ಹುಡುಗೀರನ್ನು ನೋಡೋಕೆ, ಊಟ ಮಾಡೋದಕ್ಕೇನೆ ಹುಡುಗ್ರು ಮದ್ವೆಗೆ ಹೋಗೋದು ಅಂತಿದ್ದಾರೆ ನಟಿ Megha Shetty | Megha Shetty Told That Men Goes To Marriage For Drinks And Girls

ಚಂದನವನದಲ್ಲಿ ನಟಿಯಾಗಿ ಹಾಗೂ ಕನ್ನಡ ಕಿರುತೆರೆಯಲ್ಲಿ ನಿರ್ಮಾಪಕಿಯಾಗಿರುವ ಮೇಘಾ ಶೆಟ್ಟಿ ಇದೀಗ ಆಪರೇಷನ್ ಲಂಡನ್ ಕೆಫೆ ಸಿನಿಮಾ ಮೂಲಕ ಸದ್ದು ಮಾಡುತ್ತಿದ್ದಾರೆ. ಸದ್ಯ ಸಿನಿಮಾ ಪ್ರಚಾರ ಕಾರ್ಯದಲ್ಲಿ ನಟಿ ಬ್ಯುಸಿಯಾಗಿದ್ದಾರೆ.

ಸಿನಿಮಾದ ಸಂದರ್ಶನವೊಂದರಲ್ಲಿ ನಿರೂಪಕರು ಮೇಘಾ ಶೆಟ್ಟಿ ಬಳಿ ತಮಾಷೆಯಾಗಿ ಪ್ರಶ್ನೆಗಳನ್ನು ಕೇಳಿದ್ದು, ಆವಾಗ ನಿಮ್ಮ ಪ್ರಕಾರ ಹುಡುಗರು ಸಾಮಾನ್ಯವಾಗಿ ಮದುವೆಗೆ ಯಾಕೆ ಹೋಗುತ್ತಾರೆ ಎಂದು ಕೇಳಿದ್ದಾರೆ. ಅದಕ್ಕೆ ಮೇಘಾ ಶೆಟ್ಟಿ ತಮಾಷೆಯಾಗಿಯೇ ಉತ್ತರ ನೀಡಿದ್ದಾರೆ.

ನಿರೂಪಕರ ಪ್ರಶ್ನೆಗೆ ಉತ್ತರಿಸಿದ ಮೇಘಾ ಶೆಟ್ಟಿ, ಹುಡುಗರು ಮುಖ್ಯವಾಗಿ ಮದುವೆಗೆ ಹೋಗಲು ಕಾರಣ ಅಂದ್ರೆ ಮೊದಲನೇಯದಾಗಿ ಹುಡುಗಿಯರನ್ನು ನೋಡೋದಕ್ಕೆ, ಎರಡನೇಯದಾಗಿ ಊಟ ಮಾಡಲು ಮೂರನೇಯದಾಗಿ ಎಣ್ಣೆಗಾಗಿ ಎಂದಿದ್ದಾರೆ.

ಅಷ್ಟೇ ಅಲ್ಲ ಸಖತ್ ಆಗಿ ಟಪ್ಪಾಂಗುಚ್ಚಿ ಡ್ಯಾನ್ಸ್ ಮಾಡೋಕೆ ಮದ್ವೆಗೆ ಹೋಗ್ತಾರಂತೆ. ಅದಲ್ಲಂತೆ ನಾನು ಮದುವೆ ಆಗಲ್ಲ ಆಗಲ್ಲ ಅಂತ ಹೇಳುತ್ತಿದ್ದ ಹುಡುಗರನ್ನು ಗೊಳೊಯ್ದು, ಮಚ್ಚಾ ನೀನು ಬಿದ್ದೋಗ್ಬಿಟ್ಯಲ್ಲೋ ಎಂದು ಕಾಟ ಕೊಡೋದಕ್ಕೆ ಮದುವೆಗೆ ಹೋಗ್ತಾರಂತೆ ಎಂದು ತಮಾಷೆಯಾಗಿ ಮೇಘಾ ಉತ್ತರಿಸಿದ್ದಾರೆ.

ಕವೀಶ್ ಶೆಟ್ಟಿ ಮತ್ತು ಮೇಘಾ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ OLC (ಆಪರೇಶನ್ ಲಂಡನ್ ಕೆಫೆ) ಸಿನಿಮಾದಲ್ಲಿ ಮೇಘಾ ಶೆಟ್ಟಿ ಬಜಾರಿ ಹುಡುಗಿಯಾಗಿ ನಟಿಸಿದ್ದಾರೆ. ಸಡಗರ ರಾಘವೇಂದ್ರ ಅವರ ನಿರ್ದೇಶನ, ಕವೀಶ್ ಶೆಟ್ಟಿ ಕಥೆ ಬರೆದಿರುವ ಸಿನಿಮಾ ಇದಾಗಿ. ಈಗಾಗಲೇ ಸಿನಿಮಾ ಬಿಡುಗಡೆಯಾಗಿದ್ದು, ಸಿನಿರಸಿಕರು ಕಥೆಯನ್ನು ಮೆಚ್ಚಿಕೊಂಡಿದ್ದಾರೆ.

ಟ್ರಿಪಲ್ ರೈಡಿಂಗ್, ದಿಲ್ ಪಸಂದ್, ಕೈವಾ, ಆಫ್ಟರ್ ಆಪರೇಶನ್ ಲಂಡನ್ ಕೆಫೆ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅಲ್ಲದೇ ಚೀತಾ, ಗ್ರಾಮಾಯಣ ಸಿನಿಮಾ ಬಿಡುಗಡೆಗೆ ಬಾಕಿ ಇದೆ. .