ಬಾಲಿವುಡ್ ನಟಿ ಮಾಧುರಿ ದೀಕ್ಷಿತ್ (ಮಾಧುರಿ ದೀಕ್ಷಿತ್) ಬಗ್ಗೆ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಭಾರತದಲ್ಲಿ, ವಿದೇಶದಲ್ಲೂ ಅಭಿಮಾನಿಗಳು ಇದ್ದಾರೆ. ಅವರು ಇತ್ತೀಚೆಗೆ ಕೆನಡಾಗೆ ತೆರಳಿದ್ದರು. ಅಲ್ಲಿ ಅವರ ಕಾರ್ಯಕ್ರಮ ಒಂದರಲ್ಲಿ ಭಾಗಿ ಆಗಬೇಕಿತ್ತು. ಅವರನ್ನು ನೋಡಬೇಕು ಎಂದು ವಿದೇಶದಲ್ಲಿ ಇದ್ದ ಭಾರತೀಯರು ಕಾದಿದ್ದರು. ಆದರೆ, ಅವರು ಮೂರು ಗಂಟೆ ತಡವಾಗಿ ಹೋಗಿ ಟ್ರೋಲ್ ಆಗಿದ್ದಾರೆ.
ಸಾಮಾನ್ಯವಾಗಿ ಭಾರತದಲ್ಲಿ ಕಾರ್ಯಕ್ರಮಕ್ಕೆ ಸೆಲೆಬ್ರಿಟಿಗಳು ಯಾವುದೇ ಗಂಟೆ ತಡವಾಗಿ ತೆರಳಿದರೆ ಎಲ್ಲರೂ ಅದನ್ನು ಸಹಿಸಿಕೊಳ್ಳುತ್ತಾರೆ. ನೆಚ್ಚಿನ ಕಲಾವಿದರು ಈಗಲಾದರೂ ಬಂದರಲ್ಲ ಎಂದು ಹೆಮ್ಮೆ ವ್ಯಕ್ತಪಡಿಸುತ್ತಾರೆ. ಆದರೆ, ಕೆನಡಾದಲ್ಲಿ ಆ ರೀತಿ ಆಗಿಲ್ಲ. ಅವರನ್ನು ಟೀಕಿಸಿದ್ದಾರೆ ಜೊತೆಗೆ ಶೋನ ಹಣ ಮರಳಿಸುವಂತೆ ಬೇಡಿಕೆ ಇಡುತ್ತಿದ್ದಾರೆ.
ಕೆನಡಾದ ಟೊರೊಂಟೊದಲ್ಲಿ ನಡೆದ ಕಾರ್ಯಕ್ರಮವೊಂದರ ವಿಡಿಯೋವೊಂದು ವೈರಲ್ ಆಗಿದ್ದು, ಅದರಲ್ಲಿ ಮಾಧುರಿ ಮೂರು ಗಂಟೆ ತಡವಾಗಿ ಅಲ್ಲಿಗೆ ಬಂದಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದು ಅನೇಕ ಜನರನ್ನು ಕೆರಳಿಸಿದೆ ಮತ್ತು ಅವರನ್ನು ವ್ಯಾಪಕವಾಗಿ ಟ್ರೋಲ್ ಮಾಡಲಾಗಿದೆ. ಈ ವರ್ಷದ ಆರಂಭದಲ್ಲಿ, ಗಾಯಕಿ ನೇಹಾ ಕಕ್ಕರ್ ಅವರು ಮೆಲ್ಬೋರ್ನ್ನಲ್ಲಿ ನಡೆದ ಸಂಗೀತ ಕಾರ್ಯಕ್ರಮಕ್ಕೆ ತಡವಾಗಿ ಆಗಮಿಸಿದಾಗ ವಿವಾದವನ್ನು ಸೃಷ್ಟಿಸಿದರು. ಸಾಮಾಜಿಕ ಮಾಧ್ಯಮದಲ್ಲಿಯೂ ಅವರನ್ನು ಟ್ರೋಲ್ ಮಾಡಲು. ಕೊನೆಗೆ, ನೇಹಾ ತಮ್ಮ ಮೌನ ಮುರಿದು ಸಾಮಾಜಿಕ ಮಾಧ್ಯಮದಲ್ಲಿ ಕ್ಷಮೆಯಾಚಿಸಿದರು.
ವೈರಲ್ ವಿಡಿಯೋದಲ್ಲಿ ಏನಿದೆ?
‘ನಾನು ನಿಮಗೆ ಒಂದು ಸಲಹೆ ನೀಡಲು ಬಯಸುತ್ತೇನೆ. ಮಾಧುರಿ ದೀಕ್ಷಿತ್ ಅವರ ಪ್ರವಾಸಕ್ಕೆ ಹೋಗಬೇಡಿ. ನಿಮ್ಮ ಹಣವನ್ನು ಉಳಿಸಿ’ ಎಂದು ವಿಡಿಯೋ ಹಂಚಿಕೊಂಡು ಬರೆದುಕೊಳ್ಳಲಾಗಿದೆ. ಟಿಕೆಟ್ನಲ್ಲಿ ಕಾರ್ಯಕ್ರಮ 7:30ಕ್ಕೆ ಪ್ರಾರಂಭವಾಗಲಿದೆ ಎಂದು ಬರೆಯಲಾಗಿದೆ. ಆದರೆ, ಅವರು 10 ಗಂಟೆಗೆ ವೇದಿಕೆಗೆ ಬಂದರು ಅನೇಕ ವೀಕ್ಷಕರು ಹೇಳಿದ್ದಾರೆ. ಅನೇಕರು ಹಣ ಮರಳಿಸುವಂತೆ ಕೋರುತ್ತಿದ್ದಾರೆ.
‘ಇದು ಆಯೋಜಕರ ತಪ್ಪೋ ಅಥವಾ ಮಾಧುರಿ ಅವರ ತಪ್ಪೋ ನನಗೆ ಗೊತ್ತಿಲ್ಲ. ಆದರೆ ನಮಗೆ ಮಾತ್ರ ವ್ಯರ್ಥವಾಗಿದೆ’ ಎಂದು ಒಬ್ಬರು ಬರೆದಿದ್ದಾರೆ. ಕಾನೂನು ಕ್ರಮ ಕೈಗೊಳ್ಳಲು ಸೂಚಿಸಿದ್ದಾರೆ. ‘ಎಲ್ಲರೂ ಇದನ್ನು ಗ್ರಾಹಕ ಸಂರಕ್ಷಣಾ ವೇದಿಕೆಗೆ ವರದಿ ಮಾಡಬೇಕು” ಎಂದು ಒಬ್ಬ ಬಳಕೆದಾರರು ಬರೆದಿದ್ದಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 7:35 pm, ಮಂಗಳವಾರ, 4 ನವೆಂಬರ್ 25
