವಾಗಿ ಸೂಕ್ಷ್ಮ ಸಮಯವೆಂದು ಪರಿಗಣಿಸುತ್ತದೆ. ಈ ಸಮಯದಲ್ಲಿ ನಕಾರಾತ್ಮಕ ಶಕ್ತಿಯು ಸಕ್ರಿಯಗೊಳ್ಳುತ್ತದೆ ಎನ್ನುವ ನಂಬಿಕೆ ಇದೆ. ಗರ್ಭಿಣಿಯರು ವಿಶೇಷವಾಗಿ ಈ ಸಮಯದಲ್ಲಿ ಜಾಗರೂಕರಾಗಿರಬೇಕು. ಈ ದಿನ ಗರ್ಭಿಣಿ ಮಹಿಳೆಯರು ಏನು ಮಾಡಬೇಕು, ಏನು ಮಾಡಬಾರದು ನೋಡೋಣ.</p><img><p>ಧಾರ್ಮಿಕ ನಂಬಿಕೆಗಳ ಪ್ರಕಾರ, ಗರ್ಭಿಣಿಯರು ಗ್ರಹಣದ ಸಮಯದಲ್ಲಿ ತಮ್ಮ ಮನೆಗಳಿಂದ ಹೊರಗೆ ಹೋಗಬಾರದು. ಮನೆಯೊಳಗೆ ಇರುವುದು ಸುರಕ್ಷಿತ ಮತ್ತು ಶುಭ ಎನ್ನುವ ನಂಬಿಕೆ ಇದೆ. ಶಾಂತ ವಾತಾವರಣದಲ್ಲಿ ಇರುವುದು ತಾಯಿ ಮತ್ತು ಮಗು ಇಬ್ಬರಿಗೂ ಪ್ರಯೋಜನಕಾರಿ.</p><img><p>ಗ್ರಹಣದ ಸಮಯದಲ್ಲಿ ದೇವರ ಹೆಸರನ್ನು ಪಠಿಸುವುದು ಶುಭ. "ಓಂ ನಮಃ ಶಿವಾಯ" ಅಥವಾ ಗಾಯತ್ರಿ ಮಂತ್ರವನ್ನು ಪಠಿಸುವುದು ವಾಡಿಕೆ. ಈ ಸಮಯದಲ್ಲಿ ಯಾವುದೇ ಧಾರ್ಮಿಕ ಗ್ರಂಥವನ್ನು ಪಠಿಸುವುದು ಶುಭವೆಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ನೀವು ಸಹ ಭಕ್ತಿಯಲ್ಲಿ ಲೀನವಾಗಿ.</p><img><p>ಗ್ರಹಣದ ಸಮಯದಲ್ಲಿ ಗರ್ಭಿಣಿಯರು ತಮ್ಮ ಹೊಟ್ಟೆಗೆ ಕಾವಿಮಣ್ಣಿನ ಪೇಸ್ಟ್ ಅನ್ನು ಹಚ್ಚಿಕೊಳ್ಳಬೇಕು ಎನ್ನುವ ನಂಬಿಕೆ ಇದೆ. ಇದು ಭ್ರೂಣವನ್ನು ರಕ್ಷಿಸುತ್ತೆ ಎನ್ನುತ್ತಾರೆ. ಇದನ್ನು ಮಾಡುವುದರಿಂದ ಖಂಡಿತವಾಗಿಯೂ ಏನೂ ಅಪಾಯ ಇಲ್ಲ.</p><img><p>ಗ್ರಹಣದ ಸಮಯದಲ್ಲಿ ಚಾಕು, ಕತ್ತರಿ ಅಥವಾ ಸೂಜಿಗಳಂತಹ ಚೂಪಾದ ವಸ್ತುಗಳನ್ನು ಬಳಸಬಾರದು ಎಂದು ಸಂಪ್ರದಾಯ ಹೇಳುತ್ತದೆ. ತೆರೆದ ಆಕಾಶದಲ್ಲಿ ನಿಂತು ಗ್ರಹಣವನ್ನು ವೀಕ್ಷಿಸುವುದನ್ನು ತಪ್ಪಿಸುವುದು ಸಹ ಸೂಕ್ತವಾಗಿದೆ.</p><img><p>ಸೂತಕ ಅವಧಿಯಲ್ಲಿ ಅಡುಗೆ ಮಾಡುವುದನ್ನು ಮತ್ತು ಆಹಾರವನ್ನು ಸೇವಿಸುವುದನ್ನು ತಡೆಯುವ ಸಂಪ್ರದಾಯವಿದೆ. ಅನೇಕ ಜನರು ಗ್ರಹಣಕ್ಕೆ ಮೊದಲು ತಮ್ಮ ಆಹಾರಕ್ಕೆ ತುಳಸಿ ಎಲೆಗಳು ಮತ್ತು ಕುಶಾ ಹುಲ್ಲನ್ನು ಸೇರಿಸುತ್ತಾರೆ. ಇದನ್ನು ಆಹಾರದ ಶುದ್ಧತೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ.</p>



Source link